MGA SALMO

1 Maugma an tawong dai naglalakaw sigun sa sadol kan mga maraot

Asin dai nagtitindog sa dalan kan mga parakasala+

Saka dai nagtutukaw sa tukawan kan mga paratuya.+

 2 Kundi an ikinakaugma niyang marhay iyo an katugunan ni Jehova,+

Asin an Saiyang katugunan binabasa niya sa maluway na boses,* aldaw asin banggi.+

 3 Magigin siring siya sa sarong kahoy na itinanom sa gilid kan mga sulugan nin tubig,

Sarong kahoy na namumunga sa kapanahunan kaiyan,

Na an mga dahon dai naluluyos.

 4 Bakong arog kaiyan an mga maraot;

Sinda siring sa apa na ipinapadpad nin duros.

 5 Iyan an dahilan kaya an mga maraot dai magdadanay na nakatindog pag sinda hinukuman;+

An mga parakasala dai man magdadanay na nakatindog sa katiripunan kan mga matanos.+

 6 Huli ta an dalan kan mga matanos aram ni Jehova,+

Alagad an dalan kan mga maraot mapapara.+

2 Ano ta nagkakariribok an mga nasyon

Asin sarong bagay na basang an piggugumod-gumod* kan mga banwaan?+

 2 An mga hadi sa daga nag-andam na makilaban

Asin an mga halangkaw na opisyal nagtiripon nin sararo*+

Tumang ki Jehova asin tumang sa saiyang linahidan.*+

 3 An sabi ninda: “Putulon ta an saindang mga ipinangkadena

Asin iapon an mga lubid ninda!”

 4 An Saro na nakatukaw sa trono sa kalangitan ngingisihan sinda;

Tutuya-tuyaon sinda ni Jehova.

 5 Huli sa saiyang kaanggutan* tataraman niya sinda sa panahon na iyan

Asin magkakatarakot sinda huli sa naglalaad niyang kaanggutan,

 6 Na nagsasabi: “Ako mismo an nagpatukaw sa sakuyang hadi+

Sa Sion,+ na sakuyang banal na bukid.”

 7 Ipapaisi ko an sinabi* ni Jehova;

Sinabi niya sa sako: “Ika an sakuyang aki;+

Sa aldaw na ini ako nagin saimong ama.+

 8 Hagadon mo sako, asin itatao ko an mga nasyon bilang saimong mana

Asin an bilog na daga bilang saimong pagsadiri.+

 9 Papasaon mo sinda gamit an setrong lansang,*+

Asin rurunuton mo sinda siring sa sarong pidaso nin kuron.”+

10 Kaya ngunyan, mga hadi, magpahiling kamo nin pakasabot;

Kamong mga hukom sa daga, akuon nindo an pagtatanos.*

11 May pagkatakot na maglingkod kamo ki Jehova,

Asin may pagtakig na mag-ugma.

12 Tawan nindo nin onra an* aki,+ ta kun dai, maaanggot an Diyos*

Asin mapapara kamo sa dalan,+

Huling minalaad tulos an kaanggutan Niya.

 3 Alagad ika, O Jehova, saro kang kalasag sa palibot ko,+

Ika an sakong kamurawayan+ asin an Saro na nag-iitaas kan sakong payo.+

 4 Maapod ako ki Jehova,

Asin sisimbagon niya ako hali sa saiyang banal na bukid.+ (Selah)

 5 Mahigda ako asin maturog;

Asin ligtas akong mamata,

Huling padagos akong inaalalayan ni Jehova.+

 6 Dai ako natatakot sa manampulong rinibo

Na mga nakapuwesto sa palibot laban sa sako.+

Huling papatamaan mo sa panga an gabos kong kalaban;

Titiripakon mo an mga ngipon kan mga maraot.+

 5 Idulot nindo an mga atang nin katanusan,

Asin magtiwala kamo ki Jehova.+

 7 An sakuyang puso pinano mo nin dakulang kaugmahan

Na mas labi pa kisa duman sa mga may abundang inaning tipasi asin bagong arak.

 8 Mahigda ako asin maturog na may katuninungan,+

Huling ika sana, O Jehova, an nagpapaistar sa sako sa katiwasayan.+

5 Dangugon mo an mga sinasabi ko, O Jehova;+

Mangnuha tabi an sakong mga pag-agrangay.

 2 Tawan mong atensiyon an paghagad ko nin tabang,

O sakong Hadi asin sakong Diyos, huling sa saimo ako namimibi.

 3 O Jehova, pag aga madadangog mo an boses ko;+

Pag aga ipapahayag ko sa saimo an kahaditan ko+ asin hahalat-halaton an simbag mo.

 4 Huling saro kang Diyos na dai nauugma sa karatan;+

Mayo nin siisay man na maraot an puwedeng magin saimong kaibanan.+

Ikinakaungis mo an gabos na naggigibo nin karatan;+

 6 Lalaglagon mo an mga nagtataram nin mga kaputikan.+

 7 Alagad malaog ako sa harong mo+ huli sa saimong dakulang maimbod na pagkamuot;+

Maduko ako paatubang sa banal na templo* mo na may pagkatakot asin hararom na paggalang sa saimo.+

 8 O Jehova, giyahan mo ako sa saimong katanusan huling nakapalibot sa sako an mga kalaban;

Gibuhon mong mayong ulang para sa sako an saimong dalan.+

 9 Huling mayo sa mga sinasabi ninda an mapagtitiwalaan;

An nasa kaisipan ninda puro maraot na intensiyon;

An saindang halunan sarong nakabukang lubungan;

Nambubuladas sinda paagi kan saindang dila.*+

10 Pero an Diyos ipapahayag sindang may sála;

An sadiri nindang mga pakana an magpapabagsak sa sainda.+

Lugod na palayason mo sinda dahil sa dakul nindang paglapas,

Huli ta nagrebelde sinda sa saimo.

11 Alagad an gabos na nagpapaili sa saimo mag-uurugma;+

Pirmi sindang makurahaw na may kaugmahan.

Uulangon mo an mga gustong gumibo nin maraot sa sainda,

Asin an mga namumuot sa saimong pangaran maggagaya-gaya.

12 Huling bebendisyunan mo an siisay man na matanos, O Jehova;

Siring sa dakulang kalasag, an pag-uyon mo an maprotektar sa sainda.+

6 Kun ika anggot, O Jehova, dai mo ako pagsagwion,

Asin kun grabe an saimong kaanggutan dai mo ako pagtanuson.+

 3 Iyo, napupurisaw ako* nin grabe,+

Asin an hapot ko saimo, O Jehova—sagkod nuarin ini?+

 4 Magbalik ka, O Jehova, asin isalbar mo ako;*+

Iligtas mo ako huli sa maimbod na pagkamuot mo.+

 5 Huling sa kagadanan dai ka na nasasambitan;*

Sa Lubungan,* siisay an maumaw sa saimo?+

 6 Napapagal na ako huli sa sakong pag-agrangay;+

Sa bilog na banggi nasasagom ko nin mga luha an sakuyang higdaan;*

Nababaha kan sakong pagtangis an sakuyang kama.+

 7 Nagluya an sakong mata huli sa grabe kong kamunduan;+

Nagrumarom* iyan huli sa gabos na nang-aatake sa sakuya.

 8 Rumayo kamo sako, kamo gabos na naggigibo nin maraot,

Huling dadangugon ni Jehova an pagtangis ko.+

 9 Dadangugon ni Jehova an pakimahirak ko;+

Aakuon ni Jehova an pamibi ko.

10 Mapapasupog asin pangluluyahan nin buot an gabos kong kalaban;

Bigla sindang maaratras sa kasusupgan.+

 2 Ta kun dai, gugutay-gutayon ninda ako* arog kan ginigibo nin sarong leon,+

Asin tatabagon* ako sagkod na mayo nang makakapagligtas sa sako.

 3 O Jehova na sakuyang Diyos, kun ako man nakagibo nin kasalan,

Kun nagin man akong bakong makatanusan,

 4 Kun ginibuhan ko nin maraot an naggibo sa sako nin karahayan,+

O kun sinamsaman ko an sakong kalaban* na mayo man nin dahilan,

 5 Pabayaing lapagon ako* asin abutan nin sarong kalaban;

Pabayaing timak-timakan niya ako* sa daga sagkod na magadan

Asin papangyarihon na mapara sa alpog an sakong kamurawayan. (Selah)

 6 Tumindog ka huli sa saimong kaanggutan, O Jehova;

Atubangon mo tabi an kabangisan kan sakong mga kalaban;+

Magmata ka alang-alang sa sakuya, asin ipagbuot mong ipautob an hustisya.+

 7 Pabayai an mga nasyon na palibutan ka;

Asin mahiro ka laban sa sainda hali sa kaitaasan.

 8 Sesentensiyahan ni Jehova an mga tawo.+

Husgaran mo ako, O Jehova, sigun sa katanusan ko

Pero an saro na matanos tabi na saimong parigunon,+

Huling ika an matanos na Diyos+ na nagsisiyasat kan mga puso+ asin kan kauruiraruming mga emosyon.*+

11 An Diyos sarong matanos na Hukom,+

Asin sa aroaldaw, ihinahayag nin Diyos an mga paghukom* niya sa mga maraot.

12 Kun may siisay man na dai magsulsol,+ tinatais niya an saiyang espada;+

Kinukurba niya* asin inaandam an saiyang busog.+

13 Ihinahanda niya an saiyang nakakagadan na mga armas;

Inaandam niya an saiyang nagkakalayong mga pana.+

14 Hilinga an saro na bados sa karatan;

Nangingidam siya nin kariribukan asin nangangaki nin mga kaputikan.+

15 Nagkakalot siya asin mas pinapararom pa iyan,

Pero nahuhulog siya sa mismong kalot na ginibo niya.+

16 Mabalik sa saiya mismong payo an ginibo niyang kariribukan;+

Mabagsak sa tuktok kan payo niya an saiyang kadahasan.

17 Uumawon ko si Jehova huli sa saiyang hustisya;+

Makanta ako nin mga pag-umaw* sa pangaran ni Jehova+ na Kahuruhalangkawi.+

8 O Jehova na samuyang Kagurangnan, mamuraway nanggad sa bilog na daga an saimong pangaran;

Itinaas mo an saimong kamurawayan nin mas halangkaw pa kisa sa kalangitan!*+

 2 Hali sa nguso nin mga aki asin mga umboy+ ipinahiling mo an saimong kusog

Huli sa mga kalaban mo,

Tanganing mapasilensiyo an kaiwal asin an parabalos.

 3 Pag nahihiling ko an saimong kalangitan, an mga gibo kan saimong mga muro,

An bulan asin an mga bituon na inandam mo,+

 4 Siisay man an tawong mortal ta ginigirumdom mo siya,

Asin an aki nin tawo ta inaataman mo siya?+

 5 Ginibo mo siyang mas hababa nin dikit kisa sa mga arog-diyos,*

Asin kinoronahan mo siya nin kamurawayan asin kahanga-hangang kagayunan.

 6 Ipinamahala mo sa saiya an mga gibo kan saimong mga kamot;+

Ipinasairarom mo sa saiyang mga bitis an gabos na bagay:

 7 An gabos na karnero saka kanding asin mga baka,

Siring man an mga layas na hayop,*+

 8 An mga gamgam* sa kalangitan asin an mga sira sa dagat,

An ano man na naglalangoy sa kadagatan.

9 Uumawon taka, O Jehova, nin bilog kong puso;

Isasaysay ko an manungod sa gabos mong makangangalas na gibo.+

 2 Mag-uugma ako asin maggagaya-gaya huli sa saimo;

Makanta ako nin mga pag-umaw* sa pangaran mo, O Kahuruhalangkawi.+

 3 Pag mag-atras an sakong mga kalaban,+

Matutumba sinda asin mapapara sa saimong atubangan.

 4 Huli ta idinedepensa mo an matanos kong ipinaglalaban;

Tuminukaw ka sa saimong trono asin naghuhukom na may katanusan.+

 5 Sinaway mo an mga nasyon+ asin linaglag an mga maraot,

Pinara mo an saindang pangaran sagkod nuarin pa man.

 6 An kalaban linaglag na sagkod lamang;

Ginabot mo an saindang mga siyudad,

Asin gabos na bagay manungod sa sainda dai na magigirumduman pa.+

 7 Pero si Jehova magdadanay na nakatukaw sa trono sagkod lamang;+

Marigon niyang inestablisar an saiyang trono alang-alang sa hustisya.+

 8 An iniistaran na daga* huhukuman niya nin may katanusan;+

Mapaluwas siya nin matanos na desisyon sa mga kaso kan mga nasyon.+

 9 Si Jehova magigin sarong ligtas na pailihan* para sa mga inaapi,+

Sarong ligtas na pailihan sa mga panahon nin kasakitan.+

10 An mga nakakamidbid sa saimong pangaran magtitiwala sa saimo;+

Dai mo nuarin man babayaan, O Jehova, an mga naghahanap sa saimo.+

11 Magkanta kamo nin mga pag-umaw ki Jehova, na nag-iirok sa Sion;

Ipaisi nindo sa mga banwaan an saiyang mga gibo.+

12 Huli ta an Saro na parabalos kan saindang dugo ginigirumdom sinda;+

Dai niya lilingawan an pag-agrangay kan mga nagsasakit.+

13 Mahirak ka sako, O Jehova; hilinga an pagpapasakit sa sako kan mga nauungis sa sakuya,

Ika na minahawas sa sako sa mga trangkahan nin kagadanan,+

14 Para maihayag ko sa mga trangkahan kan aking babayi nin Sion an kaumaw-umaw mong mga gibo,+

Asin ikaugma ko an mga pagliligtas na ginigibo mo.+

15 An mga nasyon luminubog sa ginibo nindang kalot;

An mismong mga bitis ninda nasiod sa itináon* nindang hikot.+

17 Maatras pasiring sa Lubungan* an mga maraot,

An gabos na nasyon na liningawan an Diyos.

20 Papangyarihon mong magkatarakot sinda, O Jehova,+

Pabayaing maaraman kan mga nasyon na sinda mga tawong mortal sana. (Selah)

 2 An maraot may kapalangkawan na linalapag an daing kalaban-laban,+

Alagad siya an madadakop kan ginibo niyang mga pakana.+

 3 Huling ipinaghahambog kan maraot an makasadiri niyang mga pagmawot*+

Asin inuumaw niya an saro na mahanab;*

נ Nun]

Dai niya iginagalang si Jehova.

 4 Huli sa saiyang kapalangkawan, dai nagsisiyasat an maraot;

An nasa isip niya sana: “Mayong Diyos.”+

 5 An saiyang mga dalan padagos na nagigin mapanggana,+

Pero an saimong mga ipinapautob na desisyon dai niya nasasabutan;+

Tinutuya-tuya niya an* gabos niyang kalaban.

 6 Sinasabi niya sa saiyang puso: “Dai ako nuarin man matatanyog;*

Sa gabos na henerasyon,

Mayo sa sako nuarin man nin maabot na kapahamakan.”+

 7 An saiyang nguso pano nin mga maldisyon, kaputikan, asin huma;+

Sa irarom kan saiyang dila yaon an kariribukan asin danyos.+

 8 Nag-aabang siya harani sa mga baryo tanganing mantambang;

Hali sa saiyang pinagtataguan ginagadan niya an saro na daing sála.+

10 An biktima minalupaypay asin minatumba;

An mga kahirak-hirak nahuhulog sa mga kuko* niya.

Sa saimo minadulok an kahirak-hirak na biktima;+

Ika an paratabang sa aki na mayo nang ama.*+

15 Barion mo an takyag kan tawong maraot asin tampalasan,+

Tanganing pag hinanap mo an saiyang karatan,

Dai mo na iyan manunumpungan.

 2 Hilinga kun paano kinukurba kan mga maraot an* busog;

Ibinubugtak ninda sa lubid kaiyan an saindang pana,

Tanganing patamaan hali sa kadikluman an mga matanos an puso.

 3 Pag magkagaraba an mga pundasyon,*

Ano an gigibuhon kan matanos?”

 5 Sinisiyasat ni Jehova an matanos pati an maraot;+

Ikinakaungis niya* an siisay man na namumuot sa kadahasan.+

 6 Sa mga maraot, mga siod* an ipapauran niya;

Kalayo saka asupre+ asin nakakapasong duros an magigin laog kan saindang kopa.

 7 Huling matanos si Jehova;+ namumuot siya sa mga matanos na gibo.+

Mahihiling kan mga matanos an lalawgon niya.*+

12 Iligtas mo ako, O Jehova, ta mayo nang natatadang maimbod;

Mayo na sa mga tawo an mga maimbod.

 2 Nagpuputik sinda sa lambang saro;

Nambubuladas sinda gamit an saindang mga ngabil* asin nagtataram na may madayang puso.*+

 3 Tatakrason ni Jehova an gabos na nambubuladas na mga ngabil

Asin puputulon an dila na nagtataram nin grabeng kahambugan,+

 4 Su mga nagsasarabi: “Manggagana kita gamit an satong dila.

Gagamiton ta an satong mga ngabil sagkod na gusto ta;

Siisay man an madominar sa satuya?”+

 5 “Huli sa pang-aapi sa mga nasasakitan,

Huli sa agrangay kan mga dukha,+

Matindog ako tanganing humiro,” an sabi ni Jehova.

 6 An mga tataramon ni Jehova dalisay;+

An mga iyan arog sa plata* na dinalisay nin pitong beses sa hurnong gibo sa dalipay.*

 7 Babantayan mo sinda, O Jehova,+

Poprotektaran mo sagkod lamang an kada saro sa sainda laban sa henerasyon na ini.

 8 An mga maraot buwelong nakakapaglakaw-lakaw

Huling an mga aki nin tawo sinusuportaran an karatan.+

 2 Sagkod nuarin ako* magkakaigwa nin kahaditan,

Na may grabeng kamunduan sa sakong puso sa kada aldaw?

 5 Pero ako, nagtitiwala ako sa maimbod na pagkamuot mo;+

Mag-uugma an puso ko sa mga pagliligtas na saimong ginigibo.+

Maraot an saindang mga gibo, asin makababaldi an saindang mga ginigibo;

Mayo nin naggigibo nin marahay.+

 2 Alagad dinudungaw ni Jehova hali sa langit an mga aki nin tawo

Tanganing hilingon kun baga igwa nin siisay man na may pakasabot, kun baga igwa nin siisay man na naghahanap ki Jehova.+

 3 Gabos sinda suminuway nin dalan;+

Gabos sinda pararehong maraot.

Mayo nin naggigibo nin marahay,

Mayo lamang maski saro.

 5 Pero biyo sindang magkakatarakot,+

Huling si Jehova nasa kaibanan kan henerasyon kan mga matanos.

 6 Kamong mga paragibo nin maraot, hinihinguwa nindong ulangon an mga plano nin sarong hamak,

Pero si Jehova an pailihan niya.+

Pag tipunon na giraray ni Jehova an saiyang banwaan na nabihag,

Lugod na an Jacob magin maugma, lugod na an Israel maggaya-gaya.

 2 An saro na naglalakaw na daing sála,*+

Na naggigibo nin tama,+

Asin nagtataram nin katotoohan sa puso niya.+

 3 Dai siya nagpapakaraot gamit an saiyang dila,+

Dai siya naggigibo nin maraot sa saiyang kapwa,+

Asin dai niya pinapakaraot* an saiyang mga amigo.+

 4 Isinisikwal niya an siisay man na makababaldi,+

Alagad tinatawan niya nin onra an mga may pagkatakot ki Jehova.

 5 Dai siya nagpapautang nin kuwarta na may patubo,+

Asin dai siya nag-aako nin suhol tanganing akusaran an daing sála.+

 3 Asin an mga banal na nasa daga,

Na mga mamuraway, nagpapaugmang marhay sa sakuya.”+

Dai ako maiba sa sainda sa pag-atang nin mga dugong dulot na inumon,

Asin dai ko sasambiton an mga pangaran kan saindang mga diyos.+

Sa saimong presensiya* may abundang kagaya-gayahan;+

May kaugmahan* sa may tuo* mo sagkod lamang.

17 Danguga tabi an pakimahirak ko para sa hustisya, O Jehova;

Tawan mong atensiyon an paghagad ko nin tabang;

Dangugon mo an pamibi ko na itinaram kong mayong pandadaya.+

 2 Lugod na magdesisyon kang may hustisya alang-alang sa sakuya;+

Lugod na mahiling kan saimong mga mata kun ano an tama.

 3 Siniyasat mo an sakong puso, siniyasat mo ako sa banggi;+

Dinalisay mo ako;+

Mahihiling mong dai ako nagpakana nin ano man na maraot,

Asin mayong linapas an sakong nguso.

 4 Ano man an ginigibo kan mga tawo,

An mga dalan kan parahabon* linilikayan ko, kauyon kan tataramon mo.+

 5 Padagos lugod akong maglakaw sa mga dalan mo

Tanganing dai masingkog an mga bitis ko.+

 7 Ipahiling mo sa makangangalas na paagi an maimbod na pagkamuot mo,+

O Paraligtas kan mga nagpapaili sa tuo mong kamot

Na mga nagdudulag sa mga nagrerebelde sa saimo.

 8 Ingatan mo ako siring sa alinawnaw* kan mata mo;+

Itago mo ako sa lindong kan mga pakpak mo.+

 9 Ingatan mo ako laban sa maraot na minasalakay sa sako,

Sa mga mortal kong kalaban* na nakapalibot sa sako.+

10 Nagin sindang daing pakamati;*

Gamit an nguso ninda, nagtataram sindang may kapalangkawan;

11 Pinapalibutan ninda kami ngunyan;+

Naghahanap sinda nin pagkakataon tanganing kami pabagsakon.*

12 An maraot garo leon na gustong-gustong gutay-gutayon an saiyang nabiktima,

Garo durudakula nang leon na nakalukob tanganing mantambang.

13 Tumindog ka, O Jehova, tanganing atubangon+ asin pabagsakon siya;

Iligtas mo ako* sa maraot paagi kan saimong espada;

14 Iligtas mo ako paagi kan saimong kamot, O Jehova,

Sa mga tawo kan kinaban na ini,* na an kahirasan yaon sa buhay na ini,+

Sinda na mga pinaniguan mo nin marahay na mga bagay na saimong itinao+

Asin mga nagwawalat nin pamana sa dakul na aki ninda.

15 Pero ako, huli kan sakong katanusan mahihiling ko an lalawgon mo;

Kontento akong magmata na nasa presensiya mo.*+

An sakuyang Diyos iyo an sakong gapo,+ na sakong pinapailihan,

An sakong kalasag asin an sakong sungay* nin kaligtasan,* an sakong ligtas na pailihan.*+

 3 Minaapod ako ki Jehova, na maninigong umawon,

Asin maliligtas ako sa mga kalaban ko.+

 4 Napuruputan ako kan mga lubid nin kagadanan;+

Natakot akong marhay sa nagraragasang mga baha nin mga tawong daing kamanungdanan.+

 5 Napuruputan ako kan mga lubid kan Lubungan;*

Nasabatan ko an mga siod nin kagadanan.+

 6 Kan ako napupurisaw nag-apod ako ki Jehova,

Sa sakuyang Diyos padagos akong naghagad nin tabang.

Hali sa saiyang templo nadangog niya an boses ko,+

Asin kan maghagad ako sa saiya nin tabang nadangog niya ako.+

 7 Dangan nagyugo-yugo an daga asin natanyog;+

Nagkunog-kunog an mga pundasyon kan kabukidan

Asin nagyugo-yugo iyan huli sa saiyang kaanggutan.+

 8 Nag-itaas an aso hali sa saiyang dungo,

Asin sarong kalayong minatumtom an nagluwas sa saiyang nguso;+

Nag-arab-adab an mga baga hali sa saiya.

 9 Pinakurba niya an kalangitan kan magbaba siya,+

Asin an mahibog na kadikluman yaon sa irarom kan mga bitis niya.+

11 Dangan nagtago siya sa kadikluman,+

Ginibo niya iyan na sirungan sa enterong palibot niya,

An maitom asin mahibog na mga panganuron na may kikilat saka daguldol.+

12 Huli sa kaliwanagan na nasa atubangan niya

Buminagsak hali sa mga panganuron an uran nin yelo* asin nagkakalayong mga baga.

13 Dangan nagpadaguldol si Jehova sa kalangitan;+

Ipinadangog kan Kahuruhalangkawi an boses niya+

Na may kaibang mga yelo asin nagkakalayong mga baga.

14 Nagpalayog siya nin mga pana sa saiyang mga kaiwal asin nagdurulagan sinda;+

Idinaklag niya an saiyang kikilat asin nagkariribaraw sinda.+

15 Nahiling an pinakasalóg kan mga sapa;*+

Nabantad an mga pundasyon kan daga huli sa pagsaway mo, O Jehova,

Huli sa makusugon na hinangos hali sa saimong dungo.+

16 Iginawgaw niya an saiyang kamot hali sa kaitaasan;

Kinaputan niya ako asin hinawas hali sa hararom na katubigan.+

17 Ilinigtas niya ako sa makusog na kalaban ko,+

Sa mga nauungis sa sakuya, na mga mas makusog kisa sako.+

18 Sinalakay ninda ako kan aldaw na ako nasa kapahamakan,+

Alagad si Jehova an nagin sakuyang tabang.

19 Dinara niya ako sa lugar na harayo sa peligro;*

Ilinigtas niya ako huling nawiwilihan niya ako.+

20 Tinatawan ako ni Jehova nin balos sigun sa sakong katanusan;+

Tinatawan niya ako nin balos sigun sa pagigin daing sála* kan sakong mga kamot.+

21 Huling sinunod ko an mga dalan ni Jehova,

Asin dai ko ginibo an sarong bagay na maraot—an pagbaya sa sakuyang Diyos.

22 An gabos niyang ipinapautob na desisyon nasa atubangan ko;

Dai ko babaliwalaon an saiyang mga reglamento.

23 Magdadanay akong daing katuyawan sa atubangan niya,+

Asin lilikayan ko an paggibo nin sala.+

24 Tawan lugod ako ni Jehova nin balos sigun sa sakong katanusan,+

Sigun sa pagigin daing sála kan sakong mga kamot sa saiyang atubangan.+

25 Sa tawong maimbod mapahiling ka nin kaimbudan;+

Sa tawong daing katuyawan mahiro ka nin daing katuyawan;+

26 Sa tawong dalisay* ipinapahiling mong dalisay* ka,+

Alagad sa tawong tuso ipinapahiling mong madunong ka.+

27 Huling iliniligtas mo an mga hamak,*+

Alagad ibinababa mo an mga mapalangkaw.*+

28 Huli ta ika an nagpapailaw kan sakuyang lampara, O Jehova,

An sakong Diyos na nagtataong liwanag sa madiklom kong palibot.+

29 Sa tabang mo, an sarong tropa nin mga parasamsam kaya kong salakayon;+

Paagi sa kapangyarihan nin Diyos, an sarong pader kaya kong sakaton.+

30 An dalan kan tunay na Diyos perpekto;+

An tataramon ni Jehova dalisay.+

32 An tunay na Diyos an naggugubing sa sako nin kusog,+

Asin gigibuhon niyang perpekto an dalan ko.+

33 An sakong mga bitis ginigibo niyang arog kan sa sarong usa;

Pinapatindog niya ako sa haralangkaw na lugar.+

34 Sinasanay niya sa pakikilaban an mga kamot ko;

Kayang kurbahon kan sakong mga takyag an* sarong busog na tanso.

35 Itinao mo sako an saimong kalasag nin kaligtasan,+

An tuo mong kamot an nagtatabang* sa sako,

Asin nagigin bantog ako huli kan saimong kapakumbabaan.+

36 Pinahalakbang mo an agihan para sa mga lakad ko;

Dai madadarinas an mga bitis* ko.+

37 Lalapagon ko an sakong mga kalaban asin aabutan ko sinda;

Dai ako mabalik sagkod na dai sinda napapara.

38 Rurunuton ko sinda tanganing dai na sinda makabangon;+

Magkakaturumba sinda sa irarom kan sakong mga bitis.

39 Tatawan mo ako nin kusog para sa pakikipaglaban;

Papabagsakon mo sa sakuyang atubangan an sakong mga kalaban.+

40 An sakong mga kalaban papaatrason mo parayo sa sako,*

Asin an mga nauungis sa sako tatarapuson* ko.+

41 Naghahagad sinda nin tabang, alagad mayo sa sainda nin magliligtas;

Nag-aapod pa ngani sinda ki Jehova, alagad dai niya sinda pigsisimbag.

42 Dudukdukon ko sinda nin pino siring sa alpog na nasa duros;

Itatapok* ko sinda sa luwas siring sa laboy na nasa mga dalan.

44 Dahil lang sa mababaretaan ninda, susunudon ninda ako;

An mga taga ibang nasyon madurulok sa sako na nakarukrok.+

45 Mawawaran nin kusog nin buot* an mga taga ibang nasyon;

Maruluwas sindang nagtatarakig hali sa saindang mga kuta.*

47 Ibinabalos ako kan tunay na Diyos;+

Ipinapasakop niya sa sako an mga banwaan.

48 Iliniligtas niya ako sa naaanggot kong mga kalaban;

Iniitaas mo ako sa ibabaw kan mga minasalakay sa sako;+

Iliniligtas mo ako sa madahas na tawo.

49 Kaya papamurawayon taka sa tahaw kan mga nasyon, O Jehova,+

Asin makanta ako nin mga pag-umaw* sa saimong pangaran.+

50 Dakulang mga pagliligtas* an ginigibo niya para sa saiyang hadi;+

Ipinapahiling niya an saiyang maimbod na pagkamuot sa saiyang linahidan,+

Ki David asin sa saiyang gikan* sagkod lamang.+

19 An kamurawayan nin Diyos ihinahayag kan kalangitan;+

An gibo kan saiyang mga kamot ibinabalangibog kan kahiwasan.*+

 2 Kada aldaw nagbubulwak an tataramon ninda,

Asin kada banggi nagpapahiling sinda nin kaaraman manungod sa saiya.

 3 Mayo nin tinataram, asin mayo nin mga sinasabi;

Dai nadadangog an saindang boses.

 4 Alagad nakalakop sa bilog na daga an patotoo* ninda,

Asin nakaabot sa mga puro kan iniistaran na daga* an mensahe ninda.+

Sa kalangitan, nagpatindog siya nin tolda para sa aldaw;

 5 Arog iyan sa sarong nobyong paluwas sa kuwarto nin bagong kasal;

Nag-uugma iyan siring sa sarong makusog na lalaking nagdadalagan sa saiyang inaagihan.

 6 Minatunga iyan sa sarong puro kan kalangitan,

Asin minalibot iyan sagkod sa ibong na puro;+

Asin mayo nin natatago sa init kaiyan.

 8 An mga pagbuot hali ki Jehova matanos, nakakapaugma sa puso;+

An tugon ni Jehova malinig, nagpapakinang sa mga mata.+

10 Mas mamawuton pa an mga iyan kisa sa bulawan,

Kisa sa dakul na purong* bulawan,+

Asin mas mahamis pa kisa sa tangguli,*+ sa tangguling minaturo hali sa mga harong nin putyukan.

11 Paagi sa mga iyan, napapatanidan an saimong lingkod;+

Sa pag-utob sa mga iyan, igwang dakulang balos.+

13 Asin pugulan mo an saimong lingkod na makagibo nin kapangahasan;+

Dai mo itugot na madaog ako kan mga iyan.+

Sa siring, magigin akong daing katuyawan,*+

Asin magdadanay akong daing sála sa magabat na mga kasalan.*

14 Lugod na an mga sinasabi kan sakong nguso asin an hinuhurop-hurop kan sakong puso

Makapaugma sa saimo,+ O Jehova, na sakuyang Gapo+ asin sakuyang Paratubos.+

 2 Lugod na padarahan ka niya nin tabang hali sa banal na lugar+

Asin susteniran ka niya hali sa Sion.+

 3 Lugod na girumdumon niya an gabos mong dulot na regalo;

Lugod na akuon niyang may pag-uyon* an saimong dulot na pigtututong. (Selah)

 4 Lugod na itao niya an minamawot kan saimong puso+

Asin gibuhon niyang mapanggana an gabos mong plano.*

 5 Maugma kaming makurahaw huli sa mga ginigibo mong pagliligtas;+

Iiitaas mi an samong mga bandera sa ngaran kan samuyang Diyos.+

Sinisimbag niya siya hali sa saiyang banal na kalangitan

Paagi sa dakulang pagliligtas* kan saiyang tuong kamot.+

 7 An iba nagsasarig sa mga karwahe asin an iba sa mga kabayo,+

Pero kami nag-aapod sa pangaran ni Jehova na samuyang Diyos.+

 8 Nagkaturumba sinda asin buminagsak,

Pero buminangon kami asin tanos na nagtirindog liwat.+

21 O Jehova, nag-uugma an hadi huli sa saimong kusog;+

Nag-uugma siyang marhay huli sa saimong mga ginigibong pagliligtas!+

 2 Itinao mo sa saiya an mawot kan puso niya,+

Asin dai mo ipinanguri an hinahagad kan mga ngabil niya. (Selah)

 3 Huli ta nagsusupay na bendisyon an isinabat mo sa saiya;

Sarong purong* bulawan na korona an ibinugtak mo sa payo niya.+

 4 Naghagad siya sa saimo nin buhay, asin itinao mo iyan,+

Sarong halawig na buhay,* sagkod nuarin pa man.

 6 Binebendisyunan mo siya sagkod lamang;+

Napapaugma mo siya kan saimong presensiya.*+

 7 Huli ta nagtitiwala ki Jehova an hadi;+

Dai siya nuarin man matatanyog*+ huli sa maimbod na pagkamuot kan Kahuruhalangkawi.

 8 Madadakop kan saimong kamot an gabos na kalaban mo;

Madadakop kan tuo mong kamot an mga nauungis sa saimo.

10 Lalaglagon mo sa daga an mga gikan* ninda,

Asin lalaglagon mo hali sa mga aki nin tawo an mga aki ninda.

11 Huli ta intensiyon nindang gumibo nin maraot laban sa saimo;+

Nagplano sinda nin mga pakana na dai magigin mapanggana.+

12 Huling papaatrason mo sinda+

Paagi sa pag-asentar mo sa sainda* kan saimong pana.*

Taano ta harayo ka para iligtas ako,

Harayo para madangog an mga agrangay nin grabeng pagsakit ko?+

 2 Diyos ko, sige kong apod pag aldaw, pero dai ka nagsisimbag;+

Asin pati sa banggi dai ko kayang magsilensiyo.

 3 Alagad banal ka,+

Napapalibutan* kan mga pag-umaw kan Israel.

 4 Sa saimo nagtiwala an samuyang mga ama;+

Nagtiwala sinda, asin padagos mo sindang ilinigtas.+

 5 Sa saimo sinda nag-agrangay, asin nakaligtas sinda;

Nagtiwala sinda sa saimo, asin dai sinda nasudya.*+

 6 Pero saro akong ulod asin bakong tawo,

Pigtutuya* asin hinahamak kan mga tawo.+

 7 Tinutuya-tuya ako kan gabos na nakakahiling sa sakuya;+

Nagtitiwi-tiwi sinda asin nagpipiling-piling mantang nagtutuya:+

 9 Ika an Saro na nagluwas sa sako sa tulak kan sakuyang ina,+

An Saro na nagpamati sa sako nin katiwasayan kan ako pinapasuso kan sakuyang ina.

10 Ipinagkatiwala na ako sa pangangataman mo* puon pa kan ako mamundag;

Puon pa kan ako nasa tulak kan sakong ina, ika na an sakuyang Diyos.

11 Dai ka magdanay na harayo sa sako, ta harani na an kasakitan+

Asin mayo na sa sako nin ibang matabang.+

12 Dakul na bakang torilyo an puminalibot sa sako;+

Makukusog na torong baka kan Basan an puminalibot sa sako.+

Siring sa nag-uungal na leon na ginugutay-gutay an saiyang nabibiktima.+

14 Ibinubo ako na garo tubig;

Nagkataranggal sa mga pagsukmulan an gabos kong tulang.

Nagin garo taro* an sakong puso;+

Natunaw iyan sa laog ko.+

15 Namara an kusog ko siring sa sarong tipak nin lalagan na dalipay;+

Duminukot sa ngaros ko an sakuyang dila;+

Ibinababa mo ako sa alpog* nin kagadanan.+

16 Huling pinalibutan ako nin mga ayam;+

Parani nin parani sinda sa sako siring sa sarong grupo nin mga paragibo nin karatan,+

Kinakagat ninda an mga kamot saka mga bitis ko siring sa sarong leon.+

18 Pinagbaranga-banga ninda an mga bado ko,

Asin nagburunutan sinda para sa gubing ko.+

20 Iligtas mo ako* laban sa espada;

Iligtas mo an sakong mahalagang marhay na buhay* laban sa mga kuko* kan mga ayam;+

21 Iligtas mo ako sa nguso kan leon+ asin sa mga sungay kan mga layas na bakang toro;

Simbagon asin iligtas mo ako.

22 Ipapahayag ko sa sakuyang mga tugang an saimong pangaran;+

Uumawon taka sa tahaw kan katiripunan.*+

24 Huling dai niya hinamak ni binaliwala an pagsakit kan saro na inaapi,+

Dai niya sa saiya itinago an lalawgon niya.+

25 Sa dakulang katiripunan, uumawon taka;+

Sa atubangan kan mga may pagkatakot sa saimo, uutubon ko an sakong mga promesa.

26 An mga mahuyo magkakarakan asin magkakabarasog;+

An mga naghahanap ki Jehova mag-uurumaw sa saiya.+

28 Huling ki Jehova an pagkahadi;+

Namamahala siya sa mga nasyon.

29 An gabos na mayaman na tawo* sa daga makarakan asin maduruko;

An gabos na minababa sa alpog* maruluhod sa atubangan niya;

Mayo sa sainda an kayang mapagdanay na buhay an sadiri* niya.

30 Maglilingkod sa saiya an mga gikan ninda;*

Sasabihon sa masunod na henerasyon an manungod ki Jehova.

 2 Pinapaluko niya ako sa maduot* na mga pasabsaban;

Ginigiyahan niya ako pasiring sa mga pahingaluan na bastante sa tubig.*+

 4 Dawa naglalakaw ako sa kababan nin grabeng kadikluman,+

Dai ako natatakot sa ano man na kapahamakan,+

Ta ika sakuyang kaibanan;+

An sugkod mo asin an baston mo an nagpapakusog liwat kan buot ko.*

An sakuyang payo pinaparepreskuhan* mo nin lana;+

Pano-pano an sakuyang kopa.+

 6 Siguradong susundan ako nin karahayan asin maimbod na pagkamuot sa gabos na aldaw kan sakong buhay,+

Asin maistar ako sa harong ni Jehova sagkod na ako nabubuhay.+

24 Sadiri ni Jehova an daga asin an gabos na yaon diyan,+

An mabungang daga asin an mga nag-iistar diyan.

 2 Huli ta ibinugtak niya iyan nin matibay sa ibabaw kan mga dagat+

Asin marigon niyang inestablisar iyan sa ibabaw kan mga salog.

 3 Siisay an puwedeng magtukad sa bukid ni Jehova,+

Asin siisay an puwedeng magtindog sa banal na lugar niya?

 4 An siisay man na may mga kamot na daing sála asin may dalisay na puso,+

Na base sa Sakong buhay,* dai nanunumpa nin putik na panuga,

Ni nanunumpa na may pandadaya.+

 5 Magkakamit siya nin mga bendisyon hali ki Jehova+

Asin nin katanusan* hali sa saiyang Diyos nin kaligtasan.+

 6 Ini an henerasyon kan mga naghahanap sa saiya,

Kan mga naghahanap kan saimong lalawgon, O Diyos ni Jacob. (Selah)

 7 Kamong mga trangkahan,+ iitaas nindo an saindong payo;

Kamong suanoy na mga pintuan, bumukas* kamo,

Tanganing an mamuraway na Hadi makalaog diyan sa saindo!+

Si Jehova na makusog asin makapangyarihan,+

Si Jehova na makapangyarihan sa ralaban.+

 9 Kamong mga trangkahan,+ iitaas nindo an saindong payo;

Kamong suanoy na mga pintuan, bumukas kamo,

Tanganing an mamuraway na Hadi makalaog diyan sa saindo!

 2 Diyos ko, nagtitiwala ako sa saimo;+

Dai mo pagtugutan na mamugtak ako sa kasusupgan.+

 3 Siguradong mayo sa mga naglalaom sa saimo an mamumugtak sa kasusupgan,+

Pero kasusupgan an naghahalat sa mga nandadaya na mayo man nin dahilan.+

 4 Ipaaram mo sa sako an saimong mga dalan, O Jehova;+

Itukdo mo sa sako an saimong mga agihan.+

 5 Palakawa ako sa saimong katotoohan asin tukduan mo ako,+

Ta ika an sakuyang Diyos nin kaligtasan.

 6 Girumduma tabi an saimong pagkahirak, O Jehova, asin an saimong maimbod na pagkamuot,+

Na pirmi mong ipinapahiling.*+

Girumdumon mo ako uyon sa saimong maimbod na pagkamuot,+

Alang-alang sa saimong karahayan, O Jehova.+

 9 Gigiyahan niya an mga mahuyo sa kun ano an tama,*+

Asin itutukdo niya sa mga mahuyo an dalan niya.+

10 An gabos na dalan ni Jehova maimbod na pagkamuot asin kaimbudan

Para sa mga nag-uutob kan saiyang tipan+ asin nagsusunod sa saiyang mga pagirumdom.+

11 Alang-alang sa saimong pangaran, O Jehova,+

Patawadon mo an sakong sála, dawa iyan dakula.

13 Marahay na mga bagay an maeeksperyensiyahan niya,*+

Asin magigin pagsadiri kan saiyang mga gikan* an daga.+

14 An mga may pagkatakot ki Jehova an puwedeng magin dayupot na amigo niya,+

Asin ipinapaaram niya sa sainda an saiyang tipan.+

15 An sakong mga mata pirming nakahiling ki Jehova,+

Huling hahalion niya sa hikot an sakong mga bitis.+

16 Iatubang mo sa sako an saimong lalawgon asin kahirakan mo ako,

Ta nagsosolo ako asin daing kalaban-laban.

17 Nagpaparadakul an kasakitan kan sakong puso;+

Patalingkason mo ako sa grabeng pagsakit ko.

18 Hilingon mo an grabeng pagsakit ko asin an problema ko,+

Asin patawada tabi an gabos na kasalan ko.+

19 Hilingon mo kun gurano kadakul kan kalaban ko

Asin kun gurano kadahas kan kaanggutan ninda sa sako.

21 Lugod na protektaran ako kan sakong integridad asin katanusan,+

Ta ika an sakuyang linalauman.+

26 Husgaran mo ako, O Jehova, ta naglakaw ako na may integridad;+

Ki Jehova ako nagtiwala na daing pagduwa-duwa.+

 2 Siyasaton mo ako, O Jehova, asin baluon mo ako;

Dalisaya an sakong kauruiraruming mga kaisipan* asin an sakong puso.+

 3 Huli ta an saimong maimbod na pagkamuot pirming nasa sakong atubangan,

Asin naglalakaw ako sa saimong katotoohan.+

 4 Dai ako nakikiiba-iba sa* mga tawong madaya,+

Asin linilikayan ko idtong mga itinatago kun ano talaga sinda.*

 5 Ikinakaungis ko an grupo nin mga naggigibo nin maraot,+

Asin hinahabuan kong makiiba-iba sa* mga maraot.+

 6 Mahanaw ako kan sakong mga kamot para ipahiling na dai akong sála,

Asin malakaw ako sa palibot kan saimong altar, O Jehova,

 7 Tanganing maipadangog an pasasalamat ko+

Asin tanganing maipahayag ko an gabos mong makangangalas na ginibo.

 8 Jehova, namumutan ko an harong na saimong iniirukan,+

An lugar kun sain nagpipirmi an saimong kamurawayan.+

 9 Dai mo ako paraon* kaiba kan mga parakasala+

Ni kuanon mo man an buhay ko kaiba kan mga madahas na tawo,*

10 Na an mga kamot nakikikabtang sa makasusupog na mga gibo-gibo,

Asin na an tuong kamot pano nin mga suhol.

12 Nakatindog ako sa sarong patag na lugar;+

Sa dakulang katiripunan,* uumawon ko si Jehova.+

 2 Kan salakayon ako kan mga maraot tanganing sibaon an sakong laman,+

An mga kalaban ko asin mga kaiwal ko an nagkadarasmag asin nagkapurukan.

 3 Dawa magkampo an sarong hukbo laban sa sako,

Dai matatakot an sakuyang puso.+

Dawa magkaigwa nin giyera laban sa sakuya,

Magdadanay pa man giraray akong may kumpiyansa.

 4 Sarong bagay an hinahagad ko ki Jehova

—Iyan an minamawot ko—

Na ako makaistar sa harong ni Jehova sa gabos na aldaw kan buhay ko,+

Tanganing mahiling an karahayan ni Jehova

Asin tanganing mamasdan ko na may pagpapahalaga* an templo* niya.+

 5 Huli ta itatago niya ako sa saiyang taguan, sa aldaw nin kapahamakan;+

Itatago niya ako sa sekretong lugar na iyo an saiyang tolda;+

Ibubugtak niya ako sa ibabaw nin sarong halangkaw na gapo.+

 6 Ngunyan manggagana na ako* sa mga kalaban kong nakapalibot sa sako;

Magdudulot ako nin mga atang sa saiyang tolda mantang nagkukurahaw na maugma;

Makanta ako nin mga pag-umaw* ki Jehova.

 7 Dangugon mo ako, O Jehova, pag ako mag-agrangay;+

Kahirakan mo ako asin simbagon mo ako.+

Ika an sakuyang paratabang;+

Dai mo ako pabayaan o bayaan, sakuyang Diyos nin kaligtasan.

10 Dawa pa bayaan ako kan sadiri kong ama asin ina,+

Si Jehova mismo an makupkop sa sakuya.+

11 Itukdo mo sa sako an saimong dalan, O Jehova,+

Giyahan mo ako sa dalan nin katanusan tanganing maprotektaran ako sa sakong mga kalaban.

12 Dai mo ako itao sa mga kalaban ko,*+

Huling may mga putikon na testigo na nagtirindog laban sa sako,+

Asin naghuhuma sinda na magibo sindang kadahasan sa sako.

13 Hain na daw kuta ako ngunyan kun mayo ako nin pagtubod

Na mahihiling ko an karahayan ni Jehova sa daga kan mga buhay?*+

14 Maglaom ka ki Jehova;+

Kusugi an buot mo asin magpakakusog ka.*+

28 Padagos akong nag-aapod sa saimo, O Jehova na sakuyang Gapo;+

Dangugon mo tabi ako.

Kun padagos ka lang na masilensiyo,

Magigin arog ako kan mga minababa sa kalot.*+

 2 Danguga an mga pakiulay ko pag minahagad ako nin tabang sa saimo

Mantang iiniitaas ko an mga kamot ko pasiring sa direksiyon kan pinakalaog na kuwarto kan saimong santuwaryo.+

 3 Dai mo ako pagguyudon kaiba kan mga maraot, kan mga nakakadanyar an ginigibo,+

Na mga nagtataram nin may katuninungan sa kapwa ninda mantang karatan an nasa saindang puso.+

 4 Padusahan mo sinda huli sa saindang mga ginibo,+

Sigun sa maraot nindang mga gibo-gibo.

Balusan mo an mga gibo kan saindang kamot,

Sigun sa saindang nagibo.+

 5 Huli ta dai ninda tinatawan nin atensiyon an mga ginigibo ni Jehova,+

Asin an mga nagibo kan mga kamot niya.+

 6 Pag-umawon lugod si Jehova,

Huling dinangog niya an mga pakiulay ko nin paghagad nin tabang.

 7 Si Jehova an sakong kusog+ asin an sakong kalasag;+

Sa saiya nagtitiwala an sakuyang puso.+

Tinabangan niya ako, asin nag-uugma an puso ko,

Kaya uumawon ko siya paagi kan sakong kanta.

 8 Si Jehova an kusog kan saiyang banwaan;

Saro siyang masarig na depensa,* na nagtatao nin dakulang kaligtasan sa saiyang linahidan.+

29 Itao nindo ki Jehova an maninigo para sa saiya, kamong mga aking lalaki kan mga makukusog,

Itao nindo ki Jehova an maninigo para sa saiya huli sa saiyang kamurawayan asin kusog.+

 3 An boses ni Jehova madadangog sa ibabaw kan katubigan;

An boses kan mamuraway na Diyos nagdadaguldol.+

 4 An boses ni Jehova makapangyarihan;+

An boses ni Jehova may kamurawayan.

 5 An boses ni Jehova binabarari an mga puon nin sedro;

Iyo, binabaraak ni Jehova an mga sedro sa Lebanon.+

 6 Pinapalukso-lukso niya nin siring sa sarong ugbon na baka an Lebanon,*

Asin pinapalukso-lukso niya nin siring sa sarong layas na torilyong baka an Sirion.+

 7 An boses ni Jehova minatama na may mga laad nin kalayo;+

 8 An boses ni Jehova pinapatakig an kaawagan;+

Pinapatakig ni Jehova an kaawagan nin Kades.+

 9 An boses ni Jehova pinapatakig an usa saka pinapaugbon iyan

Asin kinakalbo kaiyan an mga kadlagan.+

10 Si Jehova nakatukaw sa trono sa ibabaw nin nagbabahang katubigan;*+

Si Jehova nakatukaw sa trono bilang Hadi sagkod lamang.+

30 Papamurawayon taka, O Jehova, ta hinawas* mo ako;

Dai mo tinugutan na mag-ugma an sakong mga kalaban sa pagkakahulog ko.+

 4 Magkanta nin mga pag-umaw* ki Jehova, kamong mga maimbod sa saiya,+

Magpasalamat sa banal na pangaran* niya;+

 5 Huling sa haliputon sanang panahon an mapasairarom sa saiyang kaanggutan,+

Pero sagkod sa bilog na buhay an pagigin saiyang inuuyunan.*+

 8 Sa saimo, O Jehova, padagos akong nag-apod;+

Asin ki Jehova, padagos akong nakimahirak para sa pag-uyon.

11 Sinalidahan mo nin pagbayle an sakong pagmundo;

Hinuba mo an sulot kong telang sako, asin kaugmahan an ibinado mo sa sako,

12 Tanganing makakanta ako* nin pag-umaw sa saimo asin dai magdanay na silensiyo.

Magin kang bukid na magigin sakong masarig na depensa,*

Sarong nakukutaan na lugar na magliligtas sa sakuya.+

 3 Huli ta ika an sakong dakulang gapo asin an sakong masarig na depensa;*+

Alang-alang sa saimong pangaran,+ aantabayanan mo ako asin gigiyahan.+

 4 Papalibrehon mo ako sa hikot na pasekretong itináon* ninda laban sa sakuya,+

Huli ta ika an sakuyang masarig na depensa.*+

 6 Ikinakaungis ko an mga deboto sa mga idolong daing serbi asin daing halaga;

Pero ako, nagtitiwala ako ki Jehova.

 7 Mag-uugma akong marhay huli sa saimong maimbod na pagkamuot,

Huling nahiling mo an sakong kasakitan;+

Aram mo an sakong grabeng kapurisawan.*

 8 Dai mo ako itinao sa kalaban,

Kundi pinatindog mo ako sa lugar na harayo sa peligro.*

10 An sakuyang buhay inuubos nin grabeng kamunduan,+

Asin an sakuyang mga taon inuubos nin pag-agrangay.+

An sakuyang kusog nagluluya huli sa naginibo kong pagkakasala;

An sakuyang mga tulang nangruruluya.+

11 Pigtutuya ako kan gabos kong kalaban,+

Lalo na kan sakong mga pagtaraid.

Asin grabe an takot sa sako kan sakong mga kamidbid;

Pag nahihiling ninda ako sa publiko, pigdudulagan ninda ako.+

12 Hinali ninda ako sa saindang puso* asin liningawan, na garo man sana ako nagadan;

Garo ako sarong napasang tapayan.

13 Dakul akong nadadangog na maraot na uruistorya;

Grabeng takot an nakapalibot sa sakuya.+

Pag nagtitiripon sindang sararo laban sa sako,

Nagpapakana sindang kuanon an buhay* ko.+

Lugod na an mga maraot an mamugtak sa kasusupgan;+

Lugod na mapasilensiyo sinda sa Lubungan.*+

18 Magin púla lugod an mga ngabil na nagpuputik,+

Mga ngabil na nagtataram na may kapalangkawan asin may paglapastangan laban sa matanos.

Itinatagama mo iyan para sa mga may pagkatakot sa saimo,+

Asin ipinahiling mo iyan sa atubangan kan gabos na tawo, alang-alang sa mga nagpapaili sa saimo.+

20 Itatago mo sinda sa sekretong lugar kan saimong presensiya+

Tanganing protektaran sa mga pakana kan mga tawo;

Itatago mo sinda sa saimong sirungan

Tanganing protektaran sa mga nagpapakaraot sa sainda.*+

21 Pag-umawon lugod si Jehova,

Huling sa paaging makangangalas, ipinahiling niya sa sako an maimbod na pagkamuot niya+ kan yaon ako sa sarong nasasalikupan na siyudad.+

Pinoprotektaran ni Jehova an mga maimbod,+

Alagad binabalusan niya nin grabeng padusa an siisay man na mapalangkaw.+

24 Kusugi an buot nindo, asin magin marigon lugod an saindong puso,+

Kamo gabos na naghahalat ki Jehova.+

 2 Maugma an tawo na dai inaakusaran ni Jehova nin pagkakasala,+

Na sa saiyang puso* mayo nin pandadaya.

 5 Sa katapos-tapusi, itinuga ko sa saimo an sakuyang kasalan;

Dai ko pigtahuban an sakuyang sála.+

 6 Ini an dahilan kaya an lambang saro na maimbod mamimibi sa saimo+

Mantang manunumpungan ka pa.+

 7 Ika an sakuyang taguan;

Iingatan mo ako pag nasa kasakitan.+

 9 Dai kamo magin arog sa kabayo o mula* na mayo nin pakasabot,+

Na an kahisdulan dapat kontrulon nin renda o pising panggakod

Bago iyan sa saimo magdulok.”

10 Dakul an kakulugan kan saro na maraot;

Alagad an saro na nagtitiwala ki Jehova napapalibutan kan Saiyang maimbod na pagkamuot.+

11 Kamong mga matanos, maggaya-gaya ki Jehova asin magin maugma;

Kamo gabos na matanos an puso, magkurahaw na maugma.

 2 Magpasalamat kamo ki Jehova gamit an arpa;

Magkanta kamo nin mga pag-umaw* sa saiya gamit an instrumentong may sampulong kuwerdas.

 3 Magkanta kamo sa saiya nin bagong kanta;+

Husayan nindo an pagtugtog nin mga instrumentong de-kuwerdas, kasabay nin mga kurahaw nin kaugmahan.

 4 Huli ta an tataramon ni Jehova matanos,+

Asin an gabos niyang ginigibo mapagtitiwalaan.

 6 Paagi sa tataramon ni Jehova nagibo an kalangitan,+

Asin paagi sa espiritu* kan saiyang nguso nagibo an gabos na bagay na yaon diyan.*

 7 Tinitipon niya nin siring sa sarong dam an mga tubig sa dagat;+

Ilinalaog niya sa mga bodega an nagraragasang mga tubig.

 9 Huli ta nagtaram siya, asin nangyari iyan;+

Ipinagbuot niya, asin nag-eksister iyan.+

10 Inulang ni Jehova an mga pakana* kan mga nasyon;+

Rinaot niya an mga plano* kan mga banwaan.+

11 Pero an mga desisyon* ni Jehova magdadanay sagkod lamang;+

An kaisipan kan puso niya magdadanay sagkod sa gabos na henerasyon.

12 Maugma an nasyon na an Diyos iyo si Jehova,+

An banwaan na saiyang pinili na magin pagsadiri niya.+

13 Minadungaw si Jehova hali sa langit;

Nahihiling niya an gabos na aki nin tawo.+

14 Hali sa lugar na iniirukan niya,

Saiyang pinagmamasdan an mga nag-iistar sa daga.

15 Siya an nagpoporma kan puso kan gabos na tawo;

Pigsisiyasat niya an gabos nindang gibo.+

16 Mayo nin hadi na maililigtas nin dakulang hukbo;+

An sarong makapangyarihan na lalaki dai maililigtas kan saiyang dakulang kusog.+

17 An kabayo dai malalauman para sa kaligtasan;*+

An dakulang kusog kaiyan bakong garantiya para an saro makadulag.

18 Uya! An mata ni Jehova nakabantay sa mga may pagkatakot sa saiya,+

Sa mga naghahalat kan maimbod na pagkamuot niya,

19 Tanganing iligtas sinda* sa kagadanan

Asin tanganing papagdanayon sindang buhay sa panahon nin tiggutom.+

21 An puso ta nag-uugma huli sa saiya,

Huli ta nagtitiwala kita sa banal na pangaran niya.+

22 Lugod na magdanay sa samuya an saimong maimbod na pagkamuot, O Jehova,+

Mantang padagos kaming naghahalat sa saimo.+

34 Uumawon ko si Jehova sa gabos na panahon;

An pag-umaw sa saiya pirming nasa mga ngabil ko.

 2 Ipaghahambog ko* si Jehova;+

An mga mahuyo magdadangog asin mag-uugma.

 3 Ibanan nindo akong ibantog an kadakulaan ni Jehova;+

Iriba tang pamurawayon an pangaran niya.

 5 Nagkinang an mga naghiling sa saiya;

Dai maipapasupog an lalawgon ninda.

 7 An anghel ni Jehova nagkakampo sa palibot kan mga may pagkatakot sa Saiya,+

Asin iliniligtas niya sinda.+

 8 Namitan nindo asin hilingon na marahay si Jehova;+

Maugma an tawong nagpapaili sa saiya.

 9 Magkaigwa nin pagkatakot ki Jehova, kamo gabos na saiyang mga banal,

Huling an mga may pagkatakot sa saiya dai nagkukulang nin ano man.+

10 Dawa an makusog na mga durudakula nang leon* natitikapo man minsan asin nagugutom,

Alagad an mga naghahanap ki Jehova dai magkukulang nin ano man na bagay na marahay.+

11 Madya, mga aki ko, magdangog kamo sa sakuya;

Itutukdo ko sa saindo an pagkaigwa nin pagkatakot ki Jehova.+

12 Siisay sa saindo an nagmamawot nin maugmang buhay

Asin gustong magkaigwa nin dakul na maugmang aldaw?+

13 Kun siring, bantayan mo an saimong dila na dai magsabi nin maraot,+

An saimong mga ngabil na dai magtaram nin pandadaya.+

14 Talikdan an maraot asin gumibo nin marahay;+

Makipagkatuninungan asin pagmaigutan na mapagdanay iyan.+

15 Nakahiling sa mga matanos an mga mata ni Jehova,+

Asin nagdadangog sa paghagad ninda nin tabang an saiyang mga talinga.+

16 Alagad kontra sa mga naggigibo nin maraot an lalawgon ni Jehova,

Tanganing an gabos na bagay na manungod sa sainda dai na magirumduman pa sa daga.+

17 Nag-agrangay an mga matanos, asin dinangog sinda ni Jehova;+

Ilinigtas niya sinda sa gabos na kasakitan ninda.+

18 Harani si Jehova sa mga nalugadan an puso;+

Iliniligtas niya an mga may runot na espiritu.*+

19 Dakul an kasakitan* kan saro na matanos,+

Pero iliniligtas siya ni Jehova sa gabos na iyan.+

20 Iniingatan niya an gabos niyang tulang;

Mayo nin nabari maski saro sa mga iyan.+

21 An saro na maraot gagadanon nin kapahamakan;

An mga nauungis sa saro na matanos huhusgaran na may sála.

22 Tinutubos ni Jehova an buhay* kan mga lingkod niya;

Mayo sa mga nagpapaili sa saiya an huhusgaran na may sála.+

35 O Jehova, idepensa mo an kaso ko laban sa mga nagkokontra sa sako;+

Labanan mo an mga nakikipaglaban sa sako.+

 2 Kuana an pansagang* asin an dakulang kalasag mo,+

Asin tumindog ka tanganing idepensa ako.+

 5 Lugod na magin sindang siring sa apa na nasa duros;

Lugod na palayason sinda kan anghel ni Jehova.+

 6 Lugod na magin madiklom asin mahalnas an dalan ninda

Mantang linalapag sinda kan anghel ni Jehova.

 7 Huli ta nagtáon* sinda nin hikot tanganing siluon ako na mayo man nin dahilan;

Naggibo sinda nin kalot para sa sako* dawa dai ko man sinda ginibuhan nin karatan.

 8 Lugod na umabot sa saiya nin biglaan an kapahamakan;

Lugod na masiod siya sa hikot na saiyang itináon;*

Lugod na mahulog siya diyan asin magadan.+

 9 Alagad maggagaya-gaya ako* ki Jehova;

Mag-uugma ako sa mga ginigibong pagliligtas niya.

An daing kalaban-laban iliniligtas mo sa mga mas makusog sa saiya,+

An daing kalaban-laban asin an dukha iliniligtas mo sa mga naghahabon sa sainda.”+

11 An mga testigong may maraot na intensiyon nagpainutan,+

Naghahapot sa sako nin mga bagay na mayo man akong kaaram-aram.

12 Binalusan ninda nin maraot an ginibo kong karahayan,+

Kaya pagmati ko* garo ako nagadanan.

13 Pero kan magkahilang sinda, nagsulot ako nin telang sako;

Pinasakitan ko an sadiri* ko paagi sa pag-ayuno,

Asin kan an pamibi ko para sa sainda daing kasimbagan,*

14 Naglakaw-lakaw akong garo ipinagmumundo an saro kong amigo o tugang;

Mamundo akong nagduko, siring sa saro na ipinagmumundo an saiyang inang nagadan.

15 Alagad kan ako matumba, nag-urugma sinda asin nagtiripon;

Nagtiripon sinda tanganing tambangan ako asin salakayon;

Piniridaso ninda ako asin dai sinda nagdanay na silensiyo.

16 Mapang-insulto akong tinuya-tuya kan mga bakong diyosnon,*

Pinaparagot ninda laban sa sako an saindang mga ngipon.+

Iligtas mo ako* laban sa saindang mga pagsalakay;+

Iligtas mo an sakong mahalagang marhay na buhay* laban sa mga durudakula nang leon.*+

18 Dangan papasalamatan taka sa dakulang katiripunan;*+

Uumawon taka sa tahaw nin kadakul na tawo.

19 Dai mo pagtugutan na mag-urugma huli sa sako an mga nagin kalaban ko na dai man nin dahilan;

Dai mo pagtugutan na magkurukimlat* na may panunuya+ an mga nauungis sa sako na daing dahilan.+

20 Huli ta dai sinda nagtataram nin mga tataramon nin katuninungan,

Kundi mapandaya sindang nagpapakana laban sa mga matuninong sa kadagaan.+

21 Ibinubuka nindang marhay an saindang nguso tanganing akusaran ako,

Na nagsasabi: “Aha! Aha! Nahiling iyan kan samong mga mata.”

23 Magmata ka asin magbangon tanganing idepensa ako,

Sakuyang Diyos na Jehova, idepensa mo ako sa sakuyang kaso.

24 Husgaran mo ako, O Jehova na sakuyang Diyos, sigun sa saimong katanusan;+

Dai mo pagtugutan na mag-urugma sinda huli sa sakong mga kasakitan.

26 Lugod na gabos sinda magkasurupog asin mawaran nin onra,

Idtong mga nag-uurugma huli sa sakong kapahamakan.

27 Alagad lugod na magkururahaw na may kagaya-gayahan idtong mga nauugma huli sa sakong katanusan;

Lugod na padagos sindang magsarabi:

28 Dangan an sakong dila magsasaysay* kan saimong katanusan+

Asin mag-uumaw sa saimo sa bilog na aldaw.+

36 An paglapas nakikipag-ulay sa kauruirarumi kan puso nin sarong maraot;

Mayo nin pagkatakot sa Diyos sa atubangan kan saiyang mga mata.+

 2 Huli ta grabe an pambubuladas niya sa sadiri niya

Kaya dai niya naririsa asin ikinakaungis an saiyang sala.+

 3 An mga sinasabi kan nguso niya nakakadanyar asin mapandaya;

Mayo siya nin pakasabot para gibuhon kun ano an marahay.

Nagtitindog siya sa bakong marahay na dalan;

Dai niya tinatalikdan an karatan.

 5 O Jehova, abot sagkod sa kalangitan an saimong maimbod na pagkamuot,+

Sagkod sa mga panganuron an saimong kaimbudan.

 6 An saimong katanusan siring sa kahanga-hangang kabukidan;*+

An saimong mga ipinapautob na desisyon siring sa mahiwason asin hararom na katubigan.+

 8 Pinapaniguan ninda an sadiri sa pag-inom kan pinakamarahay na mga bagay sa* saimong harong,+

Asin pinapainom mo sinda sa sulugan kan saimong dakulang kaugmahan.+

 9 An burabod nin buhay yaon sa saimo;+

Nakakahiling kami nin liwanag paagi sa liwanag mo.+

10 Padagos mong ipahiling an saimong maimbod na pagkamuot sa mga nakakamidbid sa saimo,+

Asin an saimong katanusan, sa mga matanos an puso.+

11 Dai mo pagtugutan an bitis kan mapalangkaw na tungtungan ako

O an kamot kan mga maraot na palayason ako.

12 An mga paragibo nin maraot nagkaturumba;

Pinabaragsak sinda asin dai na makabangon pa.+

37 Dai ka maanggot* nin huli sa mga maraot

Ni mauri sa mga paragibo nin maraot.+

 2 Tulos-tulos sindang maluluyos nin siring sa duot+

Asin makurubot nin siring sa berdeng bagong duot.

 3 Magtiwala ka ki Jehova asin gibuhon mo an marahay;+

Mag-istar ka sa daga,* asin gumawi kang may kaimbudan.+

 4 Magkaigwa ka nin labi-labing kaugmahan* ki Jehova,

Asin itatao niya an mga minamawot kan saimong puso.

 5 Ipagkatiwala* mo ki Jehova an dalan mo;+

Manarig ka sa saiya, asin mahiro siya para sa saimo.+

 6 Papasirangon niya an saimong katanusan nin siring sa maagahon,

Asin an saimong hustisya nin siring sa aldaw sa kaudtuhan.

 7 Magdanay kang silensiyo sa atubangan ni Jehova+

Asin maghalat nin may pag-antisipar* sa saiya.

Dai ka maanggot nin huli sa tawo

Na mapangganang naisasagibo an saiyang mga pakana.+

 8 Halia an pagkaanggot asin bayai an grabeng kaanggutan;+

Dai ka maaburido asin dai ka gumibo nin karatan.*

 9 Huli ta lalaglagon an mga maraot,+

Alagad magigin pagsadiri kan mga naglalaom ki Jehova an daga.+

10 Dikit na sanang panahon, asin an mga maraot mawawara na;+

Hihilingon mo an dati nindang kinamumugtakan,

Asin mayo na sinda diyan.+

11 Alagad magigin pagsadiri kan mga mahuyo an daga,+

Asin makakanumpong sinda nin labi-labing kaugmahan huli sa abundang katuninungan.+

12 An maraot nagpapakana laban sa matanos;+

Pinaparagot niya an saiyang mga ngipon laban digdi.

13 Alagad ngingisihan siya ni Jehova,

Huling aram Niya na maabot man giraray an aldaw niya.+

14 Hinuhugkot kan mga maraot an saindang espada asin kinukurba an* mga busog ninda

Tanganing pabagsakon an mga inaapi asin an mga dukha,

Tanganing garadanon idtong an mga dalan tanos.

15 Pero sasaksakon kan saindang espada an mismong puso ninda;+

Magkakabarari an mga busog ninda.

16 Mas marahay an kadikit kan saro na matanos

Kisa sa abundansiya nin dakul na maraot.+

17 Huli ta magkakabarari an mga takyag kan mga maraot,

Pero aalalayan ni Jehova an mga matanos.

18 Aram ni Jehova an inaagihan* kan mga daing katuyawan,

Asin an mana ninda magdadanay sagkod lamang.+

19 Dai sinda mapapasupog sa panahon nin kapahamakan;*

Sa panahon nin tiggutom dakul sindang makakakan.

20 Alagad an mga maraot mapapara;+

An mga kaiwal ni Jehova mawawara siring sa magayon na mga pasabsaban;

Mawawara sinda siring sa aso.

21 An maraot nangungutang asin dai nagbabayad,

Alagad an matanos bukas-palad* asin nananao.+

22 Idtong mga binendisyunan Niya magigin pagsadiri an daga,

Pero idtong mga isinumpa Niya lalaglagon.+

23 Ginigiyahan* ni Jehova an mga lakad nin sarong tawo+

Pag ikinaugma Niya an dalan kaini.+

24 Matumba man siya, dai siya makakalampog,+

Huling kinakabit ni Jehova an saiyang kamot.*+

25 Hoben pa ako kaidto asin gurang na ngunyan,

Pero dai pa akong nahiling na siisay man na matanos na pinabayaan,+

Ni nahiling na mga aki niya na nakikilimos* nin makakakan.*+

26 Pirmi siyang gikan sa buot na nagpapasubli,+

Asin mag-aako nin bendisyon an saiyang mga aki.

27 Talikdan mo an maraot asin gibuhon mo an marahay,+

Asin magdadanay ka sagkod lamang.

28 Huli ta si Jehova mamumuton sa hustisya,

Asin dai niya babayaan an mga maimbod sa saiya.+

Pirmi sindang babantayan;+

Pero an mga gikan kan mga maraot lalaglagon.+

29 Magigin pagsadiri kan mga matanos an daga,+

Asin maistar sinda diyan nin daing sagkod.+

30 An nguso nin matanos nagtataong kadunungan,*

Asin an dila niya nagtataram nin manungod sa hustisya.+

31 An katugunan kan saiyang Diyos yaon sa puso niya;+

Dai siya masayasay* sa paglakaw niya.+

32 Pigmamanmanan kan maraot an matanos,

Gusto niya ining gadanon.

33 Alagad dai siya itatao ni Jehova sa kamot kan sarong iyan+

O ibibilang na may sála pag siya husgaran.+

34 Maglaom ka ki Jehova asin sunudon mo an dalan niya,

Asin ilalangkaw ka niya tanganing magin sadiri mo an daga.

35 Nahiling ko an daing hirak, maraot na tawo

Na nagpaparauswag siring sa marambong na kahoy sa daga na tinubuan kaini.+

36 Alagad bigla na sana siyang nawara asin mayo na siya;+

Sige kong hanap sa saiya, pero dai ko na siya mahiling pa.+

37 Obserbaran mo an saro na daing katuyawan,*

Asin masdan mo an saro na matanos,+

Huling an puturo kan tawong iyan magigin matuninong.+

38 Alagad an gabos na paralapas gagaradanon;

An puturo kan mga maraot na tawo hahalion.*+

39 An kaligtasan kan mga matanos hali ki Jehova;+

Siya an saindang masarig na depensa* sa panahon nin kasakitan.+

Isasalbar niya sinda sa mga maraot asin ililigtas sinda,

Huling nagpapaili sinda sa saiya.+

38 O Jehova, dai mo ako pagsagwion pag ika anggot,

Asin dai mo ako pagtanuson pag grabe an saimong kaanggutan.+

 2 Huli ta an mga pana mo tuminusok nin hararom sa sakuya,

Asin an kamot mo pigduduunan ako pababa.+

 4 Huli ta an mga sála ko lampas na sa sakong payo;+

Siring sa magabat na pasan, magabaton na iyan para makaya ko.

 5 Nagbata asin nagnanana an mga lugad ko

Huli sa kalulungan ko.

 6 Napupurisaw ako asin grabe an kamunduan;

Mamundo akong naglalakaw-lakaw sa bilog na aldaw.

 7 May nagkakalayo sa laog ko;*

May hilang an bilog kong hawak.*+

 8 Namagol ako asin lupaypay nang biyo;

Napapaagrangay ako nin todo* huli sa grabeng pagsakit kan sakong puso.

 9 O Jehova, gabos kong pagmawot aram mo,

Asin an agrangay ko nin kamunduan dai natatago sa saimo.

10 Nagkukurab-kutab an puso ko, nawara an kusog ko,

Asin binayaan na ako kan liwanag kan mga mata ko.+

11 An sakong mga amigo asin sakong kairiba linilikayan ako huli sa damat na sinasapar ko,

Asin an sakong mga dayupot na kamidbid duministansiya sa sako.

12 Idtong mga gusto akong gadanon* nagtáon* nin mga siod;

Idtong mga naghihinguwang gibuhan ako nin maraot nagtataram nin manungod sa kapahamakan;+

Naggugurumod-gumod sinda nin pandadaya nin bilog na aldaw.

13 Alagad arog sa sarong bungog, dai ako magdadangog;+

Arog sa sarong púla, dai ko ibubuka an sakuyang nguso.+

14 Nagin arog ako sa sarong tawo na dai nakakadangog,

Na an nguso mayo nin maitaram bilang depensa.

15 Huli ta sa saimo, O Jehova, naghalat ako,+

Asin sinimbag mo ako, O Jehova na sakuyang Diyos.+

16 Huling sinabi ko: “Lugod na dai sinda mag-urugma huli sa sako

O ipaghambog an sadiri ninda pag madarinas an bitis ko.”

17 Madali na kaya akong bumagsak,

Asin dai napupundo an kulog na namamatian ko.+

18 Itinuga ko an sakong sála;+

Napurisaw ako huli sa sakong kasalan.+

19 Alagad pursigido* asin makukusog an sakong mga kalaban,*

Duminakul an mga nauungis sa sako na mayo man nin dahilan.

20 Binalusan ninda nin maraot an ginibo kong marahay;

Kinakalaban ninda ako ta padagos kong ginigibo kun ano an marahay.

22 Maghidali kang tabangan ako,

O Jehova, na sakong kaligtasan.+

39 Sinabi ko: “Babantayan ko an sakong lakad

Tanganing dai ako makagibo nin kasalan paagi kan sakong dila.+

Babantayan ko an sakong nguso paagi sa pagbusal kaiyan+

Sagkod na an siisay man na maraot yaon sa sakong atubangan.”

 2 Dai ako nagtaram asin nagsilensiyo lang;+

Dai ako nagtaram dawa manungod sa marahay na bagay,

Pero grabe* an kulog na sakong namamatian.

 4 “O Jehova, tabangi akong maaraman kun ano an sakong huring kaaabtan,

Asin an bilang kan sakuyang mga aldaw,+

Tanganing maaraman ko kun gurano kahalipot kan sakuyang buhay.*

 5 Iyo, ginibo mong pipira* sana an mga aldaw ko;+

Asin an lawig kan sakong buhay garo mayo lang sa atubangan mo.+

 9 Nagdanay akong dai nagtataram;

Dai ko maibuka an sakuyang nguso,+

Ta ika an nagpangyari kaini.+

11 Pinapadusahan mo an tawo tanganing itanos siya sa salá niya;+

Inuubos mo an mga bagay na mahalagang marhay sa saiya arog kan ginigibo nin sarong insektong polilya.*

12 Danguga an pamibi ko, O Jehova,

Hinanyuga an paghagad ko nin tabang.+

Huli ta para sa saimo, saro sana akong dayuhan na residente,+

Arog kan gabos kong apuon, saro akong parabaklay na nag-aagi.*+

13 Halia an anggot mong hiling sa sakuya tanganing ako magin maugma

Bago ako magadan asin mawara.”

40 Udok akong naglaom* ki Jehova,

Asin ikiniling niya sa sako an saiyang talinga* saka dinangog an paghagad ko nin tabang.+

 2 Hinawas niya ako sa naghahagubuhob na kalot,

Sa lamaw na malapok.

Dangan pinatindog niya ako sa ibabaw nin dakulang gapo;

Pinasarig niya an kinatitindugan ko.

 3 Dangan ilinaag niya sa nguso ko an sarong bagong kanta,+

Sarong kanta nin pag-umaw sa satuyang Diyos.

Dakul an magmamasid na may paggalang asin paghanga

Asin magtitiwala sinda ki Jehova.

 4 Maugma an tawong nagtitiwala ki Jehova

Asin dai nagsasarig sa mga tawong palaban o sa mga naglalakaw sa dalan nin kaputikan.*

 5 Kadakul na bagay an saimong ginibo,

O Jehova na sakuyang Diyos,

An makangangalas mong mga ginigibo asin mga iniisip para sa samo.+

Mayo nin maikukumparar sa saimo;+

Kun pupurbaran kong isaysay asin itaram an manungod sa mga iyan,

Dakulon nanggad iyan para maisaysay ko!+

 6 Dai mo minawot* an atang asin dulot,+

Pero binuksan mo an mga talinga ko tanganing ako makadangog.+

 8 An gibuhon an saimong kabutan, O sakuyang Diyos, iyo an dakulang kaugmahan ko,*+

Asin an saimong katugunan nasa kalaog-laugi ko.+

Uya! Dai ko pinupugulan an sakuyang mga ngabil,+

O Jehova, aram mong marhay iyan.

Dakulon na pagkakasala an nakatahob sa sako kaya dai ko na mahiling an dalan ko;+

Mas dakul an mga iyan kisa sa mga buhok sa sakong payo,

Asin nangluya na an buot ko.

14 An gabos na naghahanap sa sako tanganing kuanon an buhay* ko

Lugod na magkasurupog asin mawaran nin onra.

An mga nag-uurugma huli sa nangyayari sa sakong kapahamakan

Lugod na mag-aratras sa kasusupgan.

16 Alagad idtong mga naghahanap sa saimo+

Lugod na maggaya-gayang marhay asin mag-urugma huli sa saimo.+

17 Alagad dai akong kalaban-laban asin dukha;

Lugod na tawan ako nin atensiyon ni Jehova.

Ika an sakong paratabang asin sakong parasalbar;+

O Diyos ko, dai ka mag-atraso.+

41 Maugma an siisay man na nagpapahiling nin konsiderasyon sa sarong hamak;+

Ililigtas siya ni Jehova sa aldaw nin kapahamakan.

Ipapahayag siyang maugma sa daga;+

Dai mo siya nuarin man itatao sa kagustuhan* kan mga kalaban niya.+

 3 Aalalayan siya ni Jehova pag siya nasa higdaan huli sa hilang;+

Sa panahon kan saiyang paghilang, lubos mong sasalidahan an saiyang higdaan.

Nagtitipon siya nin nakakaraot na impormasyon manungod sa sakuya;

Dangan minaluwas siya asin ipinapamareta iyan.

 7 An gabos na nauungis sa sako naghihiringhingan sa kada saro;

May maraot sindang pinapakana laban sa sako:

 8 “Sarong malalang hilang an tuminama sa saiya;*

Ngunyan na plastado* na siya, dai na siya makakabangon pa.”+

 9 Dawa an dayupot kong amigo,* an saro na pinagtitiwalaan ko,+

Na dating nagkakakan kan sakuyang tinapay, tuminumang sa sako.*+

10 Alagad ika, O Jehova, kahirakan mo ako asin ibangon,

Tanganing mapanimbag ko sinda.

12 Pero ako, tinatabangan mo ako huli sa integridad ko;+

Pápagdanayon mo ako sa saimong atubangan sagkod lamang.+

13 Pag-umawon lugod si Jehova, an Diyos kan Israel,

Sa bilog na panahon na daing kasagkudan.*+

Hinihidaw taka man,* O Diyos.

 2 Napapaha ako* sa Diyos, sa buhay na Diyos.+

 3 An sakong mga luha an nagin kakanon ko aldaw asin banggi;

Bilog na aldaw akong pigtutuya kan mga tawo: “Hain man an Diyos mo?”+

 4 An mga bagay na ini sakong nagigirumduman, asin sasabihon ko sa saimo an gabos kong namamatian,*

Huling naglakaw ako kaidto kaiba kan dakulon na tawo;

Dati akong solemneng* naglakaw sa inutan ninda pasiring sa harong nin Diyos,

Na may maugmang kurahaw asin pasasalamat,

Hali sa sarong kadaklan na nagseselebrar nin kapiyestahan.+

Maghahalat ako sa Diyos,+

Huling uumawon ko pa siya bilang sakong Pinakanangungurog na Paraligtas.+

Kaya nagigirumduman taka,+

Mantang nasa rehiyon kan Jordan asin sa mga alituktok kan Hermon,

Mantang nasa Bukid nin Mizar.*

 7 Inaapod kan hararom na katubigan an hararom na katubigan

Paagi sa tanog kan ragasa kan saimong busay.

 8 Sa aldaw, ipapahiling sa sako ni Jehova an maimbod na pagkamuot niya,

Asin sa banggi, makanta ako manungod sa saiya—sarong pamibi sa Diyos kan sakuyang buhay.+

10 May pagkaungis akong tinutuya kan mga kalaban ko na garo baga gusto ninda akong gadanon;*

Bilog na aldaw ninda akong pigtutuya: “Hain man an Diyos mo?”+

Maghahalat ako sa Diyos,+

Huling uumawon ko pa siya bilang sakuyang Pinakanangungurog na Paraligtas asin sakuyang Diyos.+

43 Husgaran mo ako, O Diyos,+

Idepensa mo an kaso ko+ laban sa nasyon na bakong maimbod.

Lugod na giyahan ako kan mga iyan;+

Lugod na darahon ako kan mga iyan sa banal na bukid mo asin sa mamuraway na tabernakulo mo.+

 4 Dangan mapasiring ako sa altar nin Diyos,+

Sa Diyos, na sakuyang dakulang kaugmahan.

Maghahalat ako sa Diyos,+

Huling uumawon ko pa siya bilang sakuyang Pinakanangungurog na Paraligtas asin sakuyang Diyos.+

44 O Diyos, nadangog kan samuya mismong mga talinga,

Isinaysay sa samo kan samuyang mga apuon,+

An mga ginibo mo kan mga aldaw ninda,

Kan mga aldaw kaidtong haloy nang panahon.

 2 Paagi sa saimong kamot pinalayas mo an mga nasyon+

Asin pinaistar mo diyan an samong mga apuon.+

 3 Nagin sadiri ninda an daga bakong paagi sa sadiri nindang espada,+

Asin nanggana sinda bakong huli sa sadiri nindang takyag.+

Kundi, huli iyan sa saimong tuong kamot asin sa saimong takyag+ saka sa liwanag kan saimong lalawgon,*

Huling ikinakaugma mo sinda.+

 4 Ika an sakuyang Hadi, O Diyos;+

Ipagbuot* mo an lubos na kapangganahan* para sa Jacob.

 5 Paagi sa kusog mo, papaatrason mi an mga kalaban niyamo;+

Sa ngaran mo, titimak-timakan mi an mga minatumang sa samo.+

 6 Huli ta dai ako nagsasarig sa sakuyang pana,

Asin an sakong espada dai makakapagligtas sa sakuya.+

 7 Ika an nagligtas sa samo tumang sa mga kalaban niyamo,+

Ika na nagpasupog sa mga nauungis sa samo.

 8 Bilog na aldaw kaming mag-uumaw sa Diyos,

Asin sagkod lamang kaming magpapasalamat sa saimong pangaran. (Selah)

 9 Alagad ngunyan, isinikwal asin ipinasupog mo kami,

Asin dai ka minaiba sa mga hukbo mi.

10 Pigpaparapaatras mo kami sa samong kalaban;+

Kinukua kan mga nauungis sa samo an ano man na saindang magustuhan.

11 Itinao mo kami na siring sa mga karnero tanganing sibaon;

Winararak mo kami sa mga nasyon.+

12 Ipinabakal mo an saimong banwaan sa kantidad na haros daing halaga;+

Mayo kang naganansiya sa nagin kabaklan ninda.*

13 Pinangyari mong supugon kami kan mga pagtaraid niyamo,

Tuya-tuyaon asin kantiyawan kan gabos na nakapalibot sa samo.

14 Pinangyari mong ulog-ulugon* kami kan mga nasyon,+

Pinagpipiling-pilingan kan mga banwaan.

15 Napapasupog ako nin bilog na aldaw,

Asin nadadaog ako kan sakong kasusupgan,

16 Huli sa tanog kan saindang mga panunuya asin mga pang-iinsulto,

Huli sa kalaban ming nambabalos.

17 Gabos ini nangyari sa samo, pero dai mi ika liningawan,

Asin dai mi binalga an saimong tipan.+

18 An samong puso dai suminuway;

An samong mga lakad dai suminiko hali sa saimong dalan.

19 Alagad rinunot mo kami sa lugar kun sain nag-iistar an mga layas na ayam na jakal;

Tinahuban mo kami nin grabeng kadikluman.

20 Kun liningawan mi an pangaran kan samuyang Diyos

O kun inunat mi an samong mga kamot para mamibi sa diyos kan ibang nasyon,

21 Dai daw ini maaaraman kan Diyos?

22 Bilog na aldaw kaming piggagadan nin dahil sa saimo;

An hiling sa samuya garo mga bubunuon na karnero.+

25 Huli ta kami* ibinaba sa alpog;*

An mga hawak* mi plastado sa daga.+

 3 Isukbit mo sa habayan* mo an saimong espada,+ O saro na makapangyarihan,+

Kaiba kan saimong dignidad asin kahanga-hangang kagayunan.+

 4 Asin sa saimong kahanga-hangang kagayunan lumuwas ka pasiring sa kapangganahan;*+

Mangabayo ka alang-alang sa katotoohan asin kapakumbabaan saka katanusan,+

Asin an saimong tuong kamot magibo* nin makangangalas* na mga bagay.

 5 Mapanas an saimong mga pana, pinapabagsak sa atubangan mo an mga banwaan;+

Minaturusok an mga iyan sa puso kan mga kalaban kan hadi.+

 6 An Diyos an saimong trono sagkod nuarin pa man;+

An setro kan saimong Kahadian sarong setro nin katanusan.*+

 8 Pinahamutan nin mira asin aloe* saka kasia an gabos mong gubing;

Nagpapaugma sa saimo an tugtog kan mga instrumentong de-kuwerdas hali sa dakulang palasyong dinekorasyunan nin marpil.*

10 Magdangog ka, O aking babayi, magtao kang atensiyon asin ikiling mo an saimong talinga;

Lingawan mo an saimong banwaan asin an pamilya* kan saimong ama.

11 Asin hihidawon kan hadi an saimong kagayunan,

Ta siya an saimong kagurangnan,

Kaya magduko ka sa saiyang atubangan.

12 An aking babayi nin Tiro maabot na may darang regalo;

An pinakamayayaman sa katawuhan hahagadon an pag-uyon mo.*

13 Sa laog kan palasyo,* an aking babayi kan hadi kahanga-hanga an kagayunan;

An saiyang gubing dinekorasyunan nin* bulawan.

15 Dadarahon sinda na may paggaya-gaya asin pag-ugma;

Maralaog sinda sa palasyo kan hadi.

46 An Diyos iyo an satong pailihan asin kakusugan,+

Sarong tabang na makukua tulos sa mga panahon nin kasakitan.+

 2 Iyan an dahilan kaya dai kita matatakot, dawa pa magbago an daga,

Dawa pa magbaralintong an kabukidan pasiring sa kairaruman kan kadagatan,+

 3 Dawa pa maghagubuhob asin mag-alimbukay an katubigan kaiyan,+

Dawa pa magkataranyog an kabukidan huli sa grabeng mga pag-alon kaiyan. (Selah)

 4 Igwa nin sarong salog na an mga sanga kaiyan nagpapaugma sa siyudad nin Diyos,+

Sa dakulang banal na tabernakulo kan Kahuruhalangkawi.

 6 An mga nasyon nagkariribok, an mga kahadian buminaragsak;

Saiyang kinusugan an boses niya, asin an daga natunaw.+

 7 Si Jehova na pamayo nin mga hukbo nasa satong kaibanan;+

An Diyos ni Jacob iyo an satong ligtas na pailihan.* (Selah)

 8 Madya asin hilinga nindo an mga ginigibo ni Jehova,

Kun paano siya naggibo nin makangangalas na mga bagay sa daga.

Binabari niya an pana asin pinuputol-putol an garod;*

Sinusulo niya an mga karetang panggiyera.*

Papamurawayon ako sa tahaw kan mga nasyon;+

Papamurawayon ako sa daga.”+

11 Si Jehova na pamayo nin mga hukbo nasa satong kaibanan;+

An Diyos ni Jacob sarong ligtas na pailihan para sa sato.+ (Selah)

 2 Huli ta si Jehova na Kahuruhalangkawi kahanga-hanga;*+

Siya an makapangyarihan na Hadi sa bilog na daga.+

 3 An mga banwaan ipinapasakop niya sa sato;

An mga nasyon ibinubugtak niya sa irarom kan mga bitis niyato.+

 4 Pinipili niya para sa sato an satuyang mana,+

An orgulyo kan Jacob, na namumutan niya.+ (Selah)

 5 Nagsakat an Diyos mantang an banwaan nagkukurahaw na maugma;

Nagsakat si Jehova mantang pinapatanog an hamudyong ninda.*

 7 Huli ta an Diyos Hadi sa bilog na daga;+

Magkanta nin mga pag-umaw, asin magpahiling nin pakasabot.

 8 An Diyos nagin Hadi sa mga nasyon.+

An Diyos nagtukaw sa saiyang banal na trono.

 9 Nagtiripon an mga lider kan mga banwaan

Kaiba kan banwaan kan Diyos ni Abraham.

48 Si Jehova nangungurog asin pinakamaninigong umawon

Sa siyudad kan satuyang Diyos, sa saiyang banal na bukid.

 2 Magayon ini sa halangkaw kaining kinamumugtakan, asin iyo ini an kaugmahan kan bilog na daga,+

Ining Bukid nin Sion na nasa harayong norte,

An siyudad kan Pinakanangungurog na Hadi.+

 3 Paagi sa may matibay na depensang mga tore kaiyan,

Ipinamidbid nin Diyos na siya sarong ligtas na pailihan.*+

 4 Huli ta uya! nagtiripon na* an mga hadi;

Iriba sindang nag-arabante.

 6 Nagtarakig sinda duman,

Grabeng pagsakit na siring sa babaying nangangaki.

 8 Su nadangog mi, nahiling na niyamo ngunyan

Sa siyudad ni Jehova na pamayo nin mga hukbo, sa siyudad kan samuyang Diyos.

 9 Hinuhurop-hurop mi an saimong maimbod na pagkamuot, O Diyos,+

Mantang nasa laog kan saimong templo.

10 Arog kan saimong pangaran, O Diyos, an saimong kaumawan

Nakakaabot sagkod sa mga puro kan daga.+

11 Lugod na maggaya-gaya an Bukid nin Sion,+

Lugod na mag-urugma an mga banwa* kan Juda, huli sa saimong mga ipinapautob na desisyon.+

12 Magmartsa kamo sa palibot kan Sion; libuton nindo iyan;

Bilangon nindo an mga tore kaiyan.+

Siyasaton nindo an may matibay na depensang mga tore kaini,

Tanganing ikasaysay nindo sa mga maabot na henerasyon an manungod digdi.

Magtao kamong atensiyon, kamo gabos na nag-iistar sa kinaban,*

 2 Mga ordinaryong tawo asin prominente,*

Mayaman asin pobre.

 3 Mataram nin kadunungan an sakuyang nguso,

Asin mapahiling nin pakasabot an paghurop-hurop kan sakuyang puso.+

 4 Matao akong atensiyon sa sarong talinhaga;

Ipapaliwanag ko an sakong paukod* mantang nagtutugtog nin arpa.

 5 Nata ako matatakot sa mga panahon nin kasakitan,+

Pag napapalibutan ako nin karatan* kan mga naghihinguwang pabagsakon ako?

 6 An mga nagtitiwala sa saindang mga pagsadiri+

Asin an mga ipinaghahambog an saindang dakulon na kayamanan,+

 7 Mayo sa sainda an makakatubos man lamang nin sarong tugang

Ni makakatao sa Diyos nin pantubos para sa saiya,+

 8 (Mahalon an halagang pantubos* para sa buhay* ninda

Kaya dai ninda iyan kayang maitao nuarin man);

 9 Tanganing mabuhay siya sagkod lamang asin dai niya mahiling an kalot.*+

10 Nahihiling nindang maski an mga madunong nagagadan;

An mangmang saka an daing pag-iisip napapara na magkaibanan,+

Asin kaipuhan nindang iwalat sa iba an saindang kayamanan.+

11 An mawot kan puso ninda iyo na magdanay sagkod lamang an saindang mga harong,

Magdanay sa gabos na henerasyon an saindang mga tolda.

12 Alagad an tawo dai magdadanay na buhay, dawa pa siya ginagalangan;+

Dai siya nakakalabi sa mga hayop na nagagadan.+

13 Iyo ini an kaaabtan kan mga mangmang+

Asin kan mga nagsusunod sa sainda, na mga nauugma sa basang na mga tataramon ninda. (Selah)

Kagadanan an magpapastor sa sainda;

An mga matanos an mamamahala sa sainda+ pag aga.

An lambang gira ninda mapapara;+

An Lubungan*+ an magigin harong ninda imbes na palasyo.+

15 Alagad tutubuson ako* nin Diyos sa kapangyarihan* kan Lubungan,*+

Huling kakaputan niya ako. (Selah)

16 Dai ka matakot miling an sarong tawo nagigin mayaman,

Miling an saiyang harong nag-uurog an kagayunan,

17 Huling pag siya magadan mayo siyang madadarang ano man;+

Dai mababa na kaiba niya an saiyang kamurawayan.+

20 An sarong tawo na dai ini nasasabutan, dawa pa siya ginagalangan,+

Dai nakakalabi sa mga hayop na nagagadan.

50 An Diyos nin mga diyos, si Jehova,*+ nagtaram na;

Inaapod niya an daga

Puon sa pigsisirangan kan aldaw sagkod sa pigsusulnupan kaiyan.*

 3 An satuyang Diyos maabot asin dai siya magdadanay na silensiyo.+

Sa atubangan niya may minatumtom na kalayo,+

 4 Inaapod niya an kalangitan sa itaas asin an daga,+

Tanganing mahukuman an saiyang banwaan:+

 5 “Tipuna sa sakuya an mga maimbod sa sako,

Sinda na mga nakikipagtipan sa sako paagi sa atang.”+

 6 Ibinabalangibog kan kalangitan an saiyang katanusan,

Huling an Diyos mismo Hukom.+ (Selah)

 7 “Magdangog ka, O sakong banwaan, asin mataram ako;

Israel, matestigo ako laban sa saimo.+

 8 Dai taka sinasagwi huli kan saimong mga atang,

Ni huli kan saimong mga bílog na dulot na pigtututong na pirming yaon sa sakong atubangan.+

 9 Dai ko kaipuhan kumua nin torong baka sa harong mo,

Ni nin mga kanding* sa mga turil mo.+

10 Huli ta sakuya an lambang layas na hayop sa kadlagan,+

Dawa an mga hayop sa ibabaw nin sangribong kabukidan.

11 Midbid ko an lambang gamgam* sa kabukidan;+

Sakuya an dai mabilang na hayop sa kalangtadan.

12 Kun ako gutom, dai ko iyan sa saimo ipapaisi,

Huling sakuya an mabungang daga asin an gabos na yaon diyan.+

13 Kakakanon ko daw an karne nin mga torong baka

Asin iinumon ko daw an dugo nin mga kanding?+

14 Magdulot ka nin pasasalamat bilang saimong atang sa Diyos,+

Asin utubon mo an saimong mga promesa sa Kahuruhalangkawi;+

15 Mag-apod ka sa sako sa panahon nin kasakitan.+

“Ano an deretso mo para isaysay an mga regulasyon ko+

O magtaram manungod sa tipan ko?+

17 Ikinakaungis mo baga an disiplina,*

Asin pirmi mong binabaliwala* an mga tataramon ko.+

18 Pag nakakahiling ka nin parahabon,* inuuyunan mo siya,*+

Asin pirmi kang nakikiiba sa mga parasambay.

19 Ginagamit mo an saimong nguso tanganing ipalakop an maraot,

Asin an pandadaya nakadukot sa saimong dila.+

20 Nagtutukaw ka asin nagtataram laban sa sadiri mong tugang;+

Ihinahayag mo an mga sála kan* aki kan sadiri mong ina.

21 Kan an mga bagay na ini ginibo mo, nagsilensiyo sana ako,

Kaya inisip mong magigin arog lang ako sa saimo.

Pero ngunyan sasagwion taka,

Asin sasabihon ko an mga akusasyon ko sa saimo.+

22 Tabi na pag-isipan nindo ini, kamong mga nakakalingaw sa Diyos;+

Ta kun dai, gugutay-gutayon ko kamo, asin mayo nin magliligtas sa saindo.

23 An saro na nagdudulot nin pasasalamat bilang saiyang atang nagpapamuraway sa sako,+

Asin kun manungod sa saro na marigon na nagsusunod sa tamang dalan,

Papangyarihon kong mahiling niya an pagliligtas nin Diyos.”+

 2 Lubos mo akong hugasan sa sakuyang pagkakasala,+

Asin linigan mo ako sa sakuyang kasalan.+

 3 Huli ta aram kong marhay an mga paglapas ko,

Asin an sakong kasalan pirming nasa atubangan* ko.+

 4 Laban sa saimo—sa saimo urog sa gabos*—nagkasala ako;+

Kun ano an maraot sa paghiling mo iyo an ginibo ko.+

Kaya, matanos ka nanggad pag ika nagtaram

Asin tama an saimong paghusgar.+

 5 Uya! Ipinangaki ako na may sála,

Asin sa kasalan ako ipinangidam* kan sakuyang ina.+

 6 Uya! Ikinakaugma mo an pagigin totoo kan panglaog na pagkatawo;+

Tukduan mo nin tunay na kadunungan an kalaog-lauging* pagkatawo ko.

 7 Tanganing magin malinig ako, dalisayon mo ako sa kasalan ko gamit an hisopo;+

Tanganing magin mas maputi ako kisa sa niyebe, hugasan mo ako.+

 8 Tugutan mo akong makadangog nin mga tanog nin pag-ugma asin paggaya-gaya,

Tanganing an mga tulang na rinunot mo mag-ugma.+

 9 Ipaling* mo an saimong lalawgon parayo sa mga kasalan ko,+

Asin pahidon* mo an gabos na pagkakasala ko.+

10 Lalangon mo sa sako an sarong dalisay na puso, O Diyos,+

Asin ibugtak mo sa sako an sarong bagong espiritu,+ saro na marigon.

11 Dai mo ako palayason sa atubangan mo;

Asin dai mo paghalion sa sako an saimong banal na espiritu.

12 Ibalik mo sa sako an kaugmahan na namatian ko kan ako iligtas mo;+

Pukawon mo sa sako an pagmawot na magsunod sa saimo.*

13 Itutukdo ko sa mga paralapas an mga dalan mo,+

Tanganing an mga parakasala magbaralik sa saimo.

14 Iligtas mo ako sa pagkakasala sa dugo,+ O Diyos, an Diyos nin sakong kaligtasan,+

Tanganing an sakong dila maugmang makapagpahayag kan saimong katanusan.+

15 O Jehova, ibuka mo an mga ngabil ko,

Tanganing an sakong nguso makapagpahayag nin pag-umaw sa saimo.+

16 Huli ta habo mo nin atang—ta kun iyo, matao kuta ako kaiyan;+

Dai mo ikinakaugma an bílog na dulot na pigtututong.+

17 An mga atang na nakakapaugma sa Diyos iyo an nalugadan na espiritu;

An pusong nalugadan asin runot, O Diyos, dai mo isisikwal.*+

18 Sa saimong marahay na buot, gibuhon mo kun ano an marahay para sa Sion;

Pasarigon mo an mga pader kan Jerusalem.

19 Dangan ikakaugma mong marhay an mga atang nin katanusan,

An mga atang na pigtututong saka an mga bílog na dulot;

Asin an mga torong baka idudulot sa ibabaw kan saimong altar.+

 2 An saimong dila, na arog katarom nin labaha,+

Nagpapakana nin mga kapahamakan asin naggigibo na may pandadaya.+

 3 Mas namumutan mo an karatan kisa sa karahayan,

An pagputik kisa sa pagtaram nin katanusan. (Selah)

 4 Namumutan mo an lambang nakakadanyar na tataramon,

O ika na mapandayang dila!

 5 Iyan an dahilan kaya permanente kang ibabagsak nin Diyos;+

Dadakupon ka niya asin guguyudon paluwas sa saimong tolda;+

Gagabuton ka niya sa daga kan mga buhay.+ (Selah)

 6 Mahihiling ini kan mga matanos asin mapapangalas sinda,+

Asin ngingisihan ninda siya.+

 7 “Uni an tawong dai ginibong pailihan* an Diyos,+

Kundi nagtiwala siya sa dakulon na kayamanan niya+

Asin nanarig* sa sadiri niyang maraot na mga pakana.”*

 8 Alagad magigin akong arog nin sarong marambong na puon nin olibo sa harong nin Diyos;

Magtitiwala ako sa maimbod na pagkamuot nin Diyos,+ sagkod nuarin pa man.

 9 Uumawon taka sagkod lamang huling huminiro ka;+

Sa atubangan kan mga maimbod sa saimo,

Maglalaom ako sa saimong pangaran,+ huling marahay iyan.

Maraot asin makababaldi an bakong matanos nindang mga gibo;

Mayo nin naggigibo nin marahay.+

 3 Gabos sinda ruminayo;

Gabos sinda pararehong maraot.

Mayo nin naggigibo nin marahay,

Mayo lamang maski saro.+

 5 Pero biyo sindang magkakatarakot,

Grabeng takot na dai pa ninda nuarin man namatian kaidto,*

Huling iwawarak nin Diyos an mga tulang kan mga nagsasalakay* sa saimo.

Pag tipunon na giraray ni Jehova an saiyang banwaan na nabihag,

Lugod na an Jacob magin maugma, lugod na an Israel maggaya-gaya.

54 O Diyos, iligtas mo ako paagi kan saimong pangaran,+

Asin idepensa mo ako*+ paagi kan saimong kapangyarihan.

 2 O Diyos, danguga an pamibi ko;+

Tawan mo nin atensiyon an mga sinasabi kan sakuyang nguso.

 3 Huli ta may mga estranghero na minatumang sa sako,

Asin daing hirak na mga tawo an gustong gumadan sa sako.*+

 4 Hilinga! An Diyos an sakuyang paratabang;+

Si Jehova nasa kaibanan kan mga nagsusuportar sa sako.*

 5 Ibabalos niya sa sakong mga kalaban+ an mismong karatan na ginibo ninda;

Huli sa saimong kaimbudan, tarapuson* mo sinda.+

 7 Huli ta iliniligtas niya ako sa lambang kasakitan,+

Asin hihilingon kong may dakulang kaugmahan an pagbagsak kan sakong mga kalaban.+

55 Danguga an pamibi ko, O Diyos,+

Asin dai mo pagbaliwalaon an paghagad ko nin pagkahirak.*+

 2 Tawan mo ako nin atensiyon asin simbagon mo ako.+

Dai ako mapamugtak huli sa kahaditan ko,+

Asin napupurisaw ako

 3 Huli sa sinasabi kan kalaban ko

Asin sa panggigipit kan maraot na tawo.

Huling tinatambakan ninda ako nin kasakitan,

Asin nagtatanom sinda nin grabeng raot nin buot laban sa sako huli sa saindang kaanggutan.*+

 4 Sa laog ko, grabe an pagsakit kan sakuyang puso,+

Asin nangibabaw sa sako an grabeng takot sa kagadanan.+

 5 Uminabot sa sako an takot asin pagtakig,

Asin pinugulan ako nin pagkibig-kibig.

 8 Mahidali ako pasiring sa lugar na masisirungan,

Harayo sa makusog na duros, harayo sa bagyo.”

 9 Ribarawon mo sinda, O Jehova, asin rauton mo an mga plano ninda,*+

Huling kadahasan asin iriwal an nahiling ko sa siyudad.

10 Aldaw asin banggi sindang naglalakaw-lakaw sa ibabaw kan mga pader kaiyan;

An nasa laog kaiyan, maraot na intensiyon asin kariribukan.+

11 An kapahamakan nasa tahaw kaiyan;

An pang-aapi asin pandadaya pirming nasa plasa kaiyan.+

12 Huli ta bakong sarong kalaban an nagtutuya sa sakuya;+

Ta kun iyo, natios ko kuta iyan.

Bakong sarong kaiwal an nagtumang sa sakuya;

Ta kun iyo, nataguan ko kuta siya.

13 Kundi ika an naggibo kaini, sarong tawong arog ko,*+

An kaiba-iba ko mismo na midbid na midbid ko.+

14 Dati kitang dayupot na magkaamigo;

Dati kitang naglalakaw pasiring sa harong nin Diyos kaiba kan dakulon na tawo.

Bumaba lugod sindang buhay sa Lubungan;*

Huling an karatan nag-iistar kaiba ninda asin nasa puso ninda iyan.

16 Pero ako, maapod ako sa Diyos,

Asin ililigtas ako ni Jehova.+

17 Sa banggi, aga, asin udto, napupurisaw asin nag-aagrangay* ako,+

Asin dinadangog niya an boses ko.+

18 Ililigtas* niya ako asin tatawan* nin katuninungan laban sa mga minasalakay sa sakuya,

Huli ta kadakul-dakul kan nakikipaglaban sa sakuya.+

19 Magdadangog an Diyos asin mahiro laban sa sainda,+

An saro na nakatukaw sa trono puon pa kan suanoy.+ (Selah)

Dai sinda magbabago,

Sinda na mga mayong pagkatakot sa Diyos.+

20 Inatake niya* an mga may pakikipagkatuninungan sa saiya;+

Binalga niya an saiyang tipan.+

21 An mga sinasabi kan nguso niya mas malumhok kisa sa mantikilya,*+

Alagad pakikiiwal an nasa puso niya.

An saiyang mga sinasabi mas mahalnas kisa sa lana,

Alagad an mga iyan garo hinugkot na mga espada.+

22 Ipasa mo ki Jehova an saimong pasan,+

Asin aalalayan ka niya.+

 2 Bilog na aldaw akong padagos na pigtatakab kan sakong mga kalaban;

Dakul an nakikipaglaban sa sako nin may kapalangkawan.

 4 Sa Diyos—na an tataramon inuumaw ko—

Sa Diyos ako nagtitiwala; dai ako natatakot.

 5 Bilog na aldaw nindang padagos na dinadanyaran an sakong mga ginigibo;

Mayo sindang ibang iniisip kundi gibuhan ako nin maraot.+

 6 Nagtatago sinda tanganing umatake;

Minamanmanan ninda an lambang lakad ko,+

Na naglalaom na magagadan ninda ako.*+

10 Sa Diyos—na an tataramon inuumaw ko—

Ki Jehova—na an tataramon inuumaw ko—

11 Sa Diyos ako nagtitiwala; dai ako natatakot.+

12 May mga promesa ako sa saimo na dapat na utubon ko, O Diyos;+

Madulot ako nin mga kapahayagan nin pasasalamat sa saimo.+

13 Huli ta ilinigtas mo ako* hali sa kagadanan+

Asin ilinikay mo an mga bitis ko sa pagkasingkog,+

Tanganing makalakaw ako sa atubangan nin Diyos sa liwanag kan mga buhay.+

57 Kahirakan mo ako, O Diyos, kahirakan mo ako,

Huli ta nagpapaili ako* sa saimo,+

Asin mapaili ako sa lindong kan saimong mga pakpak sagkod na makalihis an mga kasakitan.+

 2 Nag-aapod ako sa Diyos na Kahuruhalangkawi,

Sa tunay na Diyos, na tinatapos an mga iyan alang-alang sa sako.

 4 Napapalibutan ako* nin mga leon;+

Kinaipuhan kong maghigda kataid kan mga tawong gusto akong sibaon,

Na an mga ngipon siring sa mga garod saka mga pana

Asin an mga dila siring sa matarom na espada.+

 5 Magpakalangkaw ka nin labaw pa sa kalangitan, O Diyos;

Mapasaibabaw lugod kan bilog na daga an saimong kamurawayan.+

 6 Nagtáon* sinda nin hikot tanganing siluon an mga bitis ko;+

Napaduko ako* huli sa kasakitan.+

Naggibo sinda nin kalot sa inutan ko,

Pero sinda mismo an nagkahurulog diyan.+ (Selah)

 7 Marigon an sakuyang puso, O Diyos,+

Marigon an sakuyang puso.

 9 Uumawon taka sa tahaw kan mga banwaan, O Jehova;+

Makanta ako nin mga pag-umaw* sa saimo sa tahaw kan mga nasyon.+

10 Huli ta an saimong maimbod na pagkamuot dakula, kasinglangkaw kan kalangitan,+

Asin an saimong kaimbudan sagkod sa kalangitan.

11 Magpakalangkaw ka nin labaw pa sa kalangitan, O Diyos;

Mapasaibabaw lugod kan bilog na daga an saimong kamurawayan.+

 2 Imbes, nagpaplano kamo nin pagkabakong matanos sa saindong puso,+

Asin nagwawaras an mga kamot nindo nin kadahasan sa daga.+

 3 An mga maraot lagalag* na puon pa sa pagkamundag;*

Matagas na an payo ninda, mga putikon puon pa kan sinda mamundag.

 4 An kamandag ninda siring sa kamandag nin mga halas;+

Mga bungog sinda siring sa kobra na nagtatakop kan talinga niya.

 5 Dai iyan magdadangog sa boses kan mga paraorasyon,

Gurano man sinda katibay mag-orasyon.

 8 Lugod na magin siring sinda sa sarong atol* na mantang nag-aabante natutunaw;

Siring sa umboy nin sarong ina na gadan nang nagluwas kaya dai na nahiling an aldaw.*

 9 Bago pa mamatian kan mga lutuan nindong kuron an init kan matunok na palungpong na ipinanggatong,

Hahayupon na nin Diyos, siring sa duros nin bagyo, an sangang basa pa pati su nagkakalayo na.+

10 An matanos mag-uugma ta nahiling niya an pamamalos;+

An saiyang mga bitis mababasa sa dugo kan maraot.+

59 Iligtas mo ako sa sakong mga kalaban, O Diyos ko;+

Protektaran mo ako sa mga minatumang sa sako.+

 2 Isalbar mo ako sa mga naggigibo nin maraot,

Asin iligtas mo ako sa madahas* na mga tawo.

 3 Hilinga! Nag-aabang sinda tanganing tambangan ako;*+

Makukusog na tawo an minaatake sa sako

Alagad bakong huli ta nagrebelde ako o nagkasala,+ O Jehova.

 6 Nagbabalik sinda kada banggi;+

Nag-aagrutong* sinda na siring sa mga ayam+ asin naghihikap sa palibot kan siyudad.+

 7 Hilinga kun ano an minaluwas* sa nguso ninda;

An saindang mga ngabil garo mga espada,+

Huling sinasabi ninda: “Siisay man an nakakadangog sa satuya?”+

 8 Alagad ika, O Jehova, ngingisihan mo sinda;+

Saimong tutuya-tuyaon an gabos na nasyon.+

 9 O sakuyang Kakusugan, padagos akong mahalat sa saimo;+

Huling an Diyos iyo an sakong ligtas na pailihan.*+

10 An Diyos na nagpahiling sako nin maimbod na pagkamuot iyo an matabang sa sako;+

Papangyarihon nin Diyos na mahiling kong may dakulang kaugmahan an pagbagsak kan sakong mga kalaban.+

Paagi kan saimong kapangyarihan palagaw-lagawon mo sinda;

Pabagsakon mo sinda, O Jehova, an samuyang kalasag.+

12 Huli sa kasalan kan saindang nguso, sa itinataram kan saindang mga ngabil,

Lugod na masilo sinda kan saindang kapalangkawan,+

Dahil sa pagmaldisyon asin pandadaya na saindang itinataram.

13 Huli sa saimong grabeng kaanggutan tarapuson mo sinda;+

Tarapuson mo sinda, tanganing sinda mawara na;

Ipaaram mo sa sainda na an Diyos an namamahala sa Jacob asin sagkod sa mga puro kan daga.+ (Selah)

14 Pabayai sindang magbalik sa banggi;

Pabayai sindang mag-agrutong* na siring sa mga ayam asin maghikap sa palibot kan siyudad.+

15 Pabayai sindang maglagaw-lagaw tanganing maghanap nin makakakan;+

Dai mo pagtugutan na mabasog sinda o makahanap nin madadagusan.

16 Pero ako, makanta ako manungod sa kakusugan mo;+

Pagkaaga, maugma kong isasaysay an manungod sa maimbod na pagkamuot mo.

Huli ta ika an sakong ligtas na pailihan+

Asin sarong lugar na madudulagan ko sa panahon nin sakong kasakitan.+

17 O sakuyang Kakusugan, makanta ako nin mga pag-umaw* sa saimo,+

Huling an Diyos iyo an sakong ligtas na pailihan, an Diyos na nagpapahiling nin maimbod na pagkamuot sa sako.+

 4 Tawan* mo nin senyal an mga may pagkatakot sa saimo

Tanganing makadulag asin makalikay sa pana. (Selah)

 5 Tanganing makasalbar an mga namumutan mo,

Iligtas mo kami paagi kan tuo mong kamot asin simbagon mo kami.+

 6 Sa saiyang kabanalan,* an Diyos nagtaram:

“Maggagaya-gaya akong marhay, itatao ko an Sekem bilang pamana,+

 7 Sakuya an Gilead, pati an Manases,+

Asin an Efraim iyo an helmet* para sa sakong payo;

An Juda iyo an sakong baston nin komandante.+

10 Bakong ika, O Diyos, na nagsikwal sa samo,

An samong Diyos, na dai na minaiba sa samong mga hukbo?+

11 Tabangi kami sa samuyang kasakitan,

Huling an kaligtasan paagi sa mga tawo daing kamanungdanan.+

12 Paagi sa Diyos magkakamit kami nin puwersa,+

Asin saiyang titimak-timakan an samong mga kalaban.+

 2 Hali sa mga puro kan daga maagrangay ako sa saimo

Pag nawawaran nin paglaom* an sakuyang puso.+

 3 Huli ta ika an sakuyang pailihan,

Sarong masarig na tore na nagpoprotektar sa sako tumang sa kalaban.+

 4 Magigin bisita ako sa tolda mo sagkod lamang;+

Mapaili ako sa sirong kan saimong mga pakpak.+ (Selah)

 6 Dadagdagan mo nin mga aldaw an buhay* kan hadi,+

Asin an saiyang mga taon masagkod sa gabos na henerasyon.

 7 Matukaw siya sa trono* sa atubangan nin Diyos sagkod lamang;+

Tawan mo siya* nin maimbod na pagkamuot asin kaimbudan, tanganing maprotektaran siya kan mga iyan.+

 8 Dangan makanta ako nin mga pag-umaw* sa saimong pangaran sagkod lamang+

Mantang inuutob ko an sakuyang mga promesa aroaldaw.+

 2 Tunay nanggad, siya an sakong gapo asin sakong kaligtasan, an sakong ligtas na pailihan;*+

Dai ako matatanyog nin grabe nuarin man.+

 4 Huli ta nag-uurulay-ulay sinda tanganing pabagsakon siya sa halangkaw niyang posisyon;*

Ikinakaugma ninda an pagputik.

 5 Tunay nanggad, silensiyo akong naghahalat sa Diyos*+

Huling hali sa saiya an paglaom ko.+

 6 Tunay nanggad, siya an sakong gapo asin sakong kaligtasan, an sakong ligtas na pailihan;

Dai ako matatanyog nuarin man.+

 9 An mga aki nin tawo sarong hinangos sana,

An mga aki nin katawuhan sarong imahinasyon.+

10 Dai kamo magtiwala sa pangingikil

O maglaom sa panghahabon.

12 Siring man, sadiri mo an maimbod na pagkamuot, O Jehova,+

Huling tinatawan mo nin balos an lambang saro sigun sa mga gibo niya.+

Napapaha ako* sa saimo.+

Nangluluya ako* huli sa paghidaw ko sa saimo

 2 Kaya pinagmasdan taka sa banal na lugar;

Nahiling ko an saimong kusog asin an saimong kamurawayan.+

 3 Huli ta mas marahay kisa sa buhay an maimbod na pagkamuot mo,+

Papamurawayon ka kan mga ngabil ko.+

 4 Kaya uumawon taka sa bilog kong buhay;

Sa pangaran mo, iiitaas ko an mga kamot ko.

 5 Nababasog ako* sa pinakamarahay asin primera klaseng kahirasan,*

Kaya an nguso ko uumawon ka nin may kaugmahan sa mga ngabil ko.+

 6 Ginigirumdom taka mantang nasa higdaan ako;

Hinuhurop-hurop taka sa bilog na magdamlag.*+

 7 Huli ta ika an sakuyang paratabang,+

Asin nagkukurahaw ako na may kaugmahan sa lindong kan saimong mga pakpak.+

 8 Nangangapot ako* sa saimo;

An tuo mong kamot nakakapot sa sako nin higot.+