JULY 28–AUGUST 3

ICUMA ICABA MU CEBO CA KWA LESA

1. Mulecita Ifikalenga Mukashipikishe Amafya ayo Mwingakwata

(10 min.)

Muleisambilisha pa kuti muleishibilako ifya kwa Lesa na pa kuti mulebelako aba mano (Amapi. 24:5; it-2-E ibu. 610 para. 8)

Muletwalilila ukucita ifya kwa Lesa nangu ca kuti namufuupuka (Amapi. 24:10; w09 12/15 ibu. 18 amapara. 12-13)

Ukutemwa Yehova e lyo no kumucetekela sana kuti kwalenga twashipikisha amafya (Amapi. 24:16; w20.12 ibu. 15)

Nkashi uwalwala ubulwele ubukalamba, ali ne nsansa ilyo alebila imbila nsuma ku ng’anda ne ng’anda na nkashi nankwe. Alelanga umwanakashi fimo pa tabuleti yakwe.

2. Ukufwayafwaya Icuma Icaba mu Cebo ca kwa Lesa

(10 min.)

Amapi. 24:27—Finshi tusambililako kuli ili lembo? (w09 10/15 ibu. 12)

Lembeni icasuko
Cuma nshi mwasangile ilyo mwalebelenga Baibo uno mulungu?

Lembeni icasuko

3. Ukubelenga Baibo

(4 min.) Amapi. 24:1-20 (th isambililo 11)

IFYO TWINGACITA PA KUTI TULEBILA BWINO IMBILA NSUMA

4. Ifyo Mwingatendeka Ukulanshanya

(2 min.) UBUNTE BWA MU LYASHI. Mwapwisha ukulanshanya ukwabula ukuti mubile imbila nsuma. (lmd isambililo 2 icishinka 4)

5. Ifyo Mwingatendeka Ukulanshanya

(3 min.) KU NG’ANDA NE NG’ANDA. (lmd isambililo 3 icishinka 4)

6. Ifyo Mwingatendeka Ukulanshanya

(3 min.) UBUNTE BWA KU CINTUBWINGI. Ebeniko umuntu pe sambililo lya Baibo kabili mupeeleni kardi apaba isambililo lya Baibo. (lmd isambililo 4 icishinka 3)

7. Ilyashi

(3 min.) lmd Ifyebo Fyalundwako A icishinka 11—Umutwe: Lesa alalanshanya na ifwe. (th isambililo 6)

IFYO FWE BENA KRISTU TULINGILE UKULAIKALA

8. Muleafwana mu Nshita Isha-afya

(15 min.) Ukulanshanya.

Amalwele, amasanso ayakalamba, ifimfulunganya, inkondo nelyo ukutucusha kuti fyacitika ukwabula ukwenekela. Aya amafya nga yacitika, bamunyinefwe na bankashi balafwana kabili balakoseleshanya. Na lyo line, nangu ca kuti amasanso ayakalamba yacitikile ukutali no ko twikala, tulomfwa ububi sana kabili tulesha na maka ukwafwilisha Abena Kristu banensu.—1 Kor. 12:25, 26.

Ifikope: Bamunyinefwe na bankashi baleafwilisha aba bwananyina mu nshila ishalekanalekana. 1. Bamunyinefwe na bankashi balekuula Ing’anda ya Bufumu iyabongolweke. 2. Bamunyinefwe na bankashi balepokelela aba bwananyina abafumine ku calo cimbi pa mulandu wa nkondo. 3. Nkashi alebika indalama mu kabokoshi ka misangulo mu Ng’anda ya Bufumu. 4. Bamunyinefwe na bankashi bali pa Ng’anda ya Bufumu, balepeela aba bwananyina ifyo balekabila. 5. Abalebomba umulimo wakuitemenwa baleta amabotolo ya menshi. 6. Munyinefwe alepepa.

Belengeni 1 Ishamfumu 13:6 na Yakobo 5:16b. Lyena ipusheni ibumba ici cipusho:

Mulandu nshi amapepo ayo ababomfi ba kwa Lesa bapepelako abantu bambi yabela na maka?

Lembeni icasuko

Belengeni Marko 12:42-44 na 1 Abena Korinti 8:1-4. Lyena ipusheni ibumba ici cipusho:

Nangu ca kuti tatwakwata ifintu ifingi ifyo twingasangwilako ku mulimo wa mwi sonde lyonse ku kwafwilisha bamunyinefwe abalekabila ubwafwilisho, mulandu nshi cacindamina ukulasangwilako?

Lembeni icasuko

Tambeni VIDIO itila Ifyo Balekoselesha Aba Bwananyina Ilyo Bababindile. Lyena ipusheni ibumba ifi ifipusho:

Bushe filya bamunyinefwe ba-afwile aba bwananyina abekala ku Eastern Europe uko baleseshe umulimo wa Nte sha kwa Yehova, filanga shani ukuti baliba no kutemwa?

Lembeni icasuko
Bushe bamunyinefwe balangile shani ukuti baleumfwila ifunde ilitila tufwile ukulalongana pamo e lyo no kulakoseleshanya?—Heb. 10:24, 25

Lembeni icasuko

9. Isambililo lya Baibo Ilya pa Cilonganino

(30 min.) rr icipa. 1 amapara. 8-14 na kabokoshi pa 1A