Like kunndɛlɛ i su ajalɛ wie mun

Ninnge nga be ti ba kanngan’m be liɛ’n

iɛ nin niɛn mun yɛ ɔ fata kɛ be uka be mma mun naan b’a si Zoova-ɔ. (Efɛ. 6:4) Kɛ ɔ ko yo naan b’a kwla yo sɔ’n, Zoova i anuannzɛ’n yili ninnge wie mun naan be fa uka be wun. ?Wafa sɛ yɛ siɛ nin niɛn’m be kwla fa ninnge sɔ mun uka be mma mun-ɔ?

• Amun kwla wun ninnge sɔ mun jw.org su. Afin ɛntɛnɛti adrɛsi sɔ’n su yɛ video nin ninnge kwlaa nga be ti ba kanngan mun nin gbanflɛn nin talua’m be liɛ’n be wo-ɔ.a Kɛ amun kɔ jw.org su’n, an klɛ “Ba kanngan mun” annzɛ “Gbanflɛn nin talua mun” kan be klɛli i lɛ kɛ “kunndɛ.”

• Amun fa amun ɲin be sie i ninnge nga be kwla uka amun mma mun’n i su. I lɛ nun’n, amun kwla wun ninnge nga be kwla uka amun mma mun e ɛntɛnɛti lika’n i bue nga be klɛli i lɛ kɛ “Ba kanngan mun” i nun.

• Amun nin amun mma’m be koko ninnge sɔ’m be su yalɛ. Nán ba kanngan’m be ɲin su yiyilɛ ti yɛ be yili ninnge sɔ mun-ɔn. Ɔ maan ɔ fataman kɛ amun se be ngbɛn kɛ be fa be ɲin be sie i ninnge sɔ’m be su. Sanngɛ amun nin be koko ninnge sɔ’m be su yalɛ yɛ amun fa uka be naan be nin Zoova be afiɛn mantan kpa.