ˈCƖƐCƖƐKÏBHË 11

Bhïla kuˈmösusɛ

Ghlɔɔmö 12:11

ˈSAA -N ˈKÄÄ NƲ: Bhïla kuˈmösusɛ -n ˈkä ˈyukwlipʋnɩwaa -mä ˈsunɩ nzɩ wa ˈkä -naˈa ˈdɩmözʋwɛlɩɩ -gänɩ.

ˈSaa -n ˈkää bhïla, -naˈbhë yɩ nɩ zɩ -naˈa dlɩ kɛ. -N -kä -naɲɩ ˈwlu gïganɩ dɔˈwʋ -wʋ, wɛlɩɩ -n ˈkää bhïla, sɛ yɩ kää dɛsɛ, mö -n nɩ ˈpä teɲii dlɩ ˈwʋ. ˈSaa -n ˈkää ˈcɩa, ˈnwi sasɛ ˈmö. -Lɛ a dɔˈwʋ, -mä -naˈa bhïlabhïlasaa ˈmö, -n ˈkä tula nɩɩ, ˈsaa -n ˈcɩa, -mä yɩ ˈbhöönɩɛ -na dlɩ zɛmö, ˈn -n ˈtɛɛnii dlɩ.
ˈPä ˈyukwlipʋnɩwaa a dɛ dlɩ. -N -kä ˈmö zɛlɩ dɔˈwʋ -wʋ, -n -käˈɛ ˈcɩa dɔˈwʋ -wʋ, -li a -lii yɩ ˈkʋa ˈwlu nʋ, ˈpäni dlɩ kɛ. Sɛɛ -n ˈkää bhïlaa, nzɩ wa ˈki ˈylɩmö nɩɩ, yɩ kä dɛsɛ, tɛlɩ -sɩbhä sɛ.
ˈSaa -n ˈcɩa nɩ ˈbhöönɩ -mä -na dlɩ zɛmö. Bhïla kuˈmösusɛ. -N -kä ˈkwädlɩ bhïla dɔˈwʋ -wʋ a sɛɛ -n zʋä, ˈzʋ -sɩbhä.

-N -kä bhïla dɔˈwʋ -wʋ, tɩ sɛ -bhlʋ -kpɔ ˈzʋ ˈyize. -N -kä -lu a gbʋ bhïla dɔˈwʋ -wʋ, sɛ -n yɛkaa, nɩkpa nɩ ˈnʋ -sɩbhä ˈmö. -N -kä ˈkïbhï a -mii kää dɛsɛ ˈcɩa, bhïla kuˈmösusɛ, -n ˈkäa ˈyukwlipʋnɩwaa -mä ˈsunɩ, nzɩ wa ˈkä -naˈa ˈcɩawɛlɩɩ -gänɩ. -N -kä kuˈmösusɛ bhïla, -tɩ teɲii -lɛ ˈwʋ ˈmɩɛ, yɩ tɩa ˈyukwlipʋnɩwaa yɔlɔa.