YIGIL 13

I tibil pémés nseñ u biniigana

Bingéngén 3:21

I SEM KWEP: Hôla baemble i nok lelaa nkwel woñ u ntihba biniñ gwap, unda ki bo lelaa ba nla gwélél i mam ba nigil.

Hoñol baemble we. Yoñ ngéda i hoñol inyuki baemble ba gwé ngôñ ni biniigana u yé i ti, yimbe ki matode ma nkwel ma ma nlôôha bane bo nseñ.
Mu nkwel woñ wonsôna, hôla baemble we le ba tehe jam ba nlama boñ. Ibôdôl yaga i bibôdle bi nkwel woñ, hiki mut a ñemble we a nlama kalba le: ‘Nkwel unu u mbéñge me.’ I ngéda u ntoñol hiki litode li mahee, unda lelaa ba nla bii jo i bisélél. U pot ndik bañ i ngii ni ngii.

Pôdôs baemble ni gwéha lôñni ñem ngôô, unda bo lelaa ba nla bii matiñ ma Bibel i bisélél. U ta bé ha inyu kéés bo tole inyu wéha bo nyuu, ndi hôlôs gwéha yap, lédés ki hémle yap, u bak nkwoog nkaa le miñem nwap mi ga tinde bo i boñ loñge.