Ukutantika Ukulongana kwa Mulimo
Umulungu wa Kutampa June 11
Ulwimbo 178
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu.
15 min: “Twalilileni ‘Ukucite Cawama.’” Ilyashi lya kukoselesha ilyashimpwa pa Malembo ukulandwa na eluda.
20 min: “Fikeni Umusambi Wenu pa Mutima.”a Sanshenimo imitubululo ingabomba ku kwafwa abapya ukulundulula ukutetekela no kutemwa Yehova na Yesu mu mitima yabo. Bomfyeni ifishinka fikalamba ukufuma mu Ulupungu lwa kwa Kalinda ulwa July 15, 1999, ibula 14, amaparagrafu 18-20.
Ulwimbo 184 ne pepo lya kusondwelela.
Umulungu wa Kutampa June 18
Ulwimbo 12
17 min: Ukubilisha kwa pa mwenu. Lipoti wa ndalama. Ifya Kwankula ku Ficilikilo Kulanshanya. Ukulanshanya ne bumba lyonse. Pitulukeni mu kamutwe kaleti “Ukulandapo” mu citabo ca Ukupelulula, amabula 15-16. Ukufuma pa mabula 16-20, salenipo fimo ifyo abantu baasuka mu cifulo mushimikilamo. Ebeni ibumba ukulandapo ukwankulako bengabomfya bwino no mulandu bengakubomfesha.
8 min: Ukulanda pa Mukululo wa Fipusho.
20 min: “Bomfyeni Amatrakiti ku Kutendeka Ukulanshanya.” Pitulukeni mu matrakiti ayali yonse yane ayabomfiwa sana mu cifulo mushimikilamo. Ipusheni icipusho icayasukwa muli trakiti imo na imo. Ebeni ibumba ukulandako imitubululo pa fyo icipusho cingabomfiwa ku kutendeka ukulanshanya napamo ukutwala na mwi sambililo lya Baibolo. Citeni ifilangililo ku kulanga ifyo ici cingacitwa na matrakiti yabili.
Ulwimbo 57 ne pepo lya kusondwelela.
Umulungu wa Kutampa June 25
15 min: Ukubilisha kwa pa mwenu. Pitulukeni mu lupapulo lwa kutambika mu July na August. Komaileni pa mabroshuwa yabili ayo icilonganino cikwete. Kwateni ifilangililo fyapekanishiwa bwino fibili pa fya kuyatambika mu butumikishi. Nga mulefwaya imitubululo pa milandile, moneni amabula ya ku numa aya Ubutumikishi Bwesu Ubwa Bufumu ubwa July na August, ukutendeka mu 1995 ukufika mu 1998.
30 min: “Bushe Cine Cine Mulatasha pa Mapaalo ya kwa Yehova?” Ifipusho ne fyasuko ukutungululwa na eluda wafikapo.
Ulwimbo 59 ne pepo lya kusondwelela.
Umulungu wa Kutampa July 2
12 min: Ukubilisha kwa pa mwenu. Landeni pa mukululo uleti “Ipeelesheni,” pe bula 5. Cinkuleniko bakasabankanya ukutuma amalipoti ya mulimo aya June.
18 min: Mwe Misepela—Saleni Incito Mano Mano. Ili e lyashi lya kubalilapo pa malyashi yatatu ayakalandwa mu Kulongana kwa Mulimo ayakapituluka mu fishinte fya mu Malembo ifyakuma ku masomo yalundwapo. Imisepela ya Bwina Kristu imo ikonkelela incito sha ku calo ukupitila mu kuya ku masomo ya pa muulu, ayaleonaula bumupashi bwabo. Muli lino lyashi abafyashi babili balanshanya no mwana wabo umupungwe umulumendo nelyo umukashana. Uyu musepela ufikile apo ukupingula kwakakala kulekabilwa pa lwa buyo bwa ku ntanshi. Nangula ca kuti bambi kuti batemwa ukukonkelela ifyuma, ubusambashi, ne fya maliila ya calo, ulu lupwa lwabebeta Baibolo ukumona ifyo ilandapo. (Moneni icitabo ca Abacaice, amabula 174-5; Ulupungu lwa kwa Kalinda, August 15, 1997, ibula 21, no lwa September 1, 1999, amabula 19-21, amaparagrafu 1-3 na 5-6.) Umusepela wasumina ukuti ca mano ukufwaya kosi wingamwafwa ukufika pa buyo bwakwe ubwa fya bulesa ku kutwala pa ntanshi ifya Bufumu.
15 min: “Imbeni Inyimbo sha Kulumbanya Yehova.” Ilyashi lya kukoselesha no kulanshanya ne bumba lyonse ukushimpwa pa cipande. Lingululeniko amashiwi ya lwimbo lumo ulukembwa pe bungano. Bilisheni inshiku ne nshita inyimbo shakulapitulukwamo.
Ulwimbo 212 ne pepo lya kusondwelela.
[Amafutunoti]
a Amashiwi ya kwiswila tayalingile ukucila pali miniti umo, kabili konkanyenipo ukulanshanya kwa fipusho ne fyasuko.