¿Chuqui miʼ mejlel a mel chaʼan tijicña maʼ wubin a bʌ anquese maʼ taj wocol? | ¿Chuqui miʼ yʌl jiñi Biblia?

Maʼañic miʼ mejlel lac mʌctan muʼ bʌ i mejlel ti ujtel ti lac tojlel ili ora come mach la cujilic chuqui miʼ mejlel ti waʼ ujtel. Pero tijicña mi caj lac ñusan mi wen jach mi lac chʼʌm chuqui tac miʼ yujtel ti lac tojlel. Jiñi Biblia miʼ yʌl chaʼan woli «ti qʼuiñijel tiʼ pejtelel ora jini tijicña bʌ i pusicʼal» anquese an i wocol (Proverbios 15:15) ¿Chuqui miʼ mejlel lac mel chaʼan mi lac ñumen ubin lac tijicñʌyel? Ñaʼtan bajcheʼ miʼ mejlel i coltañet jiñi ticʼojel tac am bʌ ti Biblia.

Mʌlben jiñi chʼijyemlel

Jiñi Biblia miʼ yʌl: «Lac chʼijiyemlel miʼ juʼsʌbeñonla lac pusicʼal, pero jini wen bʌ tʼan miʼ yʌqʼueñonla tijicña bʌ lac pusicʼal» (Proverbios 12:25).

• Jiñi Biblia miʼ mejlel i coltañet a lʌtʼ jiñi ansiedad. Chaʼan maʼ ñaʼtan bajcheʼ miʼ coltañet, pejcan jiñi tema «Lo que dice la Biblia sobre la ansiedad».

Mach a bajñel acʼ a bʌ

Jiñi Biblia miʼ yʌl: «Jiñi i sujm bʌ amigo miʼ cʼuxbiñonla tiʼ pejtelel ora i juntiquilʌch la quermañu cheʼ tiʼ yorajlel wocol» (Proverbios 17:17, Traducción del Nuevo Mundo).

• Ti Biblia an tac ticʼojel muʼ bʌ mejlel i coltañet chaʼan mach a bajñelic maʼ wubin a bʌ. Pejcan jiñi tema «Sʌclan a wamigojob chaʼan mach a bajñel maʼ wubin a bʌ | Jiñi Biblia miʼ mejlel i coltañet».

Cʼuxbin Jehová yicʼot lac piʼʌlob

Jiñi Biblia miʼ yʌl: «‹ Cʼuxbin a Dios Jehová tiʼ pejtelel a pusicʼal, tiʼ pejtelel a cuxtʌlel yicʼot tiʼ pejtelel a ñaʼtʌbal›. [...] ‹Cʼuxbin a piʼʌl cheʼ bajcheʼ maʼ bajñel cʼuxbin a bʌ›»a (Mateo 22:37-39).

• Jiñi oración miʼ mejlel i coltañonla chaʼan mi lac ñumen cʼuxbin Dios. Chaʼan miʼ mejlel a ñumen cʌn, pejcan jiñi tema «¿Muʼ ba i ñʌchʼtan Dios jiñi la coración?».

• Laʼ laj cʼuxbin lac piʼʌlob cheʼ bajcheʼ la com mi laj cʼuxbintel jaʼel. Ñumen cʌñʌ ti jiñi tema «¿Qué es la Regla de Oro?».

Chaʼan tijicña maʼ wubin a bʌ anquese an chuqui miʼ mejlel ti waʼ ujtel, cʌñʌ bajcheʼ miʼ mejlel i coltañet muʼ bʌ i yʌl jiñi Biblia. Mic chaʼleñet lojon ti invitar chaʼan maʼ chʼʌm jumpʼejl estudio loqʼuem bʌ Biblia mach bʌ tojbilic.