Ajalɛ nga e kwla fa’n

E bo sran’m be Biblu’n nun like klelɛ bo, Novamblu i Fue cɛn klikli’n nun

“Sran wafawafa kwlaa be srɛ Ɲanmiɛn cɛn kwlaa. ?Ɔ maan a bu i kɛ srɛlɛ’n i ngba yɛ Ɲanmiɛn tie ɔ?” Maan sran’n tɛ kosan’n su. I sin’n, fa Ɔktɔblu 1 i Sasafuɛ Tranwlɛ’n mɛn i, kpɛkun maan amun koko fluwa’n i bue 30-31 i nun ndɛ nga be o i ce’m be nun kun i bolɛ’n, be su yalɛ likawlɛ. Biblu’n nun ndɛ mma nga be o nun’n, kanngan be nun wie mun annzɛ be nun kun nun. Fa Sasafuɛ Tranwlɛ’n nin Réveillez-vous ! mɛn i. Kpɛkun cɛn nga amún kókó kosan uflɛ su yalɛ’n, maan amun nuan sɛ su.

Sasafuɛ Tranwlɛ’n Ɔktɔblu 1

Fa periodiki’n i sin bui’n kle sran’n, kpɛkun se kɛ: “?Wafa sɛ yɛ á tɛ́ kosan nga su ɔ? [Maan sran’n tɛ kosan’n su.] Nian ndɛ nga Biblu’n kan’n. [Kanngan 1 Zan 5:19 nun.] Kɛ nga e fa wun i lɛ sa’n, “Klunwifuɛ’n” annzɛ mmusu’m be si Satan yɛ ɔ sie mɛn’n niɔn. I sɔ’n ti e usa e wun kosan wie mun. ?Mmusu’m be si Satan fin nin? ?Ɔ ti sran jrɛiin li? Ɲanmiɛn mɛ́n i atin kɛ ɔ sie mɛn’n lele ɔ ju nin? Fluwa nga yiyi ndɛ nga Biblu’n kan’n i nun.”

Réveillez-vous ! Septembre

“Sika ndɛ ti’n, andɛ sran kpanngban be wunman be wun fɛ kaan sa. ?Ɔ klun’n, ngue ti yɛ lika’n w’a kete e su sa yɛ’n niɔn? [Maan sran’n tɛ kosan’n su.] Biblu’n nun ngwlɛlɛ ndɛ’m be ukali sran sunman sika ndɛ’n nun. [Biblu’n nun ndɛ mma nga be klɛli be fluwa’n i bue 8-9 su’n, an kanngan be nun kun nun.] Fluwa nga kle e wafa nga e kwla yo naan kalɛ bolɛ nun’n y’a fa ngwlɛlɛ y’a nanti’n.”