Ajalɛ nga e kwla fa’n

E bo sran’m be Biblu’n nun like klelɛ bo, Ɔktɔblu i Fue cɛn klikli’n nun

“Sran kpanngban be bu i kɛ Ɲanmiɛn sieli cɛn kun kɛ ɔ́ dí sran’m be jɔlɛ. ?A bu i kɛ jɔlɛ dilɛ cɛn’n ɔ ti cɛn kun m’ɔ fata kɛ e minndɛ i aklunjuɛ su annzɛ ɔ fata kɛ ɔ kun e srɛ ɔ? [Maan sran’n tɛ kosan’n su.] Nian ndɛ nga be klɛli i wa’n.” Fa Ɔktɔblu 1 Sasafuɛ Tranwlɛ’n man sran’n. I sin’n, ndɛ ng’ɔ o ndɛ ce klikli’n i bo lɛ’n i bue 16 su’n, maan amun koko su yalɛ naan amun kanngan Biblu’n nun ndɛ mma kun nun. Kpɛkun fa Sasafuɛ Tranwlɛ’n nin Réveillez-vous ! man sran’n, yɛ cɛn nga amún kókó kosan uflɛ ng’ɔ su i su’n i su yalɛ’n, maan amun nuan sɛ su.

Sasafuɛ Tranwlɛ’n Ɔktɔblu 1

“Lika kpanngban nun’n, be buman bla’m be sran yɛ be yo be tɛtɛ. Ng’ɔ ti tɛ bɔbɔ’n yɛle kɛ Ɲanmiɛn sulɛ wafa wie’m be nun’n, be se sran’m be kɛ be yo bla’m be sɔ. ?Kɛ ɔ bɔbɔ a niɛn i sa’n, Ɲanmiɛn bu bla’m be sran? [Maan sran’n tɛ kosan’n su.] Biblu’n kle wafa nga ɔ fata kɛ yasua kun nin i yi’n be tran’n. Maan e fa e ɲin e sie su e nian. [Kanngan Efɛzfuɛ Mun 5:28, 29 nun.] Wafa nga Ɲanmiɛn bu bla mun’n yɛ fluwa nga kɛn i ndɛ ɔ.”

Réveillez-vous ! Octobre

“Siɛ nin niɛn’m be kunndɛ kɛ be mma’m be si fluwa kpa. ?Kɛ a niɛn i sa’n, le nɲɔn nun ba nga b’a wie suklu’n di mɔ be ɲannin be diplɔmu’n, a bu i kɛ like nga be suɛnnin i suklu lɔ’n, ɔ kwla uka be naan b’a kwla kpli be ti mɛn kekle nga nun? [Maan sran’n tɛ kosan’n su.] Biblu’n waan ngwlɛlɛ i suanlɛ’n ti cinnjin kpa. Nian ndɛ ng’ɔ kan’n. [Kanngan Akunndanfuɛ’n 7:12 nun.] Fluwa nga nun’n, be boboli ajalɛ nnun nga be kwla uka ba mun naan b’a wɔ be ɲrun suklu lɔ’n, be su.”