Ukutantika Ukulongana kwa Mulimo
ISHIBENI: Ukutendeka na buno Ubutumikishi Bwesu Ubwa Bufumu, mu kutantika Ukulongana kwa Mulimo mwakulaba no kutantika kwa mulungu wa kubalilapo uwa mu mweshi ukonkelepo. Ico kwabela uku kuteuluka mulandu wa kuti nalimo Ubutumikishi Bwesu Ubwa Bufumu inshita shimo kuti bulecelwako ukufika pa mulandu wa kuti kuli ukuteuluka mu mitantikile ya kutwala impapulo.
Umulungu wa Kutampa December 6
Ulwimbo 207
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Na “Tulesekelela pa Kulunduluka.” Landeni pali lipoti wa mulimo wa mwi bala uwa August, uwa Zambia no wa cilonganino. Cincisheni bakasabankanya ukupampamina pa kulashimikila lyonse no kuleta amalipoti ukwabula ukucelwa cila mweshi.
15 min: “Pashanyeni Yehova Uushaba na Kapaatulula.” Ukulandapo kwenu ukwa kwiswila kwicila pali miniti umo, kabili tendekeni ifipusho ne fyasuko. Londololeni umwalola amashiwi ya kuti ukukanaba na kapaatulula, ifyo Yehova alanga ukuti taba na kapaatulula, na fintu twingalanga cimo cine mu butumikishi.—Moneni Insight, volyumu 1, ibula 1192, amaparagrafu 4-7.
20 min: “Bushe Tatwaumfwapo Ifyo Kale?” Ilyashi no kulanshanya ne bumba. Ipusheni abali mwi bumba balondolole ifyo ukusambilila fimo fine imiku ne miku kwabalenga ukumfwikisha no kutesekesha sana icine.—Moneni Ulupungu lwa kwa Kalinda ulwa July 15, 1995, amabula 21-22, na August 15, 1993, amabula 13-14, amaparagrafu 10-12.
Ulwimbo 218 ne pepo lya kusondwelela.
Umulungu wa Kutampa December 13
Ulwimbo168
10 min: Ukubilisha kwa pa mwenu. Lipoti wa ndalama. Landeni imitubululo pa fya kwasuka mu mucenjelo ku kuposha kwa mu nshiku sha mwikalwe. Pa cilonganino nga namukwata icitabo ca Umuntu Wakulisha nelyo ica Kasambilisha Mukalamba, londololeni ifyo fingabomfiwa bwino mu butumikishi mu nshiku sha mwikalwe wa Krisimasi.
15 min: “Isukulu lya Butumikishi bwa Teokrasi mu 2000.” Ilyashi ukulandwa na kangalila we sukulu. Landeni pa fipya ifili mu kutantika kwa mwaka upya. Ilyashi Na. 3 likalafuma mu citabo ca Ukupelulula Ukufuma Mu Malembo. Ilyashi Na. 4 likalafuma mu Icitabo Candi Ica Malyashi ya mu Baibolo, lyene mu myeshi itatu iya ku mpela ya mwaka likalafuma mu citabo ca Ukupelulula. Pa lyashi apali aka akeshibilo (#), kuti cawamisha nga lyalandwa na munyina. Koselesheni bonse ukukonkamo ukwabula ukushalila mu kubelenga Baibolo ukwa cila mulungu no kupoosako amano ku kulanda amalyashi bakulapeelwa mu sukulu.
20 min: “Cinshi Mukasosa ku Muntu Uutila Takwaba Lesa?” Ifipusho ne fyasuko. Landeni imilandu yapusanapusana iyalenga abengi ukulalanda ati takwaba Lesa. Landeni pa fyo twingalanshanya na bo, ukubafwa ukumona umulandu mwabela amano ukusumina ukuti Lesa e ko aba. Mu kwipifya, citeniko icilangililo cimo nelyo fibili. Ifyebo ifingi kuti mwafisanga mu citabo ca Ukupelulula, amabula 222-228, na mu citabo ca Ukusapika Lesa Ukwa Mutundu wa Muntu, icipandwa 14.
Ulwimbo 220 ne pepo lya kusondwelela.
Umulungu wa Kutampa December 20
Ulwimbo 219
10 min: Ukubilisha kwa pa mwenu. Ipusheni bakasabankanya bamo bashimike mu kwipifya ifyakukumanya fya nomba line mwi bala ifilimo ifishinka fya kulungatika.
15 min: Ukwankula ku Balefwaya Ukucilikila Ukulanshanya. Ukulanshanya ne bumba ne filangililo. Belengeni “Ukulandapo” pa mabula 15-16 mu citabo ca Ukupelulula. Salenipo “ificilikila ukulanshanya” fibili nelyo fitatu pali filya fyaba pa mabula 16-20, nelyo landeni pali fimbi ifyaseeka mu cifulo mubombela. Landeni pa kwankulako kumo kumo ukwaba mu citabo, kabili londololeni ifyo uko kwankulako kwingabela ukusuma mu cifulo mubombela. Mu kwipifya, citeniko ifilangililo fimo. Ipusheni bamo mwi bumba bashimike ifyo bankulako ifilenga ukuti baleshimikila bwino.
20 min: Bushe Mfwile Ukwingila Incito kwi Bumba lya fya Mapepo? Ilyashi na eluda, ukushimpwa pa Ulupungu lwa kwa Kalinda ulwa April 15, 1999, amabula 28-30. Bamo balisumina incito sha musango yo, nomba inshita imbi baishileiluka ukuti incito yabo yalipusana ne fishinte fya mu Baibolo. Landeni pa fipusho tufwile ukuipusha ilyo tulepingulapo nga kuti twaingila incito ku mabumba ya fya mapepo. Koselesheni bonse ukupampamina pa kwikala imikalile ya kutwalilila ababula umulandu mu menso ya kwa Yehova.—2 Kor. 6:3, 4, 14-18.
Ulwimbo 109 ne pepo lya kusondwelela.
Umulungu wa Kutampa December 27
Ulwimbo 166
10 min: Ukubilisha kwa pa mwenu. Icilonganino cenu nga cikatendeka ukulongana inshita imbi mu mwaka uleisa, mu cikuuku koselesheni bonse ukutwalilila ukulasangwa ku kulongana pa nshita ipya. Ishibisheni abo musambilila na bo Baibolo na bambi abasangwako fye ukuti inshita nayaluka. Cinkuleniko bonse ukuleta amalipoti ya mulimo wa mwi bala aya December.
15 min: Ukukabila kwa pa mwenu.
20 min: Ukutambika Ifitabo fya Kale mu January. Ilyashi ne filangililo. Langisheni ifitabo fibili nelyo fitatu ifya mabula 192, ifyasabankanishiwe ilyo 1986 ishilafika ifilipo pa cilonganino, kabili koselesheni bakasabankanya ukupokako fimo ifya kusenda mu butumikishi. (Pa cilonganino nga tapali icili conse pali ifi, lanshanyeni pa ca kutambika cimbi ica mu January.) Londololeni ico ifitabo fya kale fibelele ifisuma na nomba line ku kulundulula ukufwaisha ukwishiba ifya mu Baibolo. Muli cila citabo, landeni pa fishinka fikalamba na pa fikope ifyo abantu mwi bala bengatemwa ukulanshanya na bo. Citeniko icilangililo cimo nelyo fibili pa fya kutambika ifitabo. Nga mwasanga umuntu uulefwaya ukusambilila, kuti mwamushiila broshuwa wa Cintu Lesa Afwaya no kutendeka isambililo.
Ulwimbo 224 ne pepo lya kusondwelela.
Umulungu wa Kutampa January 3
ISHIBENI: Ifilonganino tafifwile ukusesha Ukulongana kwa Mulimo ukwa January 3 kano kangalila wa muputule nga aletandalila icilonganino.
Ulwimbo 10
8 min: Ukubilisha kwa pa mwenu.
17 min: Ishibeni Ifya Kwasuka. (Kol. 4:6) Ilyashi no kulanshanya ne bumba lyonse. Icitabo ca Ukupelulula cilatwafwa nga nshi ilyo tulelanshanya na bantu icine ca muli Baibolo. Mwine ng’anda nga aipusha icipusho pa lwa cintu cimo ico twasuminamo, nalimo kuti twabomfya ifyebo ifitila “Nga umo Asoso Kuti—” ifisangwa ku mpela ya cipande cimo na cimo. Lanshanyeni ifyo bamo basosa pa lwa Baibolo ifyaba pa mabula 68-72, kabili landeni na fintu ukwankulako kusangwa palya kwingaba ukusuma.
20 min: Bushe Tulepanga Abasambi? Kangalila wa Mulimo alanshanya no mubomfi utumikila umo nelyo babili ifyebo fya mu Ulupungu lwa kwa Kalinda ulwa February 15, 1996, amabula 19-22. Komaileni pa fishinka fya mu Malembo pa lwa mulandu tufwile ukufwailamo abayana mu cifulo tubombela no kubapanga abasambi. (Mat. 10:11) Aba e baleteta pa bubifi ne misango yabula bukapepa iili muno calo kabili balefwaya Yehova ilyo ubushiku bwa bukali bwakwe bushilabalamuka. (Esek. 9:4; Sefa. 2:2, 3) Pali aba bene paliba ‘abasontelwa ku kuya mu mweo wa muyayaya.’ (Imil. 13:48) Umulimo twatumwa wa kupanga abasambi, ukusambilisha abantu fyonse ifyo Yesu alandile. (Mat. 24:14; 28:19, 20) Ca cine kuti twabalamuna ukufwaisha mu bantu tusanga pa muku wa kubalilapo mu mulimo wa ku ng’anda ne ng’anda, ilyo tuleshimikila mu lyashi, nelyo mu bunte bwa mu musebo, lelo icilenga ukuti tupange abasambi kubwelelako, e kutila ukuya ku fipempu na ku masambililo ya Baibolo. Landeni pa mitubululo isuma pa fya kubomba bwino uyu mulimo.
Ulwimbo 56 ne pepo lya kusondwelela.