تۆ چۆن دە‌ڕوانیتە داهاتوو؟
ئایا ئە‌و جیهانە‌ی ئێمە تێیدا دە‌ژین...
هە‌ر وە‌ک خۆی دە‌مێنێتە‌وە؟
خرابتر دە‌بێ؟
باشتر دە‌بێ؟
پەرتووکی پیرۆز دە‌فە‌رمووێ
«خودا ... هە‌موو فرمێسکێکی چاویان دە‌سڕێتە‌وە، ئیتر مردن نابێت، شیوە‌ن و هاوار و ئازار نامێنن، چونکە‌شتە‌کانی پێشوو بە‌سە‌رچوون.»—بینین ٢١:٣، ٤.
ئەوە بۆ تۆ چ واتایە‌کی هە‌یە
بە ئە‌نجام‌گە‌یاندنی کاری بە سوود و ئاسوودە‌بە‌خش.—ئیشایا ٦٥:٢١-٢٣.
ئیتر هیچ جۆرە نە‌خۆشی و ئازار چێژشتنێک نامێنێ.—ئیشایا ٢٥:٨؛ ٣٣:٢٤.
ژیانێکی بە‌ختە‌وە‌رانە‌ی بێ کۆتایی لە‌گە‌ڵ خێزان و دۆستان بە‌سە‌ر دە‌بە‌ی.—زە‌بوور ٣٧:١١، ٢٩.
ئایا دە‌توانین بڕوا بکە‌ین بە‌وە‌ی کە پەرتووکی پیرۆز دە‌فە‌رمووێ؟
بە‌ڵێ، بە لانی کە‌م لە‌بە‌ر دوو هۆکار:
خودا توانای بە‌دیهێنانی بە‌ڵێنیە‌کانی هە‌یە. پەرتووکی پیرۆز دە‌فە‌رمووێ بە تە‌نها یە‌هوە خودا «هە‌رە بە توانا»یە، چونکە هێزو توانای ئە‌و بێ‌سنوورە. (بینین ١٥:٣) کە‌وابوو خودا لە توانای دایە بە‌ڵێنە‌کانی خۆی بهێنێتە‌دی‌و ئە‌و جیهانە‌ی ئێمە تێیدا دە‌ژین بۆ جێهانێکی باشتر بگۆڕێ. هە‌روە‌ک پەرتووکی پیرۆز دە‌فە‌رمووێ «لە‌لای خودا هە‌موو شتێک دە‌بێت».—مە‌تتا ١٩:٢٦.
خودا ئارە‌زووی هە‌یە بە‌ڵێنە‌کانی بهێنێتە‌دی. بۆ نموونە، یە‌هوە «تامە‌زرۆ»ی ئە‌وە‌یە ئە‌و کە‌سانە‌ی کە مردوون سە‌ر لە نوێ زیندوو بکاتە‌وە.—ئە‌یوب ١٤:١٤، ١٥.
هە‌روە‌ها پەرتووکی پیرۆز ئەوە ئاشکرا دە‌کات کە ڕۆڵە‌ی خودا، عیسای مە‌سیح نە‌خۆشی چاک دە‌کردنە‌وە. ئە‌و بۆچی ئەم کارە‌ی دە‌کرد؟ چونکە ئەوە خواستی ئە‌و بوو. (مە‌رقۆس ١:٤٠، ٤١) عیسا بە‌و کارە‌ی ڕە‌نگدانە‌وە‌یە‌کی تە‌واوی لە‌سە‌ر کە‌سایە‌تی باوکی دە‌رخست، چونکە خواستی باوکی ئە‌وە‌یە کە یارمە‌تی لێقە‌وماوان بدا.—یۆحە‌ننا ١٤:٩.
کە‌وابوو ئێمە دە‌توانین متمانە‌مان بە‌وە هە‌بێ کە یە‌هوە‌و عیسای مە‌سیح، هە‌ردووکیان دە‌یانهە‌وێ یارمە‌تیمان بدە‌ن بۆ ئە‌وە‌ی چێژ لە داهاتوویە‌کی بە‌ختە‌وە‌رانە وە‌رگرین.—زە‌بوور ٧٢:١٢-١٤؛ ١٤٥:١٦؛ ٢ پە‌ترۆس ٣:٩.
بۆ بیر لێکردنە‌وە
ئە‌و جیهانە‌ی کە ئێمە تێدا دە‌ژین، خودا چۆن بە‌رە‌و باشتر دە‌یگۆڕێ؟
پەرتووکی پیرۆز لە بە‌شە‌کانی مە‌تتا ٦:٩، ١٠ و دانیال ٢:٤٤دا وە‌ڵامی ئەم پرسیارە دە‌داتە‌وە.