A NƖ KWÄNUË WA ˈKÄ ZEZWII A ˗NƲA ˈZƲ
Maakö 10:17-22
’CƖƐCƖƐKÏBHË 12
A nɩ ˈtɛmanɩ ˈyli yɔwʋ
ˈPäpägbaa: “Kpöö ˗ɲɛ wlɩɩ ˈsɔ ˈmäna yɩ zʋä dlɩ zɛmö, sɛ ˗bhlʋ ˗kpɔ ˈla, ˗sɩbhä ˈdɩmözʋwɛlɩ a ˗mi nɛnɩɛ kää ˈŋlɩ, ˈn nɩkpa ˈsɔ zʋä bhɛya a ˗nʋa a ˗nʋa.”—Prov. 27:9
ˈSaa Zezwii nʋ ɔ ˈnɩ?
1. A nɩ ylɛ VIDEO, a ˗käˈɛ ˗waa, a nɩ Zɛlɩ Maakö 10:17-22 ˈmö. ˈN a nɩ yɩlɩ nimïyɩbhäkïbhï ˈlɛ yɔwʋ:
(1) ˗Wʋwʋsaa a cii ˗mi nɛnɩ ɔ, Zezwii ˈyɩ ɔ ˈylɩmö ˗mä nɩkpɛ ˈla ˈmö ˈnɩ?
(2) Zezwii ˈkä nɩkpɛ ˈla ˈdɩ ˈmö ˈzʋ a dɔˈwʋʋ, ɔ kä ɔ ˈkä ˗wawʋ dlɩ zɛmö ˗kä, ˈn ɔ käˈɛ ɔ ˈkä ˈyli yɔwʋ ˈtɛɛ. ˗Yɩ kä ɔ ˈŋlɩ ˈnɩ?
ˈSaa Zezwii ˈa wɛlɩɩ ˈcɩaɲɩ ɔ ˈnɩ?
2. ˗A kä ˗a ˈkɔ ˗wawʋ ˈylimö tulanɩ abhlɩɩ, ˗maa sɛ ɔ ˈkää ˈzʋ nzɩ ɔ ˈkä ˈkwädlɩ Zoova yɔwʋ ˈdionɩ, ˗a kä ˗a ˈkɔɲɩ ˈtɩɩ dlɩ ˗gömö ˗sɛsɛnɩ. ˗A nɩ ti ˈwʋ ziza.
A nɩ ˗gänɩ Zezwii ˈa gbäpöö
3. A nɩ kwänɔɔ ɔ ˈkä lagɔlii ˗mimii ˗yɩ nɛnɩɛ ˗lɛ ˗sɛ, nzɩ ɔ ˈci nʋ.
(1) ˈBɔgʋʋ, A nɩ ˗bhölɩ ˈkwädlɩnɩ! ˈmö, dɛɛ wa ˈzʋä “Sɛɛ ˗n ˈkää ˈzʋ,” a nɩ ghlɛnɩ ˗lɛ a kïbhëa ˈmö nzɩ a ˈkɔ kwänɩ.
(2) ˗Lii ɔ ˈkää ˗lɛ ˗sɛ nzɩ ɔ ˈcɩ nʋ cuu, ˈn ˗mi ɔ ˈkäˈɛ ˗lɛ ˗sɛ nzɩ ɔ ˈcɩ ˈtɛɲɩ ˗mɛmɛɛ ˈmö nʋʋ, a nɩ kwänɔ ɔ ˈcɩ yɩbhlɩnɩ.
(3) A nɩ bhɩzɔɔ ˈkwädlɩ sɛ ɔ möä ˈyukusɛ ˈyize a za.
4. ˗Lii ˗yɩ kää ˈŋlɩ ˈn ɔˈɔɔ bhɛnɩ ɔ ˈkä ˈyukusɛ mö, a nɩ tɛlɩ sɛ a ˈci yɩbhlɩnɩ ˈn a nɩ kwänɔ ɔ ˈci ˈwlu ˈplɩ.
(1) A nɩ ˈyɩbhä bhʋlʋbhlʋ aɲɩ nimï:
‘Ɔ ˈnɩ ˈyukusɛ mö nzɩ wa ˈkɔ badizee, ˈsaa pɩɛnɔ ɔ ˈwʋ ˈnɩ?’
‘Sɛ n ˈkä ɔ ˈzʋ nzɩ n ˈkɔ kwänɩ ˈnɩ?’
(2) A nɩ bhibhe Zoova ɔ ˈkaɲɩ ˈmötɛɛnɔ ˈɲɛ, nzɩ ˈsaa ɔ ˈkää nʋʋ, a ˈcɩ ˗wawʋ ˈmö sasɛ yɔwʋ yɩlɩ.
5. ˗Mɔ a ˈcɩaa Biblë nɩ ˈyukusɛ möö, a nɩ ˈbhlena ɔ Biblë a ˈcɩɛcɩʋ.
(1) A ˈcɩ ˈylɩmö nɩɩ ˗mɔ a ˈcɩa Biblë mö ˈyukusɛ a dɔˈwʋʋ, a nɩ ˈyɩbhänɩ bhʋlʋbhlʋ aɲɩ kïbhï ˈlɛ ˈwʋ:
‘˗Mɔ ˗n ˈcɩa biblë zʋ ɔ ˈsaa ɔ cɩɛɛ ˈklʋkpamö ˗a?’
‘Ɔ mö ɔ ˈwluyɩbhäyɩbhʋ ˈwʋ ˗a? ˈN ˈsaa ɔ cɩɛɛ, ɔ ɲɛ ɔ yɩ wɛlɩɩ ˗mumuë ˗a?’
‘A ˗ɲɔ sɔ, a yɛ ˗kamä ˈtɛɲɩ a ˗bɛ ˈmö Biblë ˈcɩɛnɩ, ˗maa a ˗kɔɔ ˈwʋ yɩlɩ, ɔ yɩbhä ɔ ɔ ˈkä Zoova a Bhlɩnɩɲɔ ˈzʋ ˗a?’
(2) ˗Mɔ a ˈcɩaa Biblë nɩ ˈyɩbhä ɔ ˈkä ˈyukusɛ mö:
ˈSaa ˈkää gbä ɔ ˈnaa ˈkää ˈyukusɛ möö, a nɩ ˈyɩbhɔ nimï ɔ ˈcɩ dlɩ cɛ ˈpänɩ.
˗Yɩ kää ˈŋlɩ ˈn a yɩbhää a ˈkä ɔ Biblë a ˈcɩɛcɩʋ ˈnigba, a nɩ ˗sɛsɛnɔɲɩ ˈnɛgösɛ dlɩ gömö.
Ɔ ˗kä ˈyɩbhä nɩɩ a nɩ tɛɛnɩ ˈwʋ ˈsɔ ˈɔ Biblë a ˈcɩɛcɩʋ, sɛ ɔ ˈkää ˈzʋʋ, a nɩ ˈɲɔ yɩ wɛlɩɩ.
A NƖ YƖLƖˈƐ ˗MÄ GBƐLƖ ˈLƐ ˈMÖ
Ps. 141:5; Prov. 25:12; 27:6; 1 Kol. 9:26; Ko. 4:5, 6