MGA SALMO

1 Malipayon ang tawo nga wala molakaw sa tambag sa mga daotan

Ug wala motindog sa dalan sa mga makasasala+

Ug wala molingkod sa lingkoranan sa mga mabiaybiayon.+

 2 Apan ang iyang kalipay anaa sa balaod ni Jehova,+

Ug ginabasa niya ang Iyang balaod sa hinayng tingog* adlaw ug gabii.+

 3 Siya mahisama sa kahoy nga gitanom sa daplin sa kasapaan,

Usa ka kahoy nga mobunga sa iyang panahon,

Ang mga dahon niini dili malaya.

 4 Dili ingon niana ang mga daotan;

Sama silag tahop nga ginapalid sa hangin.

 5 Mao nga ang mga daotan dili mapahigawas sa paghukom;+

Ug ang mga makasasala dili makaplagan sa taliwala sa mga matarong.+

 6 Kay si Jehova nahibalo sa dalan sa mga matarong,+

Apan ang dalan sa mga daotan mahanaw.+

2 Nganong dili mahimutang ang mga nasod

Ug ang katawhan nagbagutbot* ug walay pulos nga butang?+

 2 Ang mga hari sa yuta mibarog

Ug ang taas nga mga opisyal nagtigom*+

Batok kang Jehova ug batok sa iyang dinihogan.*+

 3 Sila nag-ingon: “Bugtoon nato ang ilang mga kadena

Ug ilabay ang ilang mga higot!”

 4 Ang Usa nga naentrono sa kalangitan magkatawa;

Biaybiayon sila ni Jehova.

 5 Nianang panahona siya mosulti kanila tungod sa iyang kasuko

Ug iyang lisangon sila tungod sa iyang nagsilaob nga kasuko,

 6 Nga mag-ingon: “Ako mismo ang nagpahimutang sa akong hari+

Ibabaw sa Zion,+ ang akong balaang bukid.”

 7 Imantala nako ang mando ni Jehova;

Siya miingon kanako: “Ikaw ang akong anak;+

Karong adlawa, ako nahimong imong amahan.+

 8 Pangayo kanako, ug ihatag nako ang mga nasod ingong imong panulondon

Ug ang tibuok yuta ingong imong gipanag-iya.+

 9 Dugmokon nimo sila pinaagig setro nga puthaw,+

Ug pulpogon nimo sila samag sudlanan nga kulonon.”+

10 Busa karon, kamong mga hari, pagpakitag lawom nga pagsabot;

Pagpatul-id mo,* kamong mga maghuhukom sa yuta.

11 Alagara si Jehova uban ang kahadlok,

Ug pagsadya mo uban ang kataha.

12 Pasidunggi* ninyo ang anak,+ aron dili masuko ang Diyos*

Ug mangahanaw mo sa dalan,+

Kay ang Iyang kasuko dali rang mosilaob.

 3 Apan ikaw, Oh Jehova, maoy usa ka taming nga naglibot kanako,+

Ang akong himaya+ ug ang Usa nga nag-isa sa akong ulo.+

 4 Tawgon nakog kusog si Jehova,

Ug siya motubag kanako gikan sa iyang balaang bukid.+ (Selah)

 5 Mohigda ko ug matulog;

Ug momata ko nga luwas,

Kay si Jehova padayong nagpaluyo kanako.+

 6 Dili ko mahadlok sa tinagpulo ka libo

Nga misulong batok kanako gikan sa tanang kiliran.+

Imong hampakon sa apapangig ang tanan nakong kaaway;

Imong pungagon ang mga ngipon sa mga daotan.+

 3 Hibaloi nga trataron ni Jehova sa espesyal nga paagi ang* maunongon kaniya;

Si Jehova magpatalinghog dihang motawag ko kaniya.

 5 Itanyag ang mga halad sa pagkamatarong,

Ug salig kang Jehova.+

 7 Imong gipuno ang akong kasingkasing ug hilabihang kalipay

Labaw pa kay niadtong dunay abundang ani sa lugas ug bag-ong bino.

 8 Mohigda ko ug matulog nga malinawon,+

Kay ikaw lamang, Oh Jehova, ang nagpapuyo kanako sa kasegurohan.+

5 Pamatia ang akong mga pulong, Oh Jehova;+

Tagda pag-ayo ang akong pagpanghupaw.

 2 Pamatia ang akong pagtuaw alang sa tabang,

Oh Hari ko ug Diyos ko, kay kanimo ako nag-ampo.

 3 Oh Jehova, sa buntag makadungog ka sa akong tingog;+

Sa buntag ipahayag nako kanimo ang akong kabalaka+ ug maghulat sa tubag.

 4 Kay ikaw Diyos nga dili malipay sa pagkadaotan;+

Walay daotan nga makapuyo uban kanimo.+

Gidumtan nimo ang tanang nagabuhat ug daotan;+

 6 Laglagon nimo kadtong nagasultig kabakakan.+

 7 Apan mosulod ko sa imong balay+ tungod sa imong dakong maunongong gugma;+

Moyukbo ko paatubang sa imong balaang templo* tungod sa lawom nga pagtahod ug kahadlok kanimo.+

 8 Oh Jehova, tultoli ko sa imong matarong nga mga dalan tungod sa akong mga kaaway;

Hawani ang imong dalan alang kanako.+

 9 Kay wala silay gisulti nga kasaligan;

Puno silag pagkadaotan;

Ang ilang tutonlan samag abli nga lubnganan;

Gigamit nila ang ilang dila sa pag-ulog-ulog.+

10 Apan ang Diyos magpahayag kanila nga sad-an;

Mapukan sila tungod mismo sa ilang mga plano.+

Hinaot nga abogon sila tungod sa ilang daghang kalapasan,

Kay mirebelde sila kanimo.

11 Apan ang tanang modangop kanimo magsadya;+

Sila kanunayng maghugyaw sa kalipay.

Imong babagan kadtong gustong modaot kanila,

Ug kadtong nahigugma sa imong ngalan magsadya.

12 Kay panalanginan nimo si bisan kinsa nga matarong, Oh Jehova;

Samag dakong taming, ang imong pag-uyon manalipod kanila.+

6 Oh Jehova, ayaw kog badlonga uban ang kasuko,

Ug ayaw kog tul-ira uban ang kapungot.+

 3 Oo, ako nahasol pag-ayo;+

Ug ako mangutana kanimo, Oh Jehova—hangtod kanus-a kini?+

 4 Balik, Oh Jehova, ug luwasa ko;+

Luwasa ko tungod sa imong maunongong gugma.+

 5 Kay ang mga patay dili maghisgot* kanimo;

Sa Lubnganan,* kinsay modayeg kanimo?+

 6 Naluya ko tungod sa akong pagpanghupaw;+

Sa tibuok gabii gihumod nako sa mga luha ang akong higdaanan;*

Nabahaan ang akong kama tungod sa akong paghilak.+

 7 Nangluyloy ang akong mata tungod sa grabeng kaguol;+

Mihalap* kini tungod sa tanang nagaatake kanako.

 8 Pahilayo kanako, kamong tanan nga nagabuhat ug pagkadaotan,

Kay si Jehova magpatalinghog sa tingog sa akong paghilak.+

 9 Si Jehova magpatalinghog sa akong hangyo alang sa pabor;+

Tubagon ni Jehova ang akong pag-ampo.

10 Ang tanan nakong kaaway maulawan ug mahigawad;

Sila kalit nga mangatras tungod sa kaulaw.+

 2 Kay kon dili, ila kong kuniskunison sama sa ginahimo sa leyon,+

Nga magsakmit kanako nga walay bisan kinsa nga moluwas kanako.

 3 Oh Jehova nga akong Diyos, kon nakahimo man kog sayop,

Kon nakahimo kog dili matarong,

 4 Kon gihimoan nakog daotan ang usa nga naghimog maayo kanako,+

O kon giagawan nako ang akong kaaway sa wala ray hinungdan,*

 5 Nan, tugoti nga gukdon ko ug maapsan sa kaaway;

Tugoti siya nga magyatakyatak kanako* sa yuta

Ug magpahinabo nga ang akong himaya mahanaw diha sa abog. (Selah)

 6 Tindog tungod sa imong kasuko, Oh Jehova;

Barog batok sa kasuko sa akong mga kaaway,+

Bangon ug tabangi ko, ug pagsugo nga ipatuman ang hustisya.+

 7 Tugoti nga ang mga nasod mag-alirong kanimo;

Ug ikaw molihok batok kanila gikan sa kahitas-an.

Hukmi ako, Oh Jehova, sumala sa akong pagkamatarong

Ug sumala sa akong integridad.+

Apan lig-ona ang dalan sa matarong,+

Sanglit ikaw ang matarong nga Diyos+ nga nagasusi sa mga kasingkasing+ ug kinailadmang mga pagbati.*+

11 Ang Diyos maoy matarong nga Maghuhukom,+

Ug ang Diyos kanunayng nagpakanaog ug mga paghukom* sa mga daotan.

12 Kon dunay dili maghinulsol,+ bairon Niya ang iyang espada;+

Bawogon Niya ang iyang busogan ug andamon kini.+

13 Andamon Niya ang iyang makamatay nga mga hinagiban;

Andamon Niya ang iyang nagdilaab nga mga udyong.+

14 Tan-awa ang usa nga nagmabdos ug pagkadaotan;

Siya nanamkon ug kasamok ug nanganak ug kabakakan.+

15 Siya nagkalot ug gahong ug gipalalom pa kini,

Apan siya mahulog sa mismong lungag nga iyang gihimo.+

16 Ang kasamok nga iyang gipahinabo mobalik batok kaniya;+

Ang iyang kapintas mobalik batok kaniya.

17 Dayegon nako si Jehova tungod sa iyang hustisya;+

Mag-awit kog mga pagdayeg* sa ngalan ni Jehova+ nga Labing Hataas.+

8 Oh Jehova nga among Ginoo, pagkahalangdon sa imong ngalan sa tibuok yuta;

Gipahimutang nimo ang imong himaya nga mas habog pa kay sa kalangitan!*+

 2 Pinaagi sa baba sa mga bata ug sa mga masuso+ gipakita nimo ang imong kusog

Tungod sa imong mga kaaway,

Aron pahilomon ang kaaway ug ang tigpanimalos.

 3 Dihang makita nako ang imong kalangitan, ang mga buhat sa imong mga tudlo,

Ang bulan ug ang mga bituon nga imong gipahimutang,+

 4 Unsa ba ang tawo nga ikaw naghunahuna man kaniya,

Ug ang anak sa tawo nga ikaw nag-atiman man kaniya?+

 5 Gihimo nimo siyang ubos ug diyutay sa mga anghel,*

Ug gikoronahan nimo siyag himaya ug kahalangdon.

 6 Gihatagan nimo siyag awtoridad ibabaw sa mga buhat sa imong mga kamot;+

Gibutang nimo ang tanan ilalom sa iyang mga tiil:

 7 Ang tanang karnero ug baka,

Ingon man ang ihalas nga mga mananap,*+

 8 Ang mga langgam sa kalangitan ug ang mga isda sa dagat,

Ang bisan unsa nga nagalangoy sa kadagatan.

9 Dayegon ka nako, Oh Jehova, sa tibuok nakong kasingkasing;

Ipahayag nako ang tanan nimong katingalahang buhat.+

 2 Magsadya ko ug maghugyaw tungod kanimo;

Mag-awit kog mga pagdayeg* sa imong ngalan, Oh Labing Hataas.+

 3 Dihang mangatras ang akong mga kaaway,+

Sila mangapukan ug mangalaglag sa imong atubangan.

 4 Kay imo kong gihatagag hustisya ug gilabanan;

Milingkod ka sa imong trono nga nagahukom sa pagkamatarong.+

 5 Gibadlong nimo ang mga nasod+ ug gilaglag ang daotan,

Ug gipapas nimo ang ilang ngalan hangtod sa kahangtoran.

 6 Ang kaaway bug-os nang nalaglag;

Imong giluka ang ilang mga siyudad,

Ug ang tanan nilang handomanan mahanaw.+

 7 Apan si Jehova naglingkod sa iyang trono hangtod sa hangtod;+

Lig-on niyang gitukod ang iyang trono alang sa hustisya.+

 8 Hukman niya ang gipuy-ang yuta* uban ang pagkamatarong;+

Siya magpakanaog ug matarong nga mga hukom alang sa kanasoran.+

 9 Si Jehova mahimong luwas nga dangpanan* alang sa mga dinaogdaog,+

Usa ka luwas nga dangpanan panahon sa kasakit.+

10 Kadtong nakaila sa imong ngalan mosalig kanimo;+

Dili gyod nimo biyaan kadtong nangita kanimo, Oh Jehova.+

11 Pag-awit ug mga pagdayeg kang Jehova, kinsa nagpuyo sa Zion;

Ipaila ang iyang mga buhat taliwala sa mga katawhan.+

12 Kay ang Usa nga manimalos alang sa ilang dugo mahinumdom kanila;+

Siya dili malimot sa pagtuaw sa mga sinakit.+

13 Pakitai kog kaluoy, Oh Jehova; tan-awa ang akong kasakitan tungod kanilang nagdumot kanako,

Ikaw nga nag-isa kanako gikan sa mga ganghaan* sa kamatayon,+

14 Aron ikapahayag nako ang imong dalayegong mga buhat diha sa mga ganghaan sa anak nga babaye sa Zion,+

Ug magsadya ko sa imong mga buhat sa pagluwas.+

15 Ang mga nasod nangahulog sa gahong nga ilang gihimo;

Ang ilang mga tiil nabitik sa pukot nga ilang gibutang ingong lit-ag.+

17 Ang mga daotan mopaingon sa Lubnganan,*

Ang tanang nasod nga nakalimot sa Diyos.

18 Apan ang kabos dili gayod kalimtan;+

Ug dili gayod mahanaw ang paglaom sa mga maaghop.*+

20 Ipahinabo nga mahadlok sila, Oh Jehova,+

Ipaila sa mga nasod nga sila mga tawo lamang. (Selah)

 2 Tungod sa pagkamapahitas-on, ginagukod sa daotan ang usa nga walay mahimo,+

Apan siya mabitik sa kaugalingon niyang mga plano.+

 3 Kay ginapanghambog sa daotan ang iyang hakog nga mga tinguha+

Ug ginadayeg ang dalo;*

נ [Nun]

 4 Tungod sa pagkamapahitas-on, ang daotan dili mag-usisa;

Ang iya lang gihunahuna mao: “Walay Diyos.”+

 5 Ang iyang mga dalan nagmauswagon,+

Apan dili niya masabtan ang imong mga hukom;+

Ginabiaybiay* niya ang tanan niyang kaaway.

 6 Siya nagaingon sa iyang kasingkasing: “Dili gyod ko matarog;*

Kay sa sunodsunod nga kaliwatan

Dili gyod ko makasinatig katalagman.”+

 7 Ang iyang baba punog pagtunglo, kabakakan, ug panghulga;+

Ang iyang dila nagasultig kasamok ug kadaot.+

 8 Siya motago ug mangatang duol sa kabaryohan;

Siya mogawas sa iyang tagoanan aron mopatay ug inosente.+

10 Ang biktima gidugmok ug napukan;

Ang mga makaluluoy mahulog sa iyang mga kamot.*

Kanimo modangop ang makaluluoy nga biktima;+

Ikaw ang magtatabang sa bata nga wala nay amahan.*+

15 Balia ang bukton sa tawong daotan,+

Aron dihang pangitaon nimo ang iyang pagkadaotan,

Dili na nimo kini makaplagan.

18 Hatagan nimog hustisya ang mga wala nay amahan ug ang mga dinaogdaog,+

Aron ang mga tawo sa yuta dili na makapahadlok kanila.+

 2 Tan-awa kon giunsa pagbawog sa mga daotan ang busogan;

Ipuntirya nila ang ilang udyong,

Aron panaon gikan sa kangitngit ang mga matinud-anog kasingkasing.

 3 Dihang lumpagon ang mga pundasyon,*

Unsay mahimo sa matarong?”

 5 Ginausisa ni Jehova ang matarong ug ang daotan;+

Ginadumtan niya* ang bisan kinsa nga nahigugma sa kapintasan.+

 6 Paulanan niyag mga bitik* ang mga daotan;

Kalayo ug asupre+ ug makapagbang hangin ang mahimong bahin sa ilang kopa.*

12 Luwasa ko, Oh Jehova, kay wala nay maunongon;

Ang mga matinumanon taliwala sa katawhan nahanaw na.

 2 Sila nagasultig kabakakan sa usag usa;

Sila nag-ulog-ulog pinaagi sa ilang ngabil ug nagsulti uban ang malimbongong kasingkasing.*+

 3 Putlon ni Jehova ang tanang maulog-ulogon nga ngabil

Ug ang dila nga nanghambog ug dagkong butang,+

 4 Kadtong nag-ingon: “Modaog mi pinaagi sa among dila.

Gamiton namo ang among ngabil sa pagsulti kon unsay gusto namong isulti;

Kinsa ang mahimo namong agalon?”+

 5 “Kay ang mga sinakit gidaogdaog,

Tungod sa pagpanghupaw sa mga kabos,+

Motindog ko aron mangilabot,” miingon si Jehova.

 6 Ang mga pulong ni Jehova lunsay;+

Sama kinig plata* nga gidalisay diha sa hudno nga yutang kulonon,* nga gilunsay sa makapito.

 7 Imo silang bantayan, Oh Jehova;+

Panalipdan nimo ang matag usa kanila gikan niining kaliwatana hangtod sa hangtod.

 8 Ang mga daotan nagalakawlakaw nga gawasnon

Kay gipasiugda sa mga anak sa mga tawo ang pagkadaotan.+

 2 Hangtod kanus-a ko mag-antos,

Ug magmagul-anon ang akong kasingkasing adlaw-adlaw?

Hatagig kahayag ang akong mga mata, aron dili ko mahikatulog sa kamatayon,

 4 Aron ang akong kaaway dili moingon: “Napildi nako siya!”

 5 Kon bahin kanako, nagasalig ko sa imong maunongong gugma;+

Ang akong kasingkasing magsadya sa imong mga buhat sa pagluwas.+

Daotan ang ilang binuhatan, ug dulumtanan ang ilang mga pakiglabot;

Walay nagbuhat ug maayo.+

 2 Apan gikan sa langit si Jehova nagsud-ong sa mga anak sa mga tawo

Sa pagsusi kon duna bay si bisan kinsa nga may lawom nga pagsabot, kon duna bay si bisan kinsa nga nangita kang Jehova.+

 3 Silang tanan mitipas;+

Silang tanan pulos daotan.

Walay nagbuhat ug maayo,

Walay bisan usa.

 5 Apan sila malisang pag-ayo,+

Kay si Jehova nag-uban sa kaliwatan sa mga matarong.

 6 Kamo nga mga mamumuhat ug daotan, gitinguha ninyong pakyason ang mga plano sa timawa,

Apan si Jehova ang iyang dangpanan.+

Dihang tigomon ug balik ni Jehova ang nabihag niyang katawhan,

Maglipay si Jacob, magsadya ang Israel.

 2 Ang usa nga nagkinabuhi nga walay ikasaway,*+

Nagabuhat kon unsay matarong+

Ug nagasulti sa kamatuoran diha sa iyang kasingkasing.+

 3 Wala siya magbutangbutang pinaagi sa iyang dila,+

Wala siya maghimog daotan sa iyang isigkatawo,+

Ug wala siya mangdaot* sa iyang mga higala.+

 4 Siya nagasalikway kang bisan kinsa nga talamayon,+

Apan siya nagapasidungog niadtong nahadlok kang Jehova.

 5 Siya wala magapahulam sa iyang salapi nga may tubo,+

Ug siya wala magadawat ug hiphip batok sa mga inosente.+

 3 Ug ang mga balaan sa yuta,

Ang mga halangdon, naghatag kanakog dakong kalipay.”+

Dili gyod ko makigbahin sa ilang pagtanyag ug mga halad nga ilimnon nga dugo,

Ug dili gyod litokon sa akong mga ngabil ang ilang mga ngalan.+

Anaa sa imong atubangan* ang tumang kalipay;+

Dunay kalipay sa imong tuong kamot hangtod sa hangtod.

17 Patalinghogi ang akong pagpakiluoy alang sa hustisya, Oh Jehova;

Paminawa ang akong pagtuaw alang sa tabang;

Pamatia ang akong tim-os nga pag-ampo.+

 2 Hinaot nga magpahamtang kag hustisya alang kanako;+

Hinaot nga makita sa imong mga mata kon unsay husto.

 3 Imong giusisa ang akong kasingkasing, imo kong gisusi panahon sa kagabhion;+

Imo kong gidalisay;+

Bisan sa ulahi, imong masayran nga wala ko magplanog daotan,

Ug ang akong baba wala makasala.

 4 Kon bahin sa kalihokan sa mga tawo,

Sumala sa mga pulong sa imong mga ngabil, ginalikayan nako ang mga dalan sa tulisan.+

 5 Tugoti kong mosubay sa imong mga alagianan

Aron dili mapandol ang akong mga tiil.+

 7 Ipakita ang imong maunongong gugma sa katingalahang paagi,+

Oh Manluluwas niadtong nagapangitag dangpanan diha sa imong tuong kamot

Gikan niadtong mga mirebelde kanimo.

 8 Panalipdi ko sama sa tawotawo sa imong mata;+

Tagoi ko sa landong sa imong mga pako.+

 9 Panalipdi ko gikan sa daotan nga nag-atake kanako,

Gikan sa akong mortal nga mga kaaway nga naglibot kanako.+

10 Gikubalan na ang ilang kasingkasing;*

Pinaagi sa ilang baba sila nagmapahitas-on;

11 Karon kami ilang gilibotan;+

Sila naghulat ug kahigayonan sa pagpukan kanamo.*

12 Siya samag leyon nga gusto na gyong mokuniskunis sa iyang tukbonon,

Samag batang leyon nga naghupo ug naghulat nga moatake.

13 Tindog, Oh Jehova, ug pakigharong kaniya+ ug pildiha siya;

Luwasa ko gikan sa daotan pinaagi sa imong espada;

14 Luwasa ko pinaagi sa imong kamot, Oh Jehova,

Gikan sa mga tawo niining kalibotana,* kansang tinguha kutob lang niining kinabuhia,+

Nga imong gibuhong sa imong maayong mga butang+

Ug nagbilin ug panulondon alang sa daghan nilang anak.

15 Apan kon bahin kanako, makita nako ang imong nawong kay ako matarong;

Malipay ko nga momata sa imong presensiya.*+

Ang akong Diyos mao ang akong bato,+ kaniya ako modangop,

Ang akong taming ug akong sungay* sa kaluwasan,* ang akong luwas nga dangpanan.*+

 3 Ako motawag kang Jehova, nga takos dayegon,

Ug ako pagaluwason gikan sa akong mga kaaway.+

 4 Ang mga higot sa kamatayon milikos kanako;+

Ang kusog nga mga pagbaha sa walay pulos nga mga tawo nakapalisang kanako.+

 5 Ang mga higot sa Lubnganan* naggapos kanako;

Ang kamatayon nagbutang ug lit-ag sa akong atubangan.+

 6 Sa akong kasakitan ako mitawag kang Jehova,

Sa akong Diyos ako nagpadayon sa pagtuaw alang sa tabang.

Gikan sa iyang templo iyang nadungog ang akong tingog,+

Ang akong pagtuaw kaniya alang sa tabang nakaabot sa iyang igdulungog.+

 7 Unya ang yuta natay-og ug nauyog;+

Ang mga pundasyon sa kabukiran mikurog

Ug nangatay-og kay dihay nakapasuko kaniya.+

 8 Ang aso miutbo gikan sa mga buho sa iyang ilong,

Ug ang nagaut-ot nga kalayo migula sa iyang baba;+

Ang nagsigang mga baga misilaob gikan kaniya.

 9 Ang kalangitan nabawog sa iyang pagkanaog,+

Ug ang kangitngit anaa sa ilalom sa iyang mga tiil.+

11 Unya gitagoan niya ang iyang kaugalingon diha sa kangitngit,+

Ang tibuok niyang palibot ingong puy-anan,

Naglugitom nga katubigan ug bagang kapanganoran.+

12 Gikan sa kasanag diha sa iyang atubangan

Ang ulan nga yelo ug ang nagsigang mga baga migula sa kapanganoran.

13 Unya sa kalangitan si Jehova nagpadalugdog;+

Gipadungog sa Labing Hataas ang iyang tingog+

Uban ang ulan nga yelo ug nagsigang mga baga.

14 Gipana niya ang iyang mga udyong ug nangatibulaag sila;+

Gipakanaog niya ang iyang kilat ug nagkaguliyang sila.+

15 Ang mga salog sa kasapaan* nakita;+

Ang mga pundasyon sa yuta nadayag tungod sa imong pagbadlong, Oh Jehova,

Tungod sa bulhot sa gininhawa gikan sa imong ilong.+

16 Mikawhat siya gikan sa kahitas-an;

Gikuptan ko niya ug gihaw-as gikan sa lalom nga katubigan.+

17 Iya kong giluwas gikan sa kusgan nakong kaaway,+

Gikan niadtong mga nagdumot kanako, nga mas kusgan kay kanako.+

18 Sila nakigharong kanako sa adlaw sa akong katalagman,+

Apan si Jehova nagpaluyo kanako.

19 Siya nagpagawas kanako ngadto sa luwas* nga dapit;

Giluwas ko niya kay siya may kalipay kanako.+

20 Si Jehova nagganti kanako sumala sa akong pagkamatarong;+

Siya nagabalos kanako kay inosente ko.*+

21 Kay nagsubay ko sa mga dalan ni Jehova,

Ug wala gyod ko mobiya sa akong Diyos, kay ang pagbuhat niini daotan.

22 Ang tanan niyang hukom ania sa akong atubangan;

Dili nako isalikway ang iyang mga lagda.

23 Ako magpabiling walay ikasaway diha sa iyang atubangan,+

Ug magpahilayo ko sa kasaypanan.+

24 Hinaot si Jehova magabalos kanako kay ako matarong,+

Kay inosente ko sa iyang atubangan.+

25 Sa maunongon ikaw magmaunongon;+

Sa tawong walay ikasaway ikaw makiglabot nga walay ikasaway;+

26 Sa usa nga putli imong ipakita nga ikaw putli,+

Apan sa usa nga baliko imong ipakita nga ikaw maalamon.+

27 Kay imong luwason ang mga timawa*+

Apan imong ipaubos ang mga mapahitas-on.*+

28 Kay ikaw ang nagdagkot sa akong lampara, Oh Jehova,

Ang akong Diyos nga nagdan-ag sa akong kangitngit.+

29 Pinaagi sa imong tabang ako makaasdang batok sa mga bandido;+

Pinaagi sa gahom sa Diyos ako makakatkat ug paril.+

30 Ang dalan sa matuod nga Diyos hingpit;+

Ang pulong ni Jehova dalisay.+

32 Ang matuod nga Diyos mao ang naghatag kanakog kusog,+

Ug himoon niyang hingpit ang akong dalan.+

33 Himoon niya ang akong mga tiil nga sama nianang sa osa;

Iya kong pabarogon sa tag-as nga dapit.+

34 Siya nagbansay sa akong mga kamot sa pagpakiggubat;

Ang akong mga bukton makabawog ug busogan nga tumbaga.*

35 Gihatag nimo kanako ang imong taming sa kaluwasan,+

Ang imong tuong kamot nagpaluyo* kanako,

Ug ang imong pagkamapainubsanon naghimo kanakong bantogan.+

36 Imong gipadak-an ang dalan alang sa akong mga lakang;

Ang akong mga tiil* dili madakin-as.+

37 Gukdon nako ang akong mga kaaway ug apson sila;

Dili ko mopauli hangtod nga mapuo sila.

38 Dugmokon nako sila aron dili na sila makabangon;+

Mangapukan sila sa ilalom sa akong mga tiil.

39 Hatagan ko nimog kusog alang sa pagpakiggubat;

Imong lup-ogon sa ilalom nako ang akong mga kaaway.+

40 Imong paatrason ang akong mga kaaway,*

Ug akong taposon* kadtong nagdumot kanako.+

41 Sila magpakiluoy alang sa tabang, apan walay moluwas kanila;

Sila motuaw bisan kang Jehova, apan siya dili motubag kanila.

42 Dugmokon nako sila nga sama ka pino sa abog sa hangin;

Ilabay nako sila samag lapok sa kadalanan.

44 Bisag balita lang ang ilang madunggan, mosunod na sila kanako;

Ang mga langyaw manganhi nga moyukbo uban ang kataha.+

45 Ang mga langyaw mawad-ag kaisog;*

Sila manganhi nga magpangurog gikan sa ilang mga kuta.

47 Ang matuod nga Diyos manimalos alang kanako;+

Iyang ipailalom kanako ang mga katawhan.

48 Siya nagluwas kanako gikan sa akong nasuko nga mga kaaway;

Ikaw nag-isa kanako ibabaw niadtong miasdang kanako;+

Ikaw nagluwas kanako gikan sa pintas nga tawo.

49 Mao nga ako magdayeg kanimo taliwala sa mga nasod, Oh Jehova,+

Ug sa imong ngalan ako mag-awit ug mga pagdayeg.*+

50 Siya nagahimog dagkong buhat sa kaluwasan* alang sa iyang hari;+

Siya nagapakitag maunongong gugma ngadto sa iyang dinihogan,*+

Kang David ug sa iyang kaliwat* hangtod sa hangtod.+

19 Ang kalangitan nagapahayag sa himaya sa Diyos;+

Ang kawanangan nagasaysay sa buhat sa iyang mga kamot.+

 2 Matag adlaw sila nagasulti,

Ug matag gabii sila nagapadayag ug kahibalo.

 3 Walay gisulti, ug walay mga pulong;

Walay madungog nga tingog gikan kanila.

 4 Apan ang ilang pagpamatuod* nakaabot sa tibuok yuta,

Ug ang ilang mensahe hangtod sa mga kinatumyan sa gipuy-ang yuta.*+

Sa kalangitan siya nagpatindog ug tolda alang sa adlaw;

 5 Sama kinig pamanhonon nga migula gikan sa iyang lawak;

Kini magsadya samag kusgang tawo nga nagdagan diha sa lumba.

 6 Kini mogula gikan sa usa ka tumoy sa kalangitan,

Ug molibot kini paingon sa pikas tumoy;+

Ug wala gayoy dili mainitan niini.

 8 Ang mga sugo ni Jehova matarong, nga makapalipay sa kasingkasing;+

Ang kasugoan ni Jehova hinlo, nga nagapadan-ag sa mga mata.+

10 Kini mas tilinguhaon pa kay sa bulawan,

Kay sa daghang dinalisay* nga bulawan;+

Ug mas tam-is pa kay sa dugos,+ dugos nga nagatulo gikan sa udlan.

11 Pinaagi niini ang imong alagad gipasidan-an;+

Sa pagtuman niini, adunay dakong ganti.+

13 Ug pugngi ang imong alagad sa paghimog mapangahasong mga buhat;+

Ayawg tugoting madaog ko niini.+

Sa ingon mabug-os ko,+

Ug mahimong inosente gikan sa seryosong mga sala.*

14 Hinaot nga ang mga pulong sa akong baba ug ang gipamalandong sa akong kasingkasing

Makapalipay kanimo,+ Oh Jehova, ang akong Bato+ ug akong Manunubos.+

 2 Hinaot padalhan ka niyag tabang gikan sa balaang dapit+

Ug palig-onon ka niya gikan sa Zion.+

 3 Hinaot hinumdoman niya ang tanan nimong halad nga gasa;

Hinaot dawaton niya nga may pag-uyon* ang imong halad nga sinunog. (Selah)

 4 Hinaot ihatag niya kanimo ang mga tinguha sa imong kasingkasing+

Ug palamposon ang tanan nimong plano.*

 5 Manghugyaw mi sa kalipay tungod sa imong mga buhat sa pagluwas;+

Iisa namo ang among mga bandila sa ngalan sa among Diyos.+

Iyang tubagon siya gikan sa iyang balaang kalangitan

Uban ang dagkong kadaogan* pinaagi sa iyang tuong kamot.+

 7 Ang pipila nagasalig sa mga karo ug ang uban sa mga kabayo,+

Apan kami nagatawag sa ngalan ni Jehova nga among Diyos.+

 8 Sila nangahugno ug nangapukan,

Apan kami nanindog ug napasig-uli.+

21 Oh Jehova, ang hari nagasadya tungod sa imong kusog;+

Siya nagasadya pag-ayo tungod sa imong mga buhat sa pagluwas!+

 2 Imong gihatag kaniya ang tinguha sa iyang kasingkasing,+

Ug wala nimo ihikaw ang hangyo sa iyang mga ngabil. (Selah)

 3 Kay gisugat nimo siya uban ang dagayang panalangin;

Gibutangan nimo ang iyang ulo ug korona nga dinalisayng* bulawan.+

 4 Nangayo siyag kinabuhi kanimo, ug imo kining gihatag kaniya,+

Ang taas nga kinabuhi,* hangtod sa kahangtoran.

 6 Gipahinabo nimo nga makadawat siyag panalangin hangtod sa hangtod;+

Gilipay nimo siya kay ikaw nag-uban kaniya.+

 7 Kay ang hari nagasalig kang Jehova;+

Tungod sa maunongong gugma sa Labing Hataas, siya dili matarog.*+

 8 Makaplagan sa imong kamot ang tanan nimong kaaway;

Makaplagan sa imong tuong kamot kadtong nagdumot kanimo.

10 Ang ilang mga anak* imong laglagon gikan sa yuta,

Ug ang ilang kaliwat imong laglagon gikan sa mga anak sa mga tawo.

11 Kay tumong nila nga mobuhat ug daotan kanimo;+

Ug nagplano silag mga butang nga dili molampos.+

12 Kay paatrason nimo sila+

Pinaagi sa pagpuntirya sa imong busogan* ngadto kanila.*

 2 Diyos ko, nagtawag ko kanunay sa maadlaw, ug wala ka motubag;+

Ug sa magabii wala ko maghilom.

 3 Apan ikaw balaan,+

Nga gilibotag* mga pagdayeg sa Israel.

 4 Misalig kanimo ang among mga amahan;+

Sila misalig, ug kanunay nimo silang giluwas.+

 5 Mituaw sila kanimo, ug sila naluwas;

Misalig sila kanimo, ug wala sila mapakyas.*+

 6 Apan ako usa ka ulod ug dili tawo,

Gibiaybiay* ug gitamay sa katawhan.+

 7 Giyagayagaan ko sa tanang nakakita kanako;+

Gilingolingo nila ang ilang ulo sa pagyubit:+

 9 Ikaw ang Usa nga nagpagula kanako gikan sa tagoangkan,+

Ang Usa nga nagpabati kanakong luwas diha sa mga suso sa akong inahan.

10 Sukad sa akong pagkatawo, gisalig na ko sa imong pag-atiman;*

Gikan sa tagoangkan sa akong inahan, ikaw na ang akong Diyos.

11 Ayawg pahilayo kanako, kay ang kasakitan anaa sa duol,+

Ug wala koy laing magtatabang.+

12 Naglibot kanako ang daghang toreyong baka;+

Nag-alirong kanako ang kusgan nga mga torong baka sa Basan.+

13 Gibuka nila pag-ayo ang ilang baba batok kanako,+

Samag nagangulob nga leyon nga nagkuniskunis sa iyang tinukob.+

14 Gibubo ko samag tubig;

Ang tanan nakong kabukogan nangalisa.

Ang akong kasingkasing nahisamag talo;*+

Kini natunaw sa akong kahiladman.+

15 Ang akong kusog nauga samag sudlanan nga kulonon;+

Ang akong dila mitapot sa akong mga lagos;+

Gibutang ko nimo sa gahong aron mamatay.+

16 Kay gilibotan ko ug mga iro;+

Gilikosan ko nila samag panon sa mga mamumuhat ug daotan,+

Samag leyon gipaak nila ang akong mga kamot ug tiil.+

18 Gibahinbahin nila ang akong mga besti,

Ug giripahan* nila ang akong sapot.+

20 Luwasa ko gikan sa espada,

Ang akong bililhong kinabuhi* gikan sa kuyamas* sa mga iro;+

21 Luwasa ko gikan sa baba sa leyon+ ug sa mga sungay sa ihalas nga mga torong baka;

Tubaga ko ug luwasa.

22 Ipahayag nako ang imong ngalan ngadto sa akong mga igsoon;+

Dayegon ka nako taliwala sa kongregasyon.+

24 Kay wala niya tamaya o dumti ang pag-antos sa dinaogdaog;+

Wala niya itago ang iyang nawong gikan kaniya.+

25 Dayegon ka nako diha sa dakong kongregasyon;+

Tumanon nako ang akong mga panaad sa atubangan niadtong nangahadlok kanimo.

26 Ang mga maaghop* mokaon ug matagbaw;+

Kadtong nangita kang Jehova modayeg kaniya.+

28 Kay ang pagkahari iya ni Jehova;+

Siya nagmando sa mga nasod.

29 Ang tanan nga nagmauswagon* sa yuta mokaon ug moyukbo;

Kadtong tanan nga mopaingon sa abog moluhod sa iyang atubangan;

Walay usa kanila ang makatipig sa ilang kinabuhi.

30 Ang ilang mga kaliwat* mag-alagad kaniya;

Ang kaliwatan nga moabot pagasultihan bahin kang Jehova.

 2 Gipahigda ko niya sa lunhaw nga mga sibsibanan;

Gitultolan ko niya ngadto sa mga pahulayanan nga abundag tubig.*+

 4 Bisan pag maglakaw ko sa ngiob kaayo nga walog,+

Dili ko mahadlok,+

Kay ikaw nag-uban kanako;+

Ang imong sungkod ug baston nagpasalig* kanako.

Gihisoan* nimo ug lana ang akong ulo;+

Ang akong kopa puno kaayo.+

 6 Ang imong pagkamaayo ug maunongong gugma mag-uban gayod kanako sa tanang adlaw sa akong kinabuhi,+

Ug magpuyo ko sa balay ni Jehova sa tibuok nakong kinabuhi.+

24 Iya ni Jehova ang yuta ug ang tanang anaa niini,+

Ang mabungahong yuta ug ang mga nagpuyo niini.

 2 Kay lig-on niya kining gipahimutang diha sa kadagatan+

Ug lig-on kining gitukod diha sa kasubaan.

 3 Kinsa ang makatungas sa bukid ni Jehova,+

Ug kinsa ang makabarog sa iyang balaang dapit?

 4 Siya nga wala magbuhat ug daotan ug may putli nga kasingkasing,+

Kinsa wala manumpa ug bakak pinaagi sa Akong kinabuhi,*

Ug wala manumpa nga malimbongon.+

 5 Siya makadawat ug mga panalangin gikan kang Jehova+

Ug pagkamatarong* gikan sa iyang Diyos sa kaluwasan.+

 6 Kini ang kaliwatan nga nangita kaniya,

Nga nagtinguha sa imong pag-uyon,* Oh Diyos ni Jacob. (Selah)

 7 Ipataas ang inyong ulo, kamong mga ganghaan;+

Abli, kamong karaang mga pultahan,

Aron makasulod ang mahimayaong Hari!+

Si Jehova nga kusgan ug gamhanan,+

Si Jehova nga gamhanang manggugubat.+

 9 Ipataas ang inyong ulo, kamong mga ganghaan;+

Abli, kamong karaang mga pultahan,

Aron makasulod ang mahimayaong Hari!

 2 Diyos ko, misalig ko kanimo;+

Ayawg itugot nga maulawan ko.+

 3 Wala gayoy naglaom kanimo nga maulawan,+

Apan kadtong mga maluibon sa wala lamay hinungdan maulawan.+

 4 Ipaila kanako ang imong mga dalan, Oh Jehova;+

Tudloi ko sa imong mga alagianan.+

 5 Palakwa ko diha sa imong kamatuoran ug tudloi ko,+

Kay ikaw ang akong Diyos sa kaluwasan.

 6 Hinumdomi ang imong kaluoy, Oh Jehova, ug ang imong maunongong gugma,+

Nga kanunay nimong gipakita.*+

Hinumdomi ko sumala sa imong maunongong gugma,+

Tungod sa imong pagkamaayo, Oh Jehova.+

 9 Giyahan niya ang mga maaghop* kon unsay husto,*+

Ug tudloan niya ang mga maaghop sa iyang dalan.+

10 Ang tanang alagianan ni Jehova nagpakita sa iyang maunongong gugma ug pagkakasaligan

Alang niadtong mga nagtuman sa iyang pakigsaad+ ug mga pahinumdom.+

11 Tungod sa imong ngalan, Oh Jehova,+

Pasayloa ko sa akong kasaypanan, bisan pag dako kini.

13 Matagamtam niya kon unsay maayo,+

Ug mapanag-iya sa iyang kaliwatan* ang yuta.+

14 Ang suod nga panaghigalaay uban kang Jehova mabatonan niadtong mga nahadlok kaniya,+

Ug iyang ipaila kanila ang iyang pakigsaad.+

15 Ang akong mga mata kanunayng nagtan-aw kang Jehova,+

Kay iyang ipahigawas ang akong mga tiil gikan sa pukot.+

16 Lingia ko ug pakitai kog kaluoy,

Kay nag-inusara ko ug walay mahimo.

17 Ang kasakitan sa akong kasingkasing midaghan;+

Haw-asa ko gikan sa akong kalisdanan.

18 Tan-awa ang akong kasakitan ug kalisdanan,+

Ug pasayloa ang tanan nakong sala.+

19 Tan-awa kon unsa ka daghan ang akong kaaway

Ug kon unsa ka pintas ang ilang pagdumot kanako.

21 Hinaot nga ang integridad ug pagkamatarong magpanalipod kanako,+

Kay naglaom ko kanimo.+

26 Hukmi ko, Oh Jehova, kay naglakaw ko sa akong integridad;+

Wala gyod ko mohunong sa pagsalig kang Jehova.+

 2 Susiha ko, Oh Jehova, ug sulayi ko;

Dalisaya ang akong kinasulorang mga hunahuna* ug ang akong kasingkasing.+

 3 Kay ang imong maunongong gugma kanunayng anaa sa akong atubangan,

Ug naglakaw ko sa imong kamatuoran.+

 4 Wala ko makig-uban* sa mga malimbongon,+

Ug gilikayan nako kadtong mga nagpakaaron-ingnon.*

 5 Gidumtan nako ang pagpakig-uban sa mga tawong daotan,+

Ug dili ko makig-uban* sa mga daotan.+

 6 Hunawan nako ang akong mga kamot aron ipakita nga inosente ko,

Ug molibot ko sa imong halaran, Oh Jehova,

 7 Aron madungog ang akong tingog sa pagpasalamat,+

Ug mapahayag ang tanan nimong katingalahang mga buhat.

 8 Oh Jehova, gihigugma nako ang balay nga imong gipuy-an,+

Ang dapit nga gipuy-an sa imong himaya.+

 9 Ayaw kog paphaa uban sa mga makasasala+

Ug ayawg kuhaa ang akong kinabuhi uban sa pintas nga mga tawo,*

10 Kansang mga kamot naghimog makauulaw nga paggawi,

Ug kansang tuong kamot punog hiphip.

12 Ang akong tiil nagtindog sa patag nga yuta;+

Dayegon nako si Jehova diha sa dakong kongregasyon.*+

 2 Dihang giatake ko sa mga daotan nga daw gusto ko nilang lamyon,+

Ang akong mga kontra ug mga kaaway mao ang nangapandol ug nangapukan.

 3 Bisan pag magkampo ang kasundalohan batok kanako,

Ang akong kasingkasing dili mahadlok.+

Bisan pag moulbo ang gubat batok kanako,

Magmasaligon gihapon ko.

 4 Usa ka butang ang akong gipangayo kang Jehova

—Kini ang akong gitinguha—

Nga makapuyo ko sa balay ni Jehova sa tanang adlaw sa akong kinabuhi,+

Aron sud-ongon ang pagkamaayo* ni Jehova

Ug tan-awon nga may pagpabili* ang iyang templo.*+

 5 Kay tagoan ko niya sa iyang silonganan sa adlaw sa katalagman;+

Tagoan ko niya sa natagong dapit sa iyang tolda;+

Ibutang ko niya sa ibabaw sa usa ka bato.+

 6 Karon nagmadaogon ko batok sa akong mga kaaway nga naglibot kanako;

Magtanyag kog mga halad diha sa iyang tolda uban ang hugyaw sa kalipay;

Mag-awit kog mga pagdayeg* kang Jehova.

 7 Patalinghogi ko, Oh Jehova, dihang motuaw ko;+

Pakitai kog kaluoy ug tubaga ko.+

Ikaw ang akong magtatabang;+

Ayaw kog pasagdi o biyai, akong Diyos sa kaluwasan.

10 Bisan pag biyaan ko sa akong amahan ug inahan,+

Si Jehova mismo magsagop kanako.+

11 Tudloi ko sa imong dalan, Oh Jehova,+

Tultoli ko sa alagianan sa pagkamatarong tungod sa akong mga kaaway.

12 Ayaw kog itugyan ngadto sa akong mga kaaway,+

Kay ang bakakong mga saksi nanindog batok kanako,+

Ug gihulga ko nila uban ang kapintasan.

13 Unsa na kahay nahitabo kanako kon wala pa koy pagtuo

Nga makita nako ang pagkamaayo ni Jehova samtang buhi pa ko?*+

14 Laom kang Jehova;+

Magmaisogon ug lig-ona ang imong kasingkasing.+

28 Padayon kong nagtawag kanimo, Oh Jehova nga akong Bato;+

Ayaw pagpakabungol kanako.

Kon magpakahilom lang ka kanako,

Mahisama ko niadtong nanganaog sa gahong.*+

 2 Patalinghogi ko dihang magpakiluoy ko nimo alang sa tabang

Dihang bayawon nako ang akong mga kamot paatubang sa kinasulorang lawak sa imong sangtuwaryo.+

 3 Ayaw kog siloti uban sa mga daotan, uban niadtong nagabuhat ug daotan,+

Niadtong nagasultig mga pulong sa pakigdait ngadto sa ilang isigkatawo samtang daotan ang anaa sa ilang kasingkasing.+

 4 Balosi sila sumala sa ilang binuhatan,+

Sumala sa ilang daotang mga buhat.

Balosi sila sumala sa buhat sa ilang mga kamot,

Sumala sa ilang nahimo.+

 5 Kay wala sila magtagad sa mga kalihokan ni Jehova,+

Ug sa buhat sa iyang mga kamot.+

 6 Madayeg unta si Jehova,

Kay iyang gipatalinghogan ang akong mga pakiluoy alang sa tabang.

 7 Si Jehova ang akong kusog+ ug taming;+

Kaniya nagasalig ang akong kasingkasing.+

Nakadawat ko sa iyang tabang, ug ang akong kasingkasing nagsadya,

Busa dayegon nako siya pinaagi sa akong awit.

 8 Si Jehova maoy kusog sa iyang katawhan;

Siya maoy salipdanan, nga nagdalag dakong kaluwasan sa iyang dinihogan.*+

29 Pasidunggi si Jehova, kamong mga anak sa mga gamhanan,

Pasidunggi si Jehova tungod sa iyang himaya ug kusog.+

 3 Ang tingog ni Jehova nadungog ibabaw sa katubigan;

Ang mahimayaong Diyos nagpadalugdog.+

 4 Ang tingog ni Jehova gamhanan;+

Ang tingog ni Jehova halangdon.

 5 Ang tingog ni Jehova nagabali sa mga sedro;

Oo, si Jehova magdugmok sa mga sedro sa Lebanon.+

 6 Paluksoluksohon niya ang Lebanon* samag nating baka,

Ug ang Sirion+ samag ihalas nga toreyong baka.

 7 Ang tingog ni Jehova mohapak uban ang mga siga sa kalayo;+

 8 Ang tingog ni Jehova makapatay-og sa kamingawan;+

Si Jehova makapatay-og sa kamingawan sa Kades.+

 9 Ang tingog ni Jehova makapakurog ug makapaanak sa osa

Ug makaupaw sa kalasangan.+

10 Si Jehova naentrono sa ibabaw sa nagbaha nga katubigan;*+

Si Jehova naentrono ingong Hari hangtod sa hangtod.+

30 Bayawon ka nako, Oh Jehova, kay gisakwat* ko nimo;

Wala nimo tugoti nga magsadya ang akong mga kaaway tungod sa akong kasakitan.+

 4 Pag-awit mog mga pagdayeg* kang Jehova, kamong mga maunongon kaniya,+

Pagpasalamat mo sa iyang balaang ngalan;*+

 5 Kay ang iyang kasuko sa usa maoy daklit lang,+

Apan ang iyang pag-uyon* maoy hangtod sa tibuok kinabuhi.+

 8 Oh Jehova, kanunay kong nagtawag kanimo;+

Ug kanunay kong nagpakiluoy kanimo, Oh Jehova, nga uyonan ko nimo.

11 Giilisan nimog pagsayaw ang akong pagbangotan;

Gihukas nimo ang akong sakong panapton, ug gisul-oban ko nimog pagsadya,

12 Aron ako* moawit ug pagdayeg kanimo ug dili magpakahilom.

Hinaot nga mahimo kang bukid nga salipdanan alang kanako,

Usa ka kuta sa pagluwas kanako.+

 3 Kay ikaw ang akong dakong bato ug akong salipdanan;+

Tungod sa imong ngalan,+ tultolan ko nimo ug giyahan.+

 4 Ipahigawas ko nimo sa pukot nga sekreto nilang gibutang alang kanako,+

Kay ikaw ang akong kuta.+

 6 Gidumtan nako kadtong mga nagsimba sa walay pulos, kawang nga mga idolo,

Apan ako nagasalig kang Jehova.

 7 Magsadya ko pag-ayo sa imong maunongong gugma,

Kay nakita nimo ang akong kasakitan;+

Nasayod ka sa akong grabeng kagul-anan.

 8 Wala ko nimo itugyan sa kaaway,

Apan gipatindog ko nimo sa luwas* nga dapit.

10 Ang akong kinabuhi punog kasub-anan+

Ug ang akong mga tuig punog pag-agulo.+

Ang akong kusog nagakawala tungod sa akong kasaypanan;

Ang akong mga bukog nagkagabok.+

11 Gitamay ko sa tanan nakong kaaway,+

Ilabina sa akong mga silingan.

Gikalisangan ko sa akong mga kaila;

Mopalayo sila kanako dihang makita ko nila.+

12 Giwala ko nila sa ilang kasingkasing* ug gikalimtan, nga daw patay na ko;

Nahisama kog buak nga banga.

13 Nakadungog kog daghang dili maayong hulungihong;

Dihay makapalisang sa akong palibot.+

Dihang sila magtigom batok kanako,

Sila magplano sa pagkuha sa akong kinabuhi.+

Hinaot maulawan ang mga daotan;+

Hinaot pahilomon sila sa Lubnganan.*+

18 Hinaot maamang ang bakakong mga ngabil,+

Ang mga ngabil nga nagsulting mapahitas-on ug may pagtamay batok sa matarong.

Imo kining gitipigan alang niadtong mga nahadlok kanimo,+

Ug imo kining gipakita sa tanang tawo, alang niadtong mga midangop kanimo.+

20 Imo silang tipigan sa imong natagong dapit+

Gikan sa mga plano sa mga tawo batok kanila;

Imo silang tagoan sa imong silonganan

Gikan sa mga pagpangdaot.*+

21 Madayeg unta si Jehova,

Kay sa katingalahang paagi, gipakita niya ang iyang maunongong gugma kanako+ dihang didto ko sa gilikosang siyudad.+

Panalipdan ni Jehova ang mga matinumanon,+

Apan pahamtangan niyag grabeng silot si bisan kinsa nga nagmapahitas-on.+

24 Magmaisogon, ug hinaot magmalig-on ang inyong kasingkasing,+

Kamong tanan nga naghulat kang Jehova.+

 2 Malipayon ang tawo nga wala hukming sad-an ni Jehova,+

Kansang espiritu walay panglimbong.

 5 Sa kataposan gisugid nako kanimo ang akong sala;

Wala nako taboni ang akong kasaypanan.+

 6 Tungod niini ang tanang maunongon moampo kanimo+

Samtang makaplagan pa ka.+

 7 Ikaw ang akong tagoanang dapit;

Panalipdan ko nimo gikan sa kasakitan.+

 9 Ayaw pagpakasama sa kabayo o mula, nga walay pagsabot,+

Kansang kaliksi kinahanglang busalan o rendahan

Una pa kini moduol kanimo.”

10 Daghan ang kasakit sa daotan;

Apan ang usa nga nagasalig kang Jehova gipalibotan sa Iyang maunongong gugma.+

11 Pagsadya diha kang Jehova ug paglipay, kamong mga matarong;

Panghugyaw mo sa kalipay, kamong tanan nga matinud-anog kasingkasing.

 2 Pagpasalamat mo kang Jehova uban ang alpa;

Pag-awit mo ug mga pagdayeg kaniya* uban sa instrumento nga may 10 ka kuwerdas.

 3 Pag-awit mo kaniyag usa ka bag-ong awit;+

Ayohag tugtog ang dekuwerdas nga instrumento, uban ang mga hugyaw sa kalipay.

 4 Kay ang pulong ni Jehova matarong,+

Ug ang tanan niyang ginabuhat kasaligan.

 6 Pinaagi sa pulong ni Jehova nabuhat ang kalangitan,+

Ug pinaagi sa espiritu* sa iyang baba nabuhat ang tanang butang nga anaa* niana.

 7 Ginatigom niya ang katubigan sa dagat nga samag dam;+

Ginabutang niya sa mga balay-tipiganan ang nagbul-og nga katubigan.

 9 Kay siya misulti, ug kini mitungha;+

Siya nagsugo, ug kini milungtad.+

10 Gipakyas ni Jehova ang mga laraw* sa mga nasod;+

Gipugngan niya ang mga plano* sa mga katawhan.+

11 Apan ang mga desisyon* ni Jehova molungtad hangtod sa hangtod;+

Ang mga tinguha sa iyang kasingkasing magpabilin sa sunodsunod nga kaliwatan.

12 Malipayon ang nasod kansang Diyos mao si Jehova,+

Ang katawhan nga iyang gipili ingong iyang katigayonan.+

13 Si Jehova nagtan-aw gikan sa kalangitan;

Nakita niya ang tanang anak sa mga tawo.+

14 Gikan sa iyang puy-anan,

Siya nagsud-ong sa mga molupyo sa yuta.

15 Siya ang nag-umol sa kasingkasing sa tanan;

Ginasusi niya ang tanan nilang binuhatan.+

16 Walay hari nga maluwas pinaagi sa daghang kasundalohan;+

Ang tawong gamhanan dili maluwas pinaagi sa iyang dakong gahom.+

17 Ang kabayo dili tinuod nga paglaom sa kaluwasan;*+

Ang dakong kusog niini dili makagarantiyag kaikyasan.

18 Tan-awa! Ang mata ni Jehova nagtan-aw niadtong mga nahadlok kaniya,+

Niadtong naghulat sa iyang maunongong gugma,

19 Sa pagluwas kanila gikan sa kamatayon

Ug sa pagtipig kanilang buhi panahon sa gutom.+

21 Ang among kasingkasing nagsadya kaniya,

Kay kami nagasalig sa iyang balaang ngalan.+

22 Hinaot ang imong maunongong gugma maanaa kanamo, Oh Jehova,+

Samtang kami padayong naghulat kanimo.+

34 Dayegon nako si Jehova sa tanang panahon;

Ang akong mga ngabil kanunayng magadayeg kaniya.

 2 Ipanghambog nako si Jehova;+

Ang mga maaghop* makadungog ug magsadya.

 3 Himayaa si Jehova uban kanako;+

Bayawon nato ang iyang ngalan.

 5 Ang mga nawong niadtong mitan-aw kaniya midan-ag;

Sila dili maulawan.

 7 Ang anghel ni Jehova nagkampo libot niadtong mga nahadlok Kaniya,+

Ug siya nagluwas kanila.+

 8 Tilawi ug tan-awa nga si Jehova maayo;+

Malipayon ang tawo nga modangop kaniya.

 9 Kahadloki si Jehova, kamo nga iyang mga balaan,

Kay walay makulang alang niadtong mga mahadlok kaniya.+

10 Bisan ang kusgan nga mga batang leyon* magutman,

Apan kadtong nagapangita kang Jehova dili makulangan ug maayong mga butang.+

11 Dali ngari, mga anak ko, pamati kanako;

Akong itudlo kaninyo ang pagkahadlok kang Jehova.+

12 Kinsa kaninyo ang gustong makabaton ug malipayong kinabuhi

Ug nagtinguha nga makasinatig daghang malipayong mga adlaw?+

13 Nan, bantayi ang imong dila gikan sa kon unsay daotan,+

Ang imong mga ngabil gikan sa pagsultig limbong.+

14 Pahilayo sa kon unsay daotan ug buhata ang maayo;+

Tinguhaa ang pakigdait ug hupti kini.+

15 Ang mga mata ni Jehova anaa sa mga matarong,+

Ug ang iyang mga dalunggan namati sa ilang pagtuaw alang sa tabang.+

16 Apan gisalikway ni Jehova ang mga nagabuhat ug daotan,

Aron dili na sila mahinumdoman sa yuta.+

17 Sila mituaw, ug gidungog sila ni Jehova;+

Iyang giluwas sila gikan sa tanan nilang kasakitan.+

18 Si Jehova duol niadtong mga dugmok ug kasingkasing;+

Iyang luwason kadtong mga naluya ang buot.*+

19 Daghan ang kalisdanan* sa matarong,+

Apan luwason siya ni Jehova gikan nianang tanan.+

20 Iyang ginapanalipdan ang tanan niyang bukog;

Walay usa niini ang nabali.+

21 Ang daotan mamatay sa katalagman;

Kadtong mga nagdumot sa pagkamatarong hukmang sad-an.

22 Ginatubos ni Jehova ang kinabuhi sa iyang mga alagad;

Walay usa niadtong modangop kaniya ang hukmang sad-an.+

35 Oh Jehova, labani ang akong kaso batok sa akong mga magsusupak;+

Pakig-away niadtong mga nakig-away kanako.+

 2 Kuhaa ang imong gamayng taming* ug dakong taming,+

Ug tindog sa pagdepensa kanako.+

 5 Hinaot mahisama sila sa tahop nga gipadpad sa hangin;

Hinaot abogon sila sa anghel ni Jehova.+

 6 Hinaot ang ilang alagianan mongitngit ug modanlog

Samtang gukdon sila sa anghel ni Jehova.

 7 Kay sa wala lamay hinungdan nagbutang silag pukot sa paglit-ag kanako;

Sa wala lamay hinungdan nagkalot silag gahong alang kanako.

 8 Hinaot kalit nga modangat kanila ang katalagman;

Hinaot masikop sila sa pukot nga ilang gibutang;

Hinaot mahulog sila niini ug malaglag.+

 9 Apan ako magsadya kang Jehova;

Magmalipayon ko sa iyang mga buhat sa pagluwas.

Giluwas nimo ang mga walay mahimo gikan niadtong mga kusgan,+

Ang mga walay mahimo ug kabos gikan niadtong mga nagtulis kanila.”+

11 Ang bakakong mga saksi nanindog,+

Nga nangutana kanako bahin sa mga butang nga wala nako mahibaloi.

12 Gibalosan nilag daotan ang akong kaayo,+

Nga tungod niana, nagbangotan ko.

13 Apan dihang nagsakit sila, nagsul-ob kog sakong panapton;

Gisakit nako ang akong kaugalingon pinaagi sa pagpuasa,

Ug dihang wala tubaga* ang akong pag-ampo,

14 Naglakawlakaw ko nga nagbangotan nga daw alang sa usa ka higala o sa akong igsoon;

Miyuko ko sa kasubo, sama sa usa nga nagbangotan alang sa iyang inahan.

15 Apan dihang napandol ko, sila nagsadya ug nagtigom;

Nagtigom sila aron kalit kong atakehon;

Gikuniskunis ko nila ug wala sila magpakahilom.

16 Gibiaybiay ko sa mga dili diyosnon,*

Gikagot nila ang ilang mga ngipon batok kanako.+

Luwasa ko gikan sa ilang mga pag-atake,+

Ang akong bililhong kinabuhi* gikan sa mga batang leyon.*+

18 Unya pasalamatan ka nako diha sa dakong kongregasyon;+

Dayegon ka nako taliwala sa daghang katawhan.

19 Ayawg itugot nga kadtong sa wala lamay hinungdan nahimo nakong mga kaaway magsadya batok kanako;

Ayawg itugot nga kadtong mga nagdumot kanako sa wala lamay hinungdan+ magtamay kanako.*+

20 Kay wala sila magsultig mga pulong sa pakigdait,

Hinuon, naghimo silag malimbongong plano batok sa mga makigdaiton sa yuta.+

21 Ginganga nila pag-ayo ang ilang baba sa pag-akusar kanako,

Sila nag-ingon: “Aha! Aha! Nakita namo kana.”

23 Bangon ug depensahi ko,

Akong Diyos nga Jehova, labani ko sa akong kaso.

24 Hukmi ko sumala sa imong pagkamatarong,+ Oh Jehova nga akong Diyos;

Ayawg itugot nga magsadya sila batok kanako.

26 Maulawan unta silang tanan,

Kadtong nagsadya tungod sa akong katalagman.

27 Apan pahugyawa sa kalipay kadtong nalipay sa akong pagkamatarong;

Hinaot kanunay silang moingon:

36 Ang kalapasan nagasulti diha sa kasingkasing sa daotan;

Wala siyay kahadlok sa Diyos.+

 2 Kay sa iyang kaugalingong mga mata, importante kaayo siya,

Nga dili na niya makita ang iyang sayop ug dumtan kini.+

 3 Ang mga pulong sa iyang baba makadaot ug malimbongon;

Wala siyay lawom nga pagsabot alang sa pagbuhat ug maayo.

Nagbarog siya sa alagianan nga dili maayo;

Wala niya isalikway ang daotan.

 5 Oh Jehova, ang imong maunongong gugma misangko sa kalangitan,+

Ang imong pagkakasaligan misangko sa kapanganoran.

 6 Ang imong pagkamatarong samag habog nga kabukiran;*+

Ang imong mga hukom samag lapad ug lawom nga katubigan.+

Sa landong sa imong mga pako, ang mga anak

sa mga tawo modangop.+

 8 Pangan-on nila ang dagayang pagkaon diha* sa imong balay hangtod nga matagbaw sila,+

Ug paimnon nimo sila sa suba sa imong pagkamaayo.+

 9 Ikaw ang tuboran sa kinabuhi;+

Pinaagi sa imong kahayag, kami makakitag kahayag.+

10 Padayong ipakita ang imong maunongong gugma ngadto sa mga nakaila kanimo,+

Ug ang imong pagkamatarong ngadto sa mga matul-id ug kasingkasing.+

11 Ayawg tugoting tumban ko sa tiil sa mapahitas-on

O abogon ko sa kamot sa daotan.

12 Didto, ang mga mamumuhat ug daotan nangapukan;

Sila gipanglup-og ug dili na makabangon.+

37 Ayawg kalagot* tungod sa mga daotan

Ug ayawg kasina sa mga mamumuhat ug daotan.+

 2 Sila mangalaya dayon samag sagbot+

Ug malawos samag lunhaw nga sagbot.

 3 Salig kang Jehova ug buhata kon unsay maayo;+

Puyo sa yuta, ug lihok nga matinumanon.+

 4 Pagbaton ug tumang kalipay diha kang Jehova,

Ug ihatag niya kanimo ang mga tinguha sa imong kasingkasing.

 5 Itugyan* kang Jehova ang imong dalan;+

Salig kaniya, ug siya molihok alang kanimo.+

 6 Ipadan-ag niya ang imong pagkamatarong sama sa banagbanag,

Ug ang imong hustisya sama sa adlaw sa udtong tutok.

 7 Pagpakahilom sa atubangan ni Jehova+

Ug paghulat nga mapailobon.*

Ayawg kalagot sa tawo

Nga nagmalamposon sa pagtuman sa iyang mga plano.+

 8 Isalikway ang kasuko ug biyai ang kapungot;+

Ayawg kalagot ug ayaw paghimog daotan.*

 9 Kay ang mga daotan pagalaglagon,+

Apan ang mga nagalaom kang Jehova manag-iya sa yuta.+

10 Sa dili na madugay, ang daotan mawala na;+

Pangitaon nimo sila sa ilang nahimutangan,

Apan wala sila didto.+

11 Apan ang mga maaghop* manag-iya sa yuta,+

Ug mabatonan nila ang tumang kalipay tungod sa dagayang pakigdait.+

12 Ang daotan nagaplano batok sa matarong;+

Ginapakagot niya ang iyang ngipon batok kaniya.

13 Apan kataw-an siya ni Jehova,

Kay nahibalo Siya nga moabot ang adlaw nga siya laglagon.+

14 Hulboton sa mga daotan ang ilang espada ug bawogon* ang ilang busogan

Aron pukanon ang dinaogdaog ug ang kabos,

Aron patyon kadtong mga tul-id ug dalan.

15 Apan ang ilang espada molagbas sa ila mismong kasingkasing;+

Ang ilang mga busogan mangabali.

16 Maayo pa ang diyutay sa matarong

Kay sa kadagaya sa daghang daotan.+

17 Kay ang mga bukton sa daotan mangabali,

Apan sapnayon ni Jehova ang matarong.

18 Si Jehova nahibalo sa nagakahitabo sa kinabuhi* sa mga walay ikasaway,

Ug ang ilang panulondon molungtad hangtod sa hangtod.+

19 Dili sila maulawan sa panahon sa katalagman;

Sa panahon sa gutom, mabuhong sila sa pagkaon.

20 Apan ang mga daotan mangalaglag;+

Ang mga kaaway ni Jehova mahanaw samag lunhaw nga mga sibsibanan;

Mahanaw sila samag aso.

21 Ang daotan mangutang ug dili mobayad,

Apan ang matarong mahinatagon* ug mabination.+

22 Kadtong mga gipanalanginan Niya manag-iya sa yuta,

Kadtong mga gitunglo Niya pagalaglagon.+

23 Giyahan* ni Jehova ang mga lakang sa usa ka tawo+

Dihang malipay Siya sa dalan niini.+

24 Bisan pag matumba siya, dili siya malup-og,+

Kay gunitan siya ni Jehova sa kamot.*+

25 Sukad sa akong pagkabatan-on hangtod karon nga tigulang na ko,

Wala ko makakitag matarong nga gibiyaan,+

Wala usab ko makakita nga ang iyang mga anak nagpakilimos ug tinapay.*+

26 Siya andam kanunay nga magpahulam,+

Ug ang iyang mga anak makadawat ug panalangin.

27 Isalikway ang daotan ug buhata kon unsay maayo,+

Ug magpabilin ka hangtod sa hangtod.

28 Kay si Jehova nahigugma sa hustisya,

Ug dili niya biyaan ang mga maunongon kaniya.+

Bantayan niya sila kanunay;+

Apan ang mga kaliwat sa daotan pagalaglagon.+

29 Ang mga matarong manag-iya sa yuta,+

Ug sila magpuyo niini hangtod sa hangtod.+

30 Ang baba sa matarong nagasulti uban ang kaalam,*

Ug ang iyang dila nagasulti bahin sa hustisya.+

31 Ang balaod sa iyang Diyos anaa sa iyang kasingkasing;+

Ang iyang paglakaw dili magsusapinday.+

32 Ginabantayan sa daotan ang matarong,

Nga nagtinguha sa pagpatay kaniya.

33 Apan dili siya itugyan ni Jehova ngadto sa iyang kamot+

O ipahayag nga sad-an dihang siya hukman.+

34 Laom kang Jehova ug subaya ang iyang dalan,

Ug bayawon ka niya aron mapanag-iya nimo ang yuta.

35 Nakita nako ang tawong pintas ug daotan

Nga nagmalamboon samag labong nga kahoy diha sa yuta diin kini mitubo.+

36 Apan siya kalit nga namatay ug nahanaw;+

Padayon nako siyang gipangita, ug dili siya makaplagan.+

37 Bantayi ang walay ikasaway,*

Ug tan-awa kanunay ang matarong,+

Kay ang kaugmaon nianang tawhana malinawon.+

38 Apan ang malapason laglagon;

Ang kaugmaon sa mga daotan kalaglagan.+

39 Gikan kang Jehova ang kaluwasan sa mga matarong;+

Siya ang ilang kuta panahon sa kasakitan.+

Luwason niya sila gikan sa daotan,

Kay sila midangop kaniya.+

38 Oh Jehova, ayaw kog badlonga uban ang kasuko,

Ug ayaw kog tul-ira uban ang dakong kasuko.+

 2 Kay ang imong mga udyong mitaop kanako,

Ug ang imong kamot nagduot kanako.+

 4 Kay ang akong kasaypanan milapaw sa akong ulo;+

Samag bug-at nga palas-anon, dili nako kini mapas-an.

 5 Ang akong mga samad nabaho ug nagnangnang

Tungod sa akong kabuang.

 6 Naguol ko pag-ayo ug nawad-ag paglaom;

Tibuok adlaw kong naglakawlakaw nga masulub-on.

 7 Daw may nagdilaab sa akong sulod;

Nagsakit ang akong tibuok lawas.+

 8 Naminhod ko ug nahugno pag-ayo;

Miagulo kog kusog* tungod sa kasakit sa akong kasingkasing.

 9 Oh Jehova, ang tanan nakong tinguha anaa sa imong atubangan,

Ug ang akong pagpanghupaw wala matago kanimo.

10 Ang akong dughan nagbutobuto, nawad-an kog kusog,

Ug naawop ang akong panan-aw.*+

11 Gilikayan ko sa akong mga higala ug kaubanan tungod sa akong kasakit,

Ug ang akong suod nga mga kaila nagpalayo kanako.

12 Kadtong nagtinguha sa pagpatay kanako nagbutang ug mga bitik;

Kadtong gustong modaot kanako nagsultig batok kanako,+

Tibuok adlaw silang nagplano sa paglimbong kanako.

13 Apan sama sa bungol, dili ko mamati;+

Sama sa amang, dili ko mosulti.+

14 Nahisama kog tawo nga dili makadungog,

Kansang baba dili makadepensa.

15 Kay naghulat ko kanimo, Oh Jehova,+

Ug ikaw mitubag kanako, Oh Jehova nga akong Diyos.+

16 Kay miingon ko: “Hinaot dili sila magsadya tungod sa akong kasakitan

O magbayaw sa ilang kaugalingon kon madakin-as ko.”

17 Kay hapit na kong matumba,

Ug walay hunong ang akong kasakit.+

18 Gisugid nako ang akong kasaypanan;+

Nahasol ko sa akong sala.+

19 Apan ang akong mga kaaway kusgan* ug gamhanan,*

Kadtong mga nagdumot kanako sa wala lamay hinungdan midaghan.

20 Gibalosan nilag daotan ang akong kaayo;

Mibatok sila kanako tungod sa akong pagbuhat ug maayo.

22 Tabangi dayon ko,

Oh Jehova, ang akong kaluwasan.+

39 Ako miingon: “Bantayan nako ang akong lakang

Aron dili ko makasala pinaagi sa akong dila.+

Busalan nako ang akong baba+

Samtang may tawong daotan sa akong atubangan.”

 2 Naamang ko ug naghilom;+

Nagpakahilom gihapon ko bisan bahin sa butang nga maayo,

 4 “Oh Jehova, pahibaloa ko kon unsa unyay akong kataposan,

Ug ang gidaghanon sa akong mga adlaw,+

Aron mahibalo ko kon unsa ka mubo ang akong kinabuhi.*

 5 Sa pagkatinuod, gihimo nimong diyutay* ang akong mga adlaw;+

Ang gitas-on sa akong kinabuhi daw wala ra sa imong atubangan.+

 9 Nagpabilin kong amang;

Dili nako mabuka ang akong baba,+

Kay ikaw ang nagpahinabo niining tanan.+

11 Tul-iron nimo ang tawo pinaagig silot alang sa iyang kasaypanan;+

Kutkoton nimo ang mga butang nga bililhon kaniya sama sa ginahimo sa insekto.

12 Dungga ang akong pag-ampo, Oh Jehova,

Pamatia ang akong pagtuaw alang sa tabang.+

Kay alang kanimo ako usa lamang ka langyawng residente,+

Usa ka magpapanaw nga molabay lang,* sama sa tanan nakong katigulangan.+

13 Ayaw kog tutoki uban ang kasuko, aron malipay ko pag-usab

Sa dili pa ko mamatay ug mahanaw.”

40 Naglaom gyod ko* kang Jehova,

Ug iyang gikiling kanako ang iyang igdulungog* ug gidungog ang akong pagtuaw alang sa tabang.+

 2 Gipagawas ko niya gikan sa gahong nga may nagdahunog nga tubig,

Gikan sa lawom nga huyonghuyong.

Ug gipahimutang niya ang akong mga tiil ibabaw sa dakong bato;

Gipalig-on niya ang akong gitindogan.

 3 Unya gibutang niya sa akong baba ang usa ka bag-ong awit,+

Awit sa pagdayeg sa atong Diyos.

Daghang motan-aw niini ang mahingangha

Ug sila mosalig kang Jehova.

 4 Malipayon ang tawo nga nagasalig kang Jehova

Ug wala moduyog sa mga masukihon o niadtong mga misubay sa kabakakan.*

 5 Pagkadaghan sa imong katingalahang mga buhat alang kanamo,

Oh Jehova nga akong Diyos,

Ug daghan ang imong gihunahuna alang kanamo.+

Wala gyoy ikatandi kanimo;+

Kon isulti nako kini ug isaysay,

Dili nako kini masugid sa kadaghan!+

 6 Wala ka magtinguhag* halad ug gasa,+

Apan gibuksan nimo ang akong mga igdulungog aron makadungog.+

 8 Kalipay* nako ang pagbuhat sa imong kabubut-on, Oh akong Diyos,+

Ug ang imong balaod anaa sa akong kahiladman.+

Tan-awa! Wala nako pugngi ang akong mga ngabil,+

Sumala sa imong nahibaloan pag-ayo, Oh Jehova.

Dili nako makita ang akong dalan kay nalumsan ko sa daghan kaayo nakong kasaypanan;+

Mas daghan pa kini kay sa mga buhok sa akong ulo,

Ug naluya ko pag-ayo.

14 Hinaot nga maulawan

Ang tanan nga nagtinguha sa pagpatay kanako.

Hinaot nga mangatras sa kaulaw

Kadtong nalipay sa akong katalagman.

16 Apan hinaot kadtong nagapangita kanimo+

Magsadya ug maglipay diha kanimo.+

17 Apan kabos ko ug walay mahimo;

Hinaot hatagan kog pagtagad ni Jehova.

Ikaw ang akong magtatabang ug manluluwas;+

Akong Diyos, ayaw paglangan.+

41 Malipayon si bisan kinsa nga mahunahunaon sa timawa;+

Luwason siya ni Jehova sa adlaw sa katalagman.

Siya ipahayag nga malipayon dinhi sa yuta;+

Dili gayod nimo siya itugyan sa* iyang mga kaaway.+

 3 Si Jehova magpalig-on kaniya sa iyang higdaanan dihang siya masakit;+

Panahon nga masakit siya, ilisan nimo sa bug-os ang iyang higdaanan.

Mangita siyag ikasulti nga makadaot kanako;

Unya siya mogula ug ipakaylap kini.

 7 Ang tanang nagdumot kanako maghunghongay;

Nagplano silag daotan batok kanako:

 8 “Dihay katalagman nga midangat kaniya;

Karon nga natumba siya, dili na siya mobangon pag-usab.”+

 9 Bisag ang tawo nga may pakigdait kanako, nga akong gisaligan,+

Kinsa mikaon sa akong tinapay, nahimong akong kaaway.*+

10 Apan pakitai kog kaluoy, Oh Jehova, ug bangona ko,

Aron mabaslan nako sila.

12 Kon bahin kanako, imo kong gipaluyohan tungod sa akong integridad;+

Imo kong ipahimutang sa imong atubangan hangtod sa hangtod.+

13 Madayeg unta si Jehova, ang Diyos sa Israel,

Hangtod sa hangtod.+

42 Sama sa osa nga nangandoy sa tubig sa kasapaan,

Nangandoy usab ko kanimo, Oh Diyos.

 3 Ang akong mga luha maoy akong pagkaon sa adlaw ug gabii;

Tibuok adlaw kong gibiaybiay sa mga tawo: “Asa man ang imong Diyos?”+

 4 Nahinumdoman nako kining mga butanga, ug gibubo nako ang akong kalag,*

Kay kaniadto naglakaw ko uban sa daghang tawo;

Solemne* kong naglakaw kaniadto nga nag-una kanila ngadto sa balay sa Diyos,

Uban ang tingog sa pagsadya ug pagpasalamat,

Niadtong panon nga nagsaulog ug pista.+

Paghulat sa Diyos,+

Kay padayon nako siyang dayegon ingong akong Dakong Manluluwas.+

Mao nga nahinumdom ko kanimo,+

Gikan sa yuta sa Jordan ug sa mga tayuktok sa Hermon,

Gikan sa Bukid sa Mizar.*

 7 Ang lawom nga katubigan nagtawag sa lawom nga katubigan

Sa dinaguok sa imong mga busay.

 8 Sa maadlaw, pakitaan ko ni Jehova sa iyang maunongong gugma,

Ug sa magabii, ang iyang awit magauban kanako—usa ka pag-ampo ngadto sa Diyos sa akong kinabuhi.+

10 Gibiaybiay ko sa akong mga kaaway uban ang grabeng pagsupak;*

Tibuok adlaw ko nilang gibiaybiay: “Asa man ang imong Diyos?”+

Paghulat sa Diyos,+

Kay padayon nako siyang dayegon ingong akong Dakong Manluluwas ug akong Diyos.+

43 Hukmi ko, Oh Diyos,+

Labani ang akong kaso+ batok sa nasod nga dili maunongon.

Hinaot tultolan ko niini;+

Hinaot giyahan ko niini ngadto sa imong balaang bukid ug sa imong dakong tabernakulo.+

 4 Unya moadto ko sa halaran sa Diyos,+

Sa Diyos nga tuboran sa akong tumang kalipay.

Paghulat sa Diyos,+

Kay padayon nako siyang dayegon ingong akong Dakong Manluluwas ug akong Diyos.+

44 Oh Diyos, nadungog mismo sa among mga igdulungog,

Gisaysay kanamo sa among mga katigulangan,+

Ang mga buhat nga imong nalampos sa ilang mga adlaw,

Sa mga adlaw nga dugay na kanhi.

 2 Pinaagi sa imong kamot giabog nimo ang mga nasod+

Ug gipapuyo nimo didto ang among mga katigulangan.+

 3 Dili pinaagi sa ilang espada nga napanag-iya nila ang yuta,+

Ug dili pinaagi sa ilang bukton nga sila nagmadaogon.+

Kondili pinaagi kini sa imong tuong kamot ug sa imong bukton+ ug sa kahayag sa imong nawong,

Kay ikaw may kalipay kanila.+

 4 Ikaw ang akong Hari, Oh Diyos;+

Imando* ang bug-os nga kadaogan* alang kang Jacob.

 5 Pinaagi sa imong gahom paatrason namo ang among mga kaaway;+

Sa imong ngalan yatakyatakan namo kadtong mga mobatok kanamo.+

 6 Kay wala ko mosalig sa akong pana,

Ug ang akong espada dili makaluwas kanako.+

 7 Ikaw ang nagluwas kanamo gikan sa among mga kaaway,+

Gipakaulawan nimo kadtong mga nagdumot kanamo.

 8 Oh Diyos, tibuok adlaw ka namong dayegon,

Ug pasalamatan namo ang imong ngalan hangtod sa hangtod. (Selah)

 9 Apan karon gisalikway mi nimo ug gipakaulawan,

Ug wala ka mouban sa among kasundalohan.

10 Kanunay mi nimong gipaatras gikan sa among kaaway;+

Gikuha sa mga nagdumot kanamo ang bisan unsa nga ilang gusto.

11 Gitugyan mi nimo aron tukbon samag mga karnero;

Gipatibulaag mi nimo ngadto sa kanasoran.+

12 Gibaligya nimo ang imong katawhan sa ubos kaayo nga kantidad;+

Wala ka nagpaganansiya sa imong pagbaligya.

13 Gipahinabo nimo nga pakaulawan mi sa among mga silingan

Ug biaybiayon ug yagayagaan sa tanang anaa sa among palibot.

14 Gihimo mi nimong talamayon* taliwala sa mga nasod,+

Ug ang mga tawo maglingolingo sa pagyubit kanamo.

15 Tibuok adlaw kong mibatig kaulaw,

Ug wala na koy nawong nga ikaatubang,

16 Tungod sa ilang mga pagbiaybiay ug pagpanginsulto,

Tungod sa among kaaway nga nagapanimalos.

17 Kining tanan midangat kanamo, apan wala ka namo kalimti,

Ug wala namo lapasa ang imong pakigsaad.+

18 Ang among kasingkasing wala motalikod kanimo;

Ang among mga lakang wala motipas gikan sa imong alagianan.

19 Apan gidugmok mi nimo diha sa gipuy-an sa mga irong ihalas;

Ug gitabonan mi nimog tumang kangitngit.

20 Kon nakalimtan namo ang ngalan sa among Diyos

O kon gibayaw namo ang among mga kamot aron moampo sa langyawng diyos,

21 Dili ba kini mahibaloan sa Diyos?

22 Tungod kanimo ginapatay mi adlaw-adlaw;

Giisip mi ingong mga karnero nga ihawonon.+

25 Kay kami gilup-og diha sa abog;

Ang among lawas giduot diha sa yuta.+

 3 Itakin ang imong espada+ sa imong kilid, Oh usa nga gamhanan,+

Uban ang imong dignidad ug kahalangdon.+

 4 Ug sa imong kahalangdon magmadaogon* ka;+

Sakay sa kawsa sa kamatuoran ug sa pagkamapainubsanon ug sa pagkamatarong,+

Ug ang imong tuong kamot magpalampos* ug makapahinganghang mga butang.

 5 Hait ang imong mga udyong, nga magpukan sa mga tawo sa imong atubangan;+

Kini motaop sa kasingkasing sa mga kaaway sa hari.+

 6 Ang Diyos maoy imong trono hangtod sa kahangtoran;+

Ang setro sa imong gingharian maoy setro sa pagkamatarong.*+

 8 Ang imong mga besti gipahumotag mira ug aloe ug casia;

Gikan sa dakong palasyo nga garing,* ang dekuwerdas nga mga instrumento nakapalipay kanimo.

10 Pamati, Oh anak nga babaye, paghatag ug pagtagad ug ikiling ang imong igdulungog;

Kalimti ang imong katawhan ug ang panimalay sa imong amahan.

11 Ug ang hari mangandoy sa imong kaanyag,

Kay siya ang imong ginoo,

Busa yukboi siya.

12 Ang anak nga babaye sa Tiro moabot nga may dalang gasa;

Ang kinadatoan sa katawhan magtinguha sa imong pag-uyon.*

13 Sulod sa palasyo,* ang anak nga babaye sa hari tahom kaayong tan-awon;

Ang iyang besti gidayandayanan* ug bulawan.

15 Dalhon sila uban ang pagsadya ug paglipay;

Mosulod sila sa palasyo sa hari.

16 Ang imong mga anak mopuli sa imong mga katigulangan,

Itudlo nimo sila ingong mga prinsipe sa tibuok yuta.+

46 Ang Diyos mao ang atong kusog ug dangpanan,+

Usa ka tabang nga daling makaplagan panahon sa kasakitan.+

 2 Mao nga dili kita mahadlok, bisan pag ang yuta makasinatig kausaban,

Bisan pag ang kabukiran mahugno ug maunlod sa kinailadman sa dagat,+

 3 Bisan pag ang katubigan niini modaguok ug mobula,+

Bisan pag ang kabukiran mauyog tungod sa pagdahunog niini. (Selah)

 4 Dunay suba nga ang mga sanga niini makapalipay sa siyudad sa Diyos,+

Ang balaan nga dakong tabernakulo sa Labing Hataas.

 6 Ang mga nasod nagkaguliyang, ang mga gingharian nangapukan;

Gipalanog niya ang iyang tingog, ug ang yuta natunaw.+

 7 Si Jehova sa mga panon nagauban kanato;+

Ang Diyos ni Jacob maoy atong luwas nga dangpanan.* (Selah)

 8 Dali ug tan-awa ang mga kalihokan ni Jehova,

Kon giunsa niya paghimo ang makapahingangha nga mga butang sa yuta.

Gibali niya ang pana ug giputolputol ang bangkaw;

Gisunog niya ang mga karomata nga panggubat.*

Pagabayawon ko taliwala sa kanasoran;+

Pagabayawon ko diha sa yuta.”+

11 Si Jehova sa mga panon nagauban kanato;+

Ang Diyos ni Jacob maoy atong luwas nga dangpanan.+ (Selah)

 2 Kay si Jehova nga Labing Hataas maoy kahibulongan;+

Siya ang bantogang Hari sa tibuok yuta.+

 3 Gipasakop niya kanato ang mga katawhan;

Gibutang niya ang kanasoran sa ilalom sa atong mga tiil.+

 4 Gipili niya alang kanato ang atong panulondon,+

Ang garbo ni Jacob, nga iyang gihigugma.+ (Selah)

 5 Misaka ang Diyos samtang ang katawhan malipayong naninggit;

Misaka si Jehova samtang ang katawhan naghuyop sa budyong.*

 7 Kay ang Diyos maoy Hari sa tibuok yuta;+

Pag-awit mog mga pagdayeg ug pagpakitag lawom nga pagsabot.

 9 Ang mga pangulo sa mga katawhan nagtigom

Uban sa katawhan sa Diyos ni Abraham.

48 Si Jehova bantogan ug takos gayong dayegon

Diha sa siyudad sa atong Diyos, diha sa iyang balaang bukid.

 2 Matahom tungod sa gihabogon niini, ang kasadya sa tibuok yuta,+

Ang Bukid sa Zion sa layong bahin sa amihanan,

Ang siyudad sa Halangdong Hari.+

 3 Sa lig-ong mga torre niini,

Gipaila sa Diyos nga siya maoy luwas nga dangpanan.*+

 4 Kay tan-awa! ang mga hari nagtigom;*

Dungan silang midasdas.

 6 Nangurog sila pag-ayo didto,

Ang ilang kasakit sama nianang sa usa ka babayeng nanganak.

 8 Nakita namo mismo karon kon unsay among nadungog

Sa siyudad ni Jehova sa mga panon, sa siyudad sa among Diyos.

 9 Gipamalandong namo ang imong maunongong gugma, Oh Diyos,+

Sa sulod sa imong templo.

10 Sama sa imong ngalan, Oh Diyos, ang imong kadayeganan

Makaabot sa mga kinatumyan sa yuta.+

11 Hinaot magsadya ang Bukid sa Zion,+

Hinaot magmalipayon ang mga lungsod* sa Juda, tungod sa imong mga hukom.+

12 Pagmartsa mo libot sa Zion; libota ninyo kini;

Ipha ang mga torre niini.+

Susiha ang lig-ong mga torre niini,

Aron ikasugilon ninyo kini sa umaabot nga mga kaliwatan.

Tagda kini, kamong tanang molupyo sa kalibotan,*

 2 Ubos man o gamhanang mga tawo,*

Dato man o kabos.

 3 Ang akong baba magasultig maalamong mga pulong,

Ug ang gipamalandong sa akong kasingkasing+ magpakitag pagsabot.

 4 Hatagan nakog pagtagad ang usa ka panultihon;

Ipatin-aw nako ang akong tigmo samtang nagtugtog ug alpa.

 5 Nganong mahadlok man ko panahon sa kasamok,+

Dihang libotan ko sa daotang binuhatan* sa mga gustong mopukan kanako?

 6 Kadtong mga nagasalig sa ilang kabtangan+

Ug nagapanghambog sa ilang daghang bahandi,+

 7 Wala gayoy usa kanila ang makatubos ug usa ka igsoon

O makahatag sa Diyos ug lukat alang kaniya,+

 8 (Ang lukat* sa ilang kinabuhi mahal kaayo

Nga dili nila kini mabayran);

 9 Aron siya mabuhi hangtod sa hangtod ug dili makakita sa lubnganan.*+

10 Makita niya nga bisan ang mga maalamon mamatay;

Ang hungog ug ang dili makataronganon mangahanaw,+

Ug ibilin nila sa uban ang ilang bahandi.+

11 Sila nangandoy nga ang ilang mga balay magpabilin hangtod sa hangtod,

Ang ilang mga tolda hangtod sa sunodsunod nga kaliwatan.

12 Apan ang tawo, bisan pag pinasidunggan, dili magpabilin;+

Wala siyay kalainan sa mga mananap; kini mamatay.+

13 Kini ang dalan sa mga hungog,+

Ug sa mga nagasunod kanila, nga giganahan sa ilang walay pulos nga mga pulong. (Selah)

Kamatayon ang magbantay kanila;

Ang mga matarong ang magmando kanila+ sa kabuntagon.

Wala gayoy mahibilin kanila;+

Ang Lubnganan*+ imbes palasyo ang mahimo nilang puloy-anan.+

15 Apan tubson ko sa Diyos gikan sa gahom* sa Lubnganan,*+

Kay agakon ko niya. (Selah)

16 Ayawg kahadlok kon madato ang usa ka tawo,

Kon modaghan ang mga kabtangan sa iyang balay,

17 Kay dihang mamatay siya, wala siyay madala;+

Dili mouban kaniya ang iyang mga bahandi.+

20 Ang tawo nga dili makasabot niini, bisan pag pinasidunggan,+

Walay kalainan sa mga mananap; kini mamatay.

50 Ang Diyos sa mga diyos, si Jehova,*+ misulti;

Iyang gitawag ang yuta

Gikan sa sidlakan hangtod sa kasadpan.*

Sa iyang atubangan dunay nagalamoy nga kalayo,+

Ug sa iyang palibot dunay kusog kaayong bagyo.+

 4 Ginatawag niya ang kalangitan ug ang yuta,+

Sa paghukom sa iyang katawhan:+

 5 “Tigoma ngari kanako ang mga maunongon kanako,

Kadtong nagahimog pakigsaad uban kanako pinaagi sa halad.”+

 6 Ang kalangitan nagapahayag sa iyang pagkamatarong,

Kay ang Diyos mismo Maghuhukom.+ (Selah)

 7 “Pamati, Oh akong katawhan, ug mosulti ko;

Oh Israel, ako magpamatuod batok kanimo.+

 8 Wala ka nako badlonga tungod sa imong mga halad,

O tungod sa imong mga tibuok halad nga sinunog nga anaa kanunay sa akong atubangan.+

 9 Dili ko kinahanglang magkuhag torong baka gikan sa imong uma,

O mga kanding* gikan sa imong mga toril.+

10 Kay akoa ang tanang ihalas nga hayop sa lasang,+

Bisan ang mga mananap nga anaa sa tanang kabukiran.

11 Nailhan nako pag-ayo ang matag langgam sa kabukiran;+

Ug akoa ang dili maihap nga mga mananap sa kapatagan.

12 Kon gutomon ko, dili ko mosulti nimo;

Kay akoa ang mabungahong yuta ug ang tanang anaa niini.+

13 Kaonon ba nako ang unod sa mga torong baka

Ug imnon ang dugo sa mga kanding?+

14 Pagtanyag ug pasalamat ingong imong halad ngadto sa Diyos,+

Ug tumana ang imong mga panaad sa Labing Hataas;+

15 Tawga ko panahon sa kasakitan.+

“Unsay imong katungod sa pagsaysay sa akong mga regulasyon+

O sa paghisgot bahin sa akong pakigsaad?+

17 Kay imong gidumtan ang disiplina,*

Ug kanunay nimong gisalikway* ang akong mga pulong.+

18 Dihang makakita kag kawatan, uyonan nimo siya,*+

Ug kanunay kang nakig-uban sa mga mananapaw.

19 Gigamit nimo ang imong baba sa pagpakaylap ug daotan

Ug ang imong dila sa pagpanglimbong.+

20 Milingkod ka ug misulti batok sa imong kaugalingong igsoon;+

Gipanulti nimo ang mga sayop sa* imong kaugalingong igsoon.

21 Dihang gibuhat nimo kining mga butanga, nagpakahilom lang ko,

Maong nagtuo ka nga mahisama ko nimo.

Apan karon badlongon ka nako,

Ug akong ipakita kanimo ang imong mga sayop.+

22 Palihog hunahunaa kini, kamong nakalimot sa Diyos,+

Aron dili mo nako kuniskunison nga walay bisan kinsa nga makaluwas kaninyo.

23 Ang nagatanyag ug pasalamat ingong iyang halad nagahimaya kanako,+

Ug kon bahin sa nagasubay sa matarong nga dalan,

Luwason nako siya.”+

 2 Hugasi ko pag-ayo gikan sa akong kasaypanan,+

Ug hinloi ko gikan sa akong sala.+

 3 Kay nahibalo ko pag-ayo sa akong mga kalapasan,

Ug ang akong sala kanunayng anaa sa akong atubangan.*+

 4 Batok kanimo, labaw sa tanan,* ako nakasala;+

Nakabuhat kog daotan sa imong panan-aw.+

Busa matarong ka dihang ikaw mosulti,

Ug husto ang imong paghukom.+

 5 Ania! Natawo ko nga may kasaypanan,

Ug gipanamkon ko sa akong inahan sa sala.*+

 6 Tan-awa! Malipay ka sa pagkamatinud-anon sa kasingkasing;+

Tudloi ang akong kasingkasing sa tinuod nga kaalam.

 7 Lunsaya ko sa akong sala pinaagi sa tanom nga hisopo, aron mahinlo ko;+

Hugasi ko, aron mas moputi ko kay sa niyebe.+

 8 Padungga ko sa mga hugyaw sa kalipay ug kasadya,

Aron malipay ang mga bukog nga imong gidugmok.+

 9 Pasayloa ang* akong mga sala,+

Ug paphaa* ang tanan nakong kasaypanan.+

10 Putlia ang akong kasingkasing, Oh Diyos,+

Ug hatagi kog espiritu nga bag-o+ ug lig-on.

11 Ayaw kog isalikway sa imong atubangan;

Ug ayawg kuhaa ang imong balaang espiritu kanako.

12 Ibalik kanako ang kalipay nga akong gibati dihang giluwas ko nimo;+

Pukawa ang akong tinguha nga motuman kanimo.*

13 Itudlo nako sa mga malapason ang imong mga dalan,+

Aron mobalik kanimo ang mga makasasala.

14 Luwasa ko sa pagkasad-an sa dugo,+ Oh Diyos, ang Diyos sa akong kaluwasan,+

Aron ikapahayag nako ang imong pagkamatarong uban ang kalipay.+

15 Oh Jehova, bukha ang akong mga ngabil,

Aron ikapahayag sa akong baba ang imong kadayeganan.+

16 Kay dili ka gusto ug halad—kay kon mao pa ihatag nako kini;+

Dili ka malipay sa tibuok halad nga sinunog.+

17 Ang mga halad nga makapalipay sa Diyos mao ang gun-ob nga espiritu;

Ang kasingkasing nga gun-ob ug dugmok, Oh Diyos, dili nimo isalikway.*+

18 Tungod sa imong pagkamaayo buhata kon unsay maayo alang sa Zion;

Tukora ang mga paril sa Jerusalem.

19 Unya malipay ka sa mga halad sa pagkamatarong,

Ang mga halad nga sinunog ug ang mga tibuok nga halad;

 2 Ang imong dila, nga sama ka hait sa labaha,+

Nagaplanog daotan ug nagapanglimbong.+

 3 Mas gihigugma nimo ang daotan kay sa maayo,

Ang pagpamakak kay sa pagsulti kon unsay matarong. (Selah)

 4 Gihigugma nimo ang makadaot nga mga pulong,

Oh ikaw dila nga malimbongon!

 5 Mao nga ang Diyos magpukan kanimo sa dayon;+

Iya kang dagiton ug guyoron palayo sa imong tolda;+

Lukahon ka niya gikan sa yuta sa mga buhi.+ (Selah)

 6 Ang mga matarong makakita niini ug mahingangha,+

Ug kataw-an nila siya.+

 7 “Aniay tawo nga wala maghimo sa Diyos ingong dangpanan,*+

Apan misalig siya sa iyang daghang bahandi+

Ug misalig* sa iyang daotang mga plano.”*

 8 Apan mahisama kog labong nga kahoyng olibo sa balay sa Diyos;

Mosalig ko sa maunongong gugma sa Diyos+ hangtod sa kahangtoran.

 9 Dayegon ka nako hangtod sa hangtod tungod sa imong gihimo;+

Sa atubangan sa mga maunongon kanimo,

Molaom ko sa imong ngalan,+ kay kini maayo.

Ang ilang dili matarong nga binuhatan maoy daotan ug dulumtanan;

Walay nagbuhat ug maayo.+

 2 Apan gikan sa langit ang Diyos nagsud-ong sa mga anak sa mga tawo,+

Sa pagsusi kon duna bay si bisan kinsa nga may lawom nga pagsabot, kon duna bay si bisan kinsa nga nangita kang Jehova.+

 3 Silang tanan mitipas;

Silang tanan pulos daotan.

Walay nagbuhat ug maayo,

Walay bisan usa.+

 5 Apan sila malisang pag-ayo,

Kalisang nga wala pa nila sukad mabati;*

Kay katagon sa Diyos ang mga bukog niadtong nagaatake kanimo.*

Dihang tigomon ug balik ni Jehova ang nabihag niyang katawhan,

Maglipay si Jacob, magsadya ang Israel.

54 Oh Diyos, luwasa ko pinaagi sa imong ngalan,+

Ug depensahi ko*+ pinaagi sa imong gahom.

 2 Oh Diyos, dungga ang akong pag-ampo;+

Tagda ang mga pulong sa akong baba.

 3 Kay ang mga estranyo mibatok kanako,

Ug ang pintas nga mga tawo nagtinguha sa akong kinabuhi.+

 4 Tan-awa! Ang Diyos ang akong magtatabang;+

Si Jehova kauban niadtong mga nagatabang kanako.

 5 Ipahinabo niya sa akong mga kaaway ang ilang gihimong daotan;+

Laglaga* sila tungod sa imong pagkamatinumanon.+

 7 Kay iya kong giluwas gikan sa tanang kasakit,+

Ug tan-awon nako ang kapildihan sa akong mga kaaway.+

55 Pamatia ang akong pag-ampo, Oh Diyos,+

Ug ayawg ibalewala ang akong hangyo alang sa kaluoy.*+

Dili ko mahimutang tungod sa kabalaka,+

Ug nabalisa ko pag-ayo

 3 Tungod sa ginaingon sa kaaway

Ug sa pagpit-os sa daotan.

Kay gihan-okan ko nilag kasamok,

Ug tungod sa ilang kasuko, gidumtan ko nila pag-ayo.+

 4 Ang akong kasingkasing nagngutngot pag-ayo,+

Ug gidaog ko sa kahadlok nga mamatay.+

 5 Nahadlok ko ug nangurog,

Ug gihakgom ko sa kalisang.

 8 Magdali kog adto sa silonganan

Nga layo gikan sa naghaguros nga hangin ug sa bagyo.”

 9 Liboga sila, Oh Jehova, ug pakyasa ang ilang mga plano,*+

Kay akong nakita ang kapintasan ug kagubot didto sa siyudad.

10 Adlaw ug gabii silang naglibot sa ibabaw sa mga paril niini;

Ang pagkadaotan ug kasamok anaa sa sulod niini.+

11 Ang kadaot anaa sa taliwala niini;

Ang pagpangdaogdaog ug pagpanglimbong dili mobulag sa plasa niini.+

12 Kay dili kaaway ang nagatamay kanako;+

Kay kon mao pa, makaantos ra ko niini.

Dili kaaway ang mibatok kanako;

Kay kon mao pa, makatago ra ko gikan kaniya.

13 Apan ikaw, nga sama kanako,* ang naghimo niini,+

Ang ako mismong kauban nga nailhan nako pag-ayo.+

14 Maayo kaayo ang atong panaghigalaay kaniadto;

Magkuyog pa gani ta uban ang panon paingon sa balay sa Diyos.

Malubong unta silang buhi sa Lubnganan;*

Kay ang daotan nagpuyo uban kanila ug anaa sa ilang kasingkasing.

16 Kon bahin kanako, motawag ko sa Diyos,

Ug luwason ko ni Jehova.+

17 Gabii ug buntag ug udto, nabalaka ko ug nagaagulo,+

Ug iyang dunggon ang akong tingog.+

18 Luwason* ko niya ug hatagag kalinaw gikan sa mga nakig-away kanako,

Kay panonpanon ang miatake kanako.+

19 Ang Diyos mamati ug molihok batok kanila,+

Ang usa nga naglingkod sa trono sukad pa kaniadto.+ (Selah)

Dili sila magbag-o,

Kadtong wala mahadlok sa Diyos.+

20 Giatake niya* ang mga nakigdait kaniya;+

Gilapas niya ang iyang pakigsaad.+

21 Ang iyang mga pulong mas hamloy pa kay sa mantekilya,+

Apan dunay kasamok sa iyang kasingkasing.

Ang iyang mga pulong mas tanglas pa kay sa lana,

Apan kini samag hait nga mga espada.+

22 Itugyan* ang imong palas-anon kang Jehova,+

Ug siya motabang kanimo.+

 2 Tibuok adlaw kong gibanghagan sa akong mga kaaway;

Daghan ang mapahitas-ong nakig-away kanako.

 4 Sa Diyos, kansang pulong akong gidayeg,

Sa Diyos ako mosalig; dili ko mahadlok.

 5 Tibuok adlaw nilang gidaot ang akong mga kalihokan;

Wala silay laing gihunahuna kondili ang pagdaot kanako.+

 6 Sila motago aron moatake;

Ilang bantayan ang akong mga tunob,+

10 Sa Diyos, kansang pulong akong gidayeg,

Kang Jehova, kansang pulong akong gidayeg,

11 Sa Diyos ako mosalig; dili ko mahadlok.+

13 Kay giluwas ko nimo gikan sa kamatayon+

Ug gipugngan nimo ang akong mga tiil sa pagkapandol,+

Aron maglakaw ko atubangan sa Diyos diha sa kahayag sa kinabuhi nga nagdan-ag kanako.+

57 Kaluy-i ko, Oh Diyos, kaluy-i ko,

Kay ako modangop kanimo,+

Ug sa landong sa imong mga pako ako modangop hangtod mawala na ang kapeligrohan.+

 2 Motawag ko sa Diyos nga Labing Hataas,

Sa matuod nga Diyos, nga maglaglag kanila tungod kanako.

 4 Gipalibotan ko ug mga leyon;+

Kinahanglan kong mohigda uban sa mga tawong gustong motukob kanako,

Kansang mga ngipon nahisamag mga bangkaw ug udyong

Ug kansang dila nahisamag hait nga espada.+

 5 Hinaot mabayaw ka ibabaw sa kalangitan, Oh Diyos;

Hinaot nga ang imong himaya molabaw sa tibuok yuta.+

 6 Nagbutang silag pukot sa paglit-ag sa akong mga tiil;+

Natikuko ko tungod sa kasakitan.+

Nagkalot silag gahong sa akong agianan,

Apan sila mismo ang nahulog niini.+ (Selah)

 7 Lig-on ang akong kasingkasing, Oh Diyos,+

Lig-on ang akong kasingkasing.

 9 Dayegon ka nako taliwala sa mga katawhan, Oh Jehova;+

Mag-awit kog mga pagdayeg* kanimo taliwala sa mga nasod.+

10 Kay ang imong maunongong gugma dako, sama ka taas sa kalangitan,+

Ug ang imong pagkamatinumanon, sangko sa langit.

11 Hinaot mabayaw ka ibabaw sa kalangitan, Oh Diyos;

Hinaot nga ang imong himaya molabaw sa tibuok yuta.+

 2 Nagplano hinuon mog daotan diha sa inyong kasingkasing,+

Ug ang inyong mga kamot nagahimog kapintasan diha sa yuta.+

 3 Ang mga daotan nahisalaag sukad sa pagkahimugso;*

Sila mga sukihan ug bakakon sukad sa ilang pagkatawo.

 4 Ang ilang lala nahisamag lala sa mga halas;+

Mga bungol sila sama sa kobra nga daw nagsampong sa igdulungog niini.

 5 Kini dili mamati sa tingog sa mga tiglamat,

Bisag unsa pa sila ka hanas sa paglamat.

 8 Hinaot mahisama silag hilahila nga nagakatunaw samtang nagkamang;

Sama sa bata nga patay na pagkatawo nga wala gyod makakita sa adlaw.

 9 Sa dili pa moinit ang inyong mga kulon tungod sa gisugnod nga sampinit,

Samag unos, iyang paliron ang umog ug ang nagsiga nga sangasanga.+

10 Ang matarong magsadya kay iyang nakita ang panimalos;+

Ang iyang mga tiil mahumod sa dugo sa daotan.+

59 Luwasa ko gikan sa akong mga kaaway, Oh akong Diyos;+

Panalipdi ko gikan niadtong mga nagabatok kanako.+

 2 Luwasa ko gikan sa mga mamumuhat ug daotan,

Ug luwasa ko gikan sa pintas* nga mga tawo.

 3 Sila nag-atang sa pagpatay kanako;+

Ang mga kusgang lalaki miatake kanako,

Apan dili tungod kay mirebelde o nakasala ko,+ Oh Jehova.

 6 Manguli sila inigkagabii;+

Mamaghot* sila samag iro+ ug maglibotlibot sa siyudad.+

 7 Tan-awa kon unsay nagagula sa ilang baba;

Kay ang ilang mga ngabil nahisamag mga espada,+

Kay sila nag-ingon: “Kinsay nagapatalinghog?”+

 8 Apan kataw-an nimo sila, Oh Jehova;+

Imong tamayon ang tanang kanasoran.+

 9 Oh Diyos, ikaw ang akong Kusog; ako magahulat kanimo;+

Kay ikaw ang akong luwas nga dangpanan.*+

10 Ang Diyos nga nagpakita kanakog maunongong gugma motabang kanako;+

Ipakita sa Diyos kanako ang kapildihan sa akong mga kaaway.+

Pinaagi sa imong gahom, palatagawa sila;

Pukana sila, Oh Jehova nga among taming.+

12 Tungod sa sala sa ilang baba ug sa pulong sa ilang mga ngabil,

Mabitik unta sila sa ilang garbo,+

Tungod sa ilang pagpanunglo ug pagsultig limbong.

13 Laglaga sila tungod sa imong kaaligutgot;+

Laglaga sila, aron mawala na sila;

Pahibaloa sila nga ang Diyos nagamando sa Jacob ug hangtod sa mga kinatumyan sa yuta.+ (Selah)

14 Papaulia sila inigkagabii;

Papaghota* sila samag iro ug palibota sila sa siyudad.+

15 Palatagawa sila aron mangitag makaon;+

Ayaw silag tugoting mabusog o makakitag kaestaran.

16 Apan ako mag-awit bahin sa imong kusog;+

Pagkabuntag, ako malipayong maghisgot bahin sa imong maunongong gugma.

Kay ikaw ang akong luwas nga dangpanan+

Ug ang dapit nga akong kadangpan panahon sa akong kasakit.+

17 Oh akong Kusog, ako mag-awit ug mga pagdayeg* kanimo,+

Kay ang Diyos mao ang akong luwas nga dangpanan, ang Diyos nga nagpakita kanakog maunongong gugma.+

 4 Hatagig* timailhan kadtong nangahadlok kanimo

Aron sila mokalagiw ug dili maigo sa pana. (Selah)

 5 Aron maluwas ang imong mga hinigugma,

Luwasa mi pinaagi sa imong tuong kamot ug tubaga mi.+

“Magsadya ko, ihatag nako ang Sekem ingong panulondon,+

Ug sukdon nako ang Walog* sa Sucot.+

 7 Akoa ang Gilead, ingon man ang Manases,+

Ug ang Epraim mao ang helmet* sa akong ulo;

Ang Juda mao ang sungkod sa akong komandante.+

10 Dili ba ikaw, Oh Diyos, kinsa nagsalikway kanamo,

Ang among Diyos, nga wala na mouban sa among kasundalohan?+

11 Tabangi mi sa among kasakitan,

Kay ang kaluwasan pinaagi sa mga tawo walay kapuslanan.+

12 Pinaagi sa Diyos makabaton mi ug gahom,+

Ug iyang yatakyatakan ang among mga kaaway.+

 2 Gikan sa mga kinatumyan sa yuta motuaw ko kanimo

Dihang maluya ang akong kasingkasing.+

 3 Kay ikaw ang akong dangpanan,

Usa ka lig-ong torre nga manalipod kanako batok sa kaaway.+

 4 Mahimo kong dinapit sa imong tolda hangtod sa hangtod;+

Modangop ko sa ilalom sa imong mga pako.+ (Selah)

 6 Dugangan nimog mga adlaw ang kinabuhi* sa hari,+

Ug ang iyang mga tuig molungtad hangtod sa sunodsunod nga kaliwatan.

 7 Siya molingkod sa iyang trono* hangtod sa hangtod atubangan sa Diyos;+

Hatagi siyag* maunongong gugma ug pagkamatinumanon, aron kini makapanalipod kaniya.+

 8 Unya mag-awit kog mga pagdayeg* sa imong ngalan hangtod sa hangtod+

Samtang ginatuman nako adlaw-adlaw ang akong mga panaad.+

 2 Siya gayod ang akong bato ug ang akong kaluwasan, ang akong luwas nga dangpanan;*+

Dili gyod ko matarog ug mapukan.+

 4 Kay sila nagkonsultahanay aron tangtangon siya sa iyang taas nga posisyon;*

Sila nalipay sa pagpamakak.

 5 Sa pagkatinuod, mapailobon kong naghulat sa Diyos+

Kay ang akong paglaom naggikan kaniya.+

 6 Siya gayod ang akong bato ug ang akong kaluwasan, ang akong luwas nga dangpanan;

Dili gyod ko matarog.+

 9 Ang mga anak sa mga tawo maoy gininhawa lamang,

Ang mga anak sa katawhan maoy dili tinuod nga dangpanan.+

10 Ayaw mog salig sa pagpangilkil

Ug ayaw mog laom sa pagpanulis.

12 Imoha usab ang maunongong gugma, Oh Jehova,+

Kay imong balosan ang matag usa sumala sa iyang binuhatan.+

Ako* naluya tungod sa akong kahidlaw kanimo

Diha sa mala ug umaw nga yuta, diin walay tubig.+

 2 Busa mitan-aw ko kanimo diha sa balaang dapit;

Nakita nako ang imong kusog ug himaya.+

 3 Kay ang imong maunongong gugma mas maayo pa kay sa kinabuhi,+

Ang akong mga ngabil maghimaya kanimo.+

 4 Busa dayegon ka nako sa tibuok nakong kinabuhi;

Sa imong ngalan, bayawon nako ang akong mga kamot sa pag-ampo.

 5 Ako natagbaw sa kinamaayohan nga imong gihatag kanako,*

Busa ang akong mga ngabil moawit, ang akong baba modayeg kanimo.+

 6 Hinumdoman ka nako samtang anaa ko sa higdaanan;

Mamalandong ko kanimo panahon sa kagabhion.*+

 7 Kay ikaw ang akong magtatabang,+

Ug mosinggit ko sa kalipay sa landong sa imong mga pako.+

 8 Ako nangupot pag-ayo kanimo;

Ang imong tuong kamot hugot nga naghawid kanako.+

 9 Apan kadtong mga nagtinguha sa pagpatay kanako

Manaog sa kinailadman sa yuta.

10 Igatugyan sila ngadto sa gahom sa espada;

Sila mahimong pagkaon sa mga irong ihalas.

Ang matag tawo nga nanumpa pinaagi Kaniya maghugyaw,*

Kay ang baba sa mga nagsultig kabakakan pahilomon.

 2 Panalipdi ko gikan sa sekretong mga plano sa daotang mga tawo,+

Gikan sa panon sa mga mamumuhat ug daotan.

 3 Gibaid nila ang ilang dila samag espada;

Gipunting nila ang ilang sakit nga mga pulong samag mga pana,

 4 Sa pagpana sa inosente gikan sa ilang mga tagoanan;

Sa walay kahadlok, kalit nila siyang panaon.

 5 Determinado sila sa ilang daotang tuyo;*

Nagsabot sila kon unsaon nila pagtago ang ilang mga lit-ag.

 6 Nangita silag bag-ong mga paagi sa paghimog daotan;

Sekreto nilang giplano ang ilang minaro nga estratehiya;+

Dili matugkad kon unsay anaa sa ilang tagsatagsa ka kasingkasing.

 7 Apan panaon sila sa Diyos;+

Sa kalit, sila masamdan sa udyong.

 8 Ang kaugalingon nilang dila mahimong hinungdan sa ilang pagkapukan;+

Ang tanan nga makakita maglingolingo.

 9 Unya ang tanang tawo mahadlok,

Ug ilang ipahayag ang gibuhat sa Diyos,

Ug ilang masabtan ang iyang mga buhat.+

10 Ang matarong magsadya diha kang Jehova ug modangop kaniya;+

Ang tanang matinud-anog kasingkasing manghugyaw.*

65 Ang pagdayeg naghulat kanimo sa Zion,+ Oh Diyos;

Tumanon namo ang among mga panaad kanimo.+

 3 Nalumsan ko sa akong mga kasaypanan,+

Apan gipasaylo nimo ang among mga kalapasan.+

 4 Malipayon ang tawo nga imong pilion ug paduolon

Aron mopuyo sa imong mga hawanan.+

Matagbaw mi sa maayong mga butang sa imong balay,+