Maan e bo jasin fɛ’n i kpa tra laa: Maan e fa fluwa Jasin fɛ e kle sran’m be Biblu’n nun like be anuan’n nun lɛ
?Ngue ti yɛ ɔ ti cinnjin ɔn? Sɛ e kunndɛ kɛ e uka sran mun naan be kaci Zezi i sɔnnzɔnfuɛ’n, ɔ fata kɛ e kle be like. (Mat. 28:19, 20) Sɛ e fa fluwa nga annuanzɛ’n man e’n, e fa di junman kpa’n, e kwlakwla e kwla si like kle. I wie yɛle e Jasin fɛ. Be yili i kɛ e fa kle sran’m be like. I kpa bɔbɔ’n, e kwla fa e fluwa sɔ’n e kle sran’m be Biblu’n nun like be anuan’n nun lɛ.
Anglo nga nun’n, maan e yo nga e nian:
Srɛ Zoova kɛ ɔ uka ɔ naan a klo sran’m be Biblu’n nun like klelɛ. Se i kɛ ɔ uka ɔ naan a bo sran kun i Biblu’n nun like klelɛ bo. Se i ekun kɛ ɔ uka ɔ naan a si like kle kpa.—Fil. 2:13.
Kɛ amún sú Ɲanmiɛn awlo lɔ’n, annzɛ kɛ ɔ ngunmin á súan Biblu’n i nun like’n, suan wafa nga a kwla fiti ɔ ndɛ su’n i su like. I liɛ’n, á íjɔ juejue su. Yɛ á kwlá klé sran kun i Biblu’n nun like i anuan’n nun lɛ.