Ol Miting Blong Kingdom Wok

Wik We i Stat Long Maj 8

Singsing 37

10 menet: Lokol mesej. Talemaot sam Advaes we oli stap long Kingdom Wok Blong Yumi. Talem long evriwan se oli no mas fogetem blong karem buklet ya “See the Good Land” long Miting Blong Kingdom Wok nekis wik. Yusum sam long ol fastok long pej 4, soemaot olsem wanem yumi save serem Wajtaoa blong Maj 15 mo Wekap! blong Maj 22.

15 menet: Yusum Traket Blong Statem Storian Wetem Ol Man. Wan tok wetem sam kwestin. Taem yumi prij, samting we i had moa hemia blong statem wan storian. Yumi save yusum ol traket olsem rod blong statem storian wetem ol man we yumi mitim long ol haos wanwan, long ol stoa, no long narafala ples. Tekem smoltaem blong tokbaot tu no tri traket we oli stret long ol man long teritori blong yumi. ?Wanem toktok we yumi save talem taem yumi soemaot wan long ol traket ya? ?Olsem wanem yumi save yusum ol pija we oli stap long ol traket ya? ?Wanem sam kwestin we yumi save askem? Soemaot wan paragraf long wanwan long ol traket ya we yumi save tokbaot wetem ol man sipos oli soem intres. Mekem wan pleplei blong soemaot olsem wanem yumi save statem wan storian wetem traket. Pablisa we i mekem pleplei ya i tokbaot wan paragraf long traket ya fastaem mo blong finisim, hem i givim Save buk long man.

20 menet: “‘Yufala i Mas Lavem Hae God.’”a Taem yu tokbaot paragraf 3, askem kwestin long kongregesen blong oli talem olsem wanem oli bin mekem blong singaot ol man oli kam long Memoriol.

Singsing 131 mo laswan prea.

Wik We i Stat Long Maj 15

Singsing 121

10 menet: Lokol mesej. Talem long evriwan se i gud oli wajem video kaset ya Faithful Under Trials​—Jehovah’s Witnesses in the Soviet Union blong rere from Miting Blong Kingdom Wok blong Maj 22. Tokbaot ol poen long haf ya “Ol Samting Blong Tingbaot Long Memoriol.” Talemaot wetaem bambae yumi mekem Wajtaoa stadi long wik blong Memoriol.

15 menet: Wok We Bambae i Gohed Raonabaot Long Taem Blong Memoriol. Wan tok we kongregesen i save tekpat long hem. Elda we i lukaot long wok blong prij nao i mekem tok ya. Tokbaot sam plan we i stap blong spesel taem ya. Talem sam ekspiriens we sam pablisa oli gat long wok blong prij. Leftemap tingting blong evriwan we oli naf, blong oli joen long wok blong haftaem paenia long Eprel mo Mei. Talem bakegen sam poen we oli stap long pepa insaed long Kingdom Wok Blong Yumi blong manis Februari.

20 menet: Buklet ya “See the Good Land” i Save Givhan Bigwan Long Yu. Niufala buklet ya i save mekem we riding mo stadi blong yumi long saed blong Tok blong God i gat moa mining. Wan isi rod blong yusum buklet ya hemia blong lukluk long indeks blong hem. Ridim Aesea 63:1 we i tokbaot se Jeova i kam long Bojeraha. Askem kongregesen blong faenem nem ya Bojeraha (we long Inglis hemia Bozrah, mo long Franis hemia Botsra) long indeks blong buklet ya “Good Land.” Eksplenem se i minim wanem taem oli raetem “Bozrah 11 G11.” Blong mekem olsem yu save yusum bokis long pej 34. Ale, traem faenem Bozrah mo Edom long map. Yusum indeks bakegen blong faenem rod we Jisas i folem stat long Jerusalem go kasem Saeka (no Sychar long Inglis mo Franis). (Jon 4:​3-5) Mekem sem samting blong faenem bigfala wota we i ples blong swim, nem blong hem Betsata (no Bethzatha long Inglis mo Franis). (Jon 5:​1-3) Jusum wan no tu moa eksampol we oli laenap wetem Baebol riding blong wik ya we i stap long program blong Tiokratik Skul. Askem kongregesen blong oli talem weples blong faenem ol ples ya long buklet mo olsem wanem ol map olsem oli save halpem yumi. Blong smoltaem, tokbaot sam long ol map long buklet ya, mo makem ol yia we ol map ya oli laenap stret wetem olgeta. Map long pej 18 mo 19 i soem bighaf blong ol ples we Baebol i tokbaot. Pulum evriwan blong oli traem yusum gud buklet ya “See the Good Land.”

Singsing 63 mo laswan prea.

Wik We i Stat Long Maj 22

Singsing 191

10 menet: Lokol mesej. Ripot blong ol kaon. Talem bakegen long evriwan blong oli folem Baebol riding blong Memoriol long Maj 30 kasem Eprel 4, olsem we i stap long Ridimgud Ol Tok Blong Baebol Evri Dei​—2004 mo long 2004 Calendar.

15 menet: “Wan Faet We Yu Yu Insaed Long Hem.”b Ridim mo tokbaot ol vas we oli stap, sipos i gat naf taem blong mekem olsem.

20 menet: “!Wan Video Kaset We i Givim Save Mo i Tajem Hat!” Go stret long ol kwestin we oli stap long haf ya mo storian wetem kongregesen long saed blong video kaset ya Faithful Under Trials. Lukaot gud long taem blong yu blong meksua se i gat naf taem blong harem plante defdefren komen long laswan kwestin blong haf ya. Blong finisim tok ya, ridim bokis long pej 192 long 2002 Yearbook.

Singsing 181 mo laswan prea.

Wik We i Stat Long Maj 29

Singsing 129

10 menet: Lokol mesej. Talem long ol pablisa se oli no mas fogetem ripot blong olgeta blong manis Maj. Tokbaot buk we yumi serem long Eprel. Yusum ol haf long pej 4 blong mekem tu pleplei, wan i seremaot Wajtaoa Eprel 1 mo narawan i serem Wekap! Jen./Maj.

15 menet: Yusumgud Buk Ya 2004 Yearbook. Wan tok we kongregesen i save tekpat long hem. Tokbaot sam bigfala poen long “Leta Blong Hed Kampani”, sam namba long ripot blong wol we yumi luk se i gru, mo stori blong sam brata sista we oli save mekem bilif blong yumi i strong. Leftemap tingting blong evriwan blong oli ridim fulbuk ya long yia ya.

20 menet: Trutok i Mekem Ol Famle Oli Joengud. Wan tok wetem sam kwestin we kongregesen i save givim ansa. Sam man mo woman we oli soem intres long trutok, oli no tekem disisen blong kam ol man blong wok blong Jeova from we ol famle blong olgeta oli stap agensem olgeta. Askem samfala long kongregesen blong oli talem sam ekspiriens long ol magasin ya: Wajtaoa Jenuware 1, 2002, pej 14-15; Wajtaoa Disemba 1, 2000, pej 8; Wajtaoa Septemba 1, 1999, pej 32; Wajtaoa Jenuware 1, 1999, pej 4; mo Wekap! (Inglis mo Franis) Februari 22, 1998, pej 31. Makemgud poen ya se ol rul blong Baebol oli save mekem laef long famle i kamgud moa, nating sipos wan nomo long famle i folem ol rul ya.

Singsing 130 mo laswan prea.

Wik We i Stat Long Eprel 5

Singsing 126

10 menet: Lokol mesej.

20 menet: Klin Long Bodi i Soemaot We Yumi Man Blong God. Wan tok we i stanap long Wajtaoa blong Jun 1, 2002, pej 19-21. Wan elda i mekem wan pleplei blong soemaot long wan paenia olsem wanem blong toktok wetem kaen fasin blong halpem wan Baebol studen blong luksave se i impoten we hem i kipim haos mo garen blong hem i klingud. Hem i yusum stadi 9, paragraf 5 long buklet Wanem.

15 menet: Talemaot sam ekspiriens we ol brata sista oli gat long taem blong Memoriol mo long ol spesel taem blong prij long manis Maj.

Singsing 25 mo laswan prea.

[Ol futnot]