Ajalɛ nga e kwla fa’n

E bo sran’m be Biblu’n nun like klelɛ bo, Ɔktɔblu i Fue cɛn klikli’n nun

“Ɔ fata kɛ be kle ba’m be Ɲanmiɛn i su ndɛ nanwlɛ’n. ?Sanngɛ nin yɛ be kwla wun Ɲanmiɛn i su ndɛ nanwlɛ sɔ’n niɔn? [Maan sran’n tɛ kosan’n su.] Biblu’n m’ɔ kan Ɲanmiɛn i ndɛ, i nun yɛ be kwla suan Ɲanmiɛn i su ndɛ nanwlɛ’n niɔn.” I sin’n, amun fa Sasafuɛ Tranwlɛ’n fluwa Sɛptamblu 1 be man sran’n naan amun nin i be kanngan ndɛ kpɔlɛ nɲɔn nga be o i bue 4 su’n, be nun. Yɛ Biblu’n nun ndɛ mma nga be klɛli be lɛ’n kusu’n, an kanngan be nun kun nun wie. Fa Sasafuɛ Tranwlɛ’n nin Réveillez-vous ! mɛn i. Kpɛkun cɛn nga amún kókó kosan’n i nɲɔn su’n i su yalɛ’n, maan amun nuan sɛ su.

Sasafuɛ Tranwlɛ’n Sɛptamblu 1

Fa periodiki’n i sin bui’n kle sran’n, naan se kɛ: “?Wafa sɛ yɛ á tɛ́ kosan nga su ɔ? [Maan sran’n tɛ kosan’n su.] Nian ndɛ nga Biblu’n kan’n. [Kanngan Mmla’n 6:6, 7 nun.] Kɛ nga e fa wun i lɛ sa’n, ɔ fata kɛ siɛ nin niɛn’m be ‘fa mmla be kle be mma mun.’ ?Sanngɛ nin yɛ bé fá mmla sɔ’n bé klé be mma mun ɔn? Fluwa nga nun’n, be fa Biblu’n tɛli kosan sɔ’n su.”

Réveillez-vous ! Septembre

“Sika ndɛ ti’n, andɛ sran kpanngban be wunman be wun fɛ kaan sa. ?Ɔ klun’n, ngue ti yɛ lika’n w’a kete e su sa yɛ’n niɔn? [Maan sran’n tɛ kosan’n su.] Biblu’n nun ngwlɛlɛ ndɛ’m be ukali sran sunman sika ndɛ’n nun. [Biblu’n nun ndɛ mma nga be klɛli be fluwa’n i bue 8-9 su’n, an kanngan be nun kun nun.] Fluwa nga kle e wafa nga e kwla yo naan kalɛ bolɛ nun’n y’a fa ngwlɛlɛ y’a nanti’n.”