Miting Blong Kingdom Wok Blong Oktoba
Wik We i Stat Long Oktoba 4
Singsing 147
10 menet: Lokol mesej. Ol Advaes long Kingdom Wok Blong Yumi.
17 menet: “?Wanem Plan Blong Yu Long Hot Taem?” Mekem wan fastok we i no bitim wan menet, mo gohed wetem ol kwestin mo ansa. Leftemap tingting blong evriwan blong mekem ol gudfala plan fastaem.
18 menet: !No Fogetem Ol Magasin! Talem namba blong ol magasin we kongregesen i seremaot las manis. ?Olsem wanem long namba ya taem yu skelem wetem namba blong ol magasin we Sosaeti i sanem i kam long kongregesen? Sipos tufala namba ya oli defren bigwan, ?wanem samting we bambae yumi mas mekem? Askem ol man we oli lesin blong talem tingting blong olgeta long ol poen ya: (1) Evri pablisa i mas putum wan stret oda blong magasin we oli nidim. (2) Putum evri Sarede olsem Dei Blong Magasin. (3) Long prapa program blong yu blong prij, jusum sam taem evri manis we bambae yu spenem blong seremaot ol magasin nomo. (4) Mekem plan blong yusum ol magasin blong statem storeyan taem yumi tekem jans blong prij. (5) Tekem ol spesel atikol oli go long ol ofis mo bisnesman we maet oli intres long olgeta. (6) Raetemdaon olgeta samting we yu seremaot, statem ol rod magasin, gobak evritaem we ol niufala magasin oli kamaot. (7) Yusum olgeta olfala magasin blong no livim oli hivap i stap. Brata we i mekem tok ya bambae i soemaot ol niufala magasin, mo tokbaot ol haf we maet oli pulum intres blong ol man. Jusum wan bigman mo wan yangfala blong mekem wan pleplei blong soemaot olsem wanem blong seremaot magasin.—Lukluk pepa we i stap insaed long Kingdom Wok blong Septemba 1995.
Singsing 105 mo laswan prea.
Wik We i Stat Long Oktoba 11
Singsing 194
10 menet: Lokol mesej. Ripot blong ol kaon.
15 menet: Lokol nid.
20 menet: “No Lusum Glad Blong Joen Long Ol Miting.” Kwestin mo ansa. Talem sam eksampel blong soemaot olsem wanem yumi save soem se yumi kea long narafala mo yumi leftemap tingting blong narafala long taem blong ol miting. Askem ol man we oli lesin blong talem sam eksampel we olgeta wanwan oli bin luk long laef blong olgeta.
Singsing 152 mo laswan prea.
Wik We i Stat Long Oktoba 18
Singsing 196
10 menet: Lokol mesej mo sam ekspiryens blong wok blong prij.
13 menet: “?Bambae Yu Muf i Go Long Narafala Ples?” Sekretari blong kongregesen i mekem tok ya we i leftemap tingting. Taem wan pablisa i mas muf i go long wan narafala kongregesen, i impoten se hem i haremgud long niufala eria ya blong blokem fasin blong kam slak long saed blong spirit. Makemgud se i impoten blong talemaot ol plan blong yumi long ol elda blong oli save halpem yumi blong kasem niufala kongregesen blong yumi.
22 menet: “Baebol Stadi Blong Tajem Hat Blong Ol Man” Kwestin mo ansa. Long paragraf 4, mekem wan pleplei we i reregud.
Singsing 142 mo laswan prea.
Wik We i Stat Long Oktoba 25
Singsing 179
15 menet: Lokol mesej. Halpem evriwan blong reregud blong seremaot buklet ya Wanem no Save buk, long manis Novemba. Eksplenem olsem wanem blong rerem wan fastok wetem kwestin ya, “?God i ansa long ol prea?” Yusum ol poen we oli stap long stadi 7 long buklet, no japta 16, paragraf 12-14, long buk. Mekem wan sotfala pleplei we i yusum wan vas blong Baebol.
15 menet: Faenem Ansa Long Ol Kwestin Blong Baebol. Wan pablisa i storeyan wetem wan man blong givhan afta we pablisa ya i mitim wan man we i askem wan kwestin long saed blong Baebol. Man blong givhan ya i no givim stret ansa long pablisa ya be i givhan long hem blong faenem ansa hem wan. Fastaem, hem i lukluk bak long ol advaes we oli stap long School Guidebook, stadi 7, paragraf 8-9. Ale, tufala tugeta i traem faenem ansa blong wan kwestin we plante taem yumi harem long teritori blong yumi. Tufala i jekemap ol buk we oli tokbaot samting ya mo tufala i jusum sam poen we oli save pruvum se ansa we Baebol i givim i stret nomo. Leftemap tingting blong ol man we oli lesin, blong oli traem folem sem fasin blong stadi blong faenem ansa long ol kwestin long saed blong Baebol.
15 menet: Sam Mak We Yumi Save Putum. Wan tok mo storeyan wetem ol man we oli lesin. Luklukbak long ol gudfala mak we yumi save putum, olsem i stap long bokis long pej 11 blong Wajtaoa blong Maj 15, 1997. Leftemap tingting blong evriwan blong joen long wok blong haftaem no fultaem paenia. Soemaot olsem wanem yumi save kasem blesing sipos yumi kasem ol mak ya. Askem ol man we oli lesin blong oli talem sam glad we oli kasem taem oli bin kasem sam long ol tiokratik mak ya we oli bin putum.
Singsing 151 mo laswan prea.