Alapaaló Feiéchún Óm Pwisin Káé

PWATA A LAMOT: Ach pwisin káé án Kot Kapas a álisikich le “weweiti ükükün chölapan me langataman, pwal tekian me alololun” ewe enlet. (Ef 3:18) A pwal álisikich ach sipwe “amwochata ewe kapasen manau” me lilliméch lón ei fénúfan mi ur ren aramas mi ngaw. (Fp 2:15, 16, TF) Pwisin káé a atufichi ach sipwe filatá met a kon lamot ngeni pwisin kich. Ifa usun sia tongeni alamotaéchú ewe fansoun állea me káé Paipel?

USUN ACH FÉRI:

• Eri ekkewe wokisin me makkeei meefiom lón ewe Paipel ka kan néúnéú atun óm pwisin káé, ese lifilifil ika wóón device are en pwúkúpwúkún Paipel

• Atun ka álleani án Kot we Kapas, pwisin eisinuk ekkeei kapas eis: ‘Ié? Met? Ineet? Ia? Pwata? Ifa usun?’

• Kútta tichikin pwóróus. Néúnéú ekkewe minen álillis le research wóón eú me eú itelap are eú me eú wokisin

• Ekilonei met ka álleani pwe kopwe esilla ifa usun a weneituk

• Apwénúetá met ka káé rán me rán.—Luk 6:47, 48

KATOL EWE VIDEO KEEP “A TIGHT GRIP”—THROUGH EFFECTIVE PERSONAL STUDY, MWIRIN PÉLÚWENI EKKEEI KAPAS EIS:

• Ifa usun ekkóch ra áweweei feiéchún ar pwisin káé?

• Pwata a lamot sipwe kan iótek mwen ach sipwe pwisin káé?

• Met a tongeni álisikich le weweéchúti eú pwóróus lón Paipel?

• Met sókkun esissil sia tongeni esissilla ngeni pwisin néúch Paipel?

• Pwata a fókkun lamot ekilon atun sia káé án Kot we Kapas?

• Sipwe fetei met sia káé?