Eksplenem From Wanem Yu Ridim Vas

Jon 10:33-36

?I MINIM WANEM? I nogud yu ridim vas nomo, nao yu muv i go long nekis poen. Meksua se ol man oli kasem klia olsem wanem vas ya i joen wetem poen we yu stap tokbaot.

?OLSEM WANEM BLONG MEKEM?

• Makemaot ol impoten wod. Afta we yu ridim vas, makemaot ol wod we oli joen wetem bigfala poen we yu stap tokbaot. Yu save talem bakegen ol wod ya, o yu askem long ol man blong oli talem ol impoten wod.

• Makem gud bigfala poen. Bifo we yu ridim vas, maet yu talem from wanem yu ridim. Afta, yu save eksplenem olsem wanem ol impoten wod long vas oli joen wetem samting ya we yu talem.

• Mekem i isi blong ol man oli kasem. I no nid blong talem ol save we i no sapotem bigfala poen. Tingbaot samting we ol man oli save finis, nao jusum save we yu nidim nomo blong mekem poen ya i klia mo i isi blong ol man oli kasem.