БИБЛИ МӖН КАЛАТЬ

Пур тӗн те Турӑран-и?

Эсир хыпарсене итленӗ чух хушӑран усал ӗҫсене тӗн ячӗпе тунине асӑрханӑ пулӗ. Пур тӗне те чӑн Турӑ пуҫарса яман (Матфей 7:15). Тӗрӗссипе каласан, ҫынсенчен чылайӑшӗ улталаннӑ. (1 Иоанн 5:19 вулӑр.)

Анчах та Турӑ тӳрӗ кӑмӑллӑ ҫынсене, тӗрӗссине тата чӑннине юратаканнисене, курса тӑрать (Иоанн 4:23). Вӑл вӗсене хӑйӗн Сӑмахӗнчи, Библири, чӑнлӑха пӗлтересшӗн. (1 Тимофей 2:3—5 вулӑр.)

Чӑн тӗне мӗнле тупмалла?

Иегова Турӑ тӗрлӗ тӗне тытса тӑнӑ ҫынсене пӗрлештерет: вӑл вӗсене чӑнлӑха пӗлтерет тата пӗр-пӗрне юратма вӗрентет (Михей 4:2, 3). Ҫавӑнпа та чӑн тӗне тытса тӑракан ҫынсене пӗр-пӗринпе мӗнле тытни тӑрӑх пӗлме пулать. (Иоанн 13:35 вулӑр.)

Туррӑн чӑн-чӑн ӗҫлекенӗсем хӑйсен ӗненӗвӗ тата пурнӑҫӗ Библипе килӗшӳллӗ пултӑр тесе тӑрӑшаҫҫӗ (2 Тимофей 3:16). Вӗсем Туррӑн ятне хисеплеҫҫӗ (Тухни 15:3). Вӗсем Турӑ Патшалӑхӗ майлӑ тӑраҫҫӗ, вӑл анчах этемлӗхӗн пӗртен-пӗр шанчӑкӗ пулнине ҫирӗп ӗненеҫҫӗ (Даниил 2:44). Иисус пекех, вӗсем ҫывӑх ҫыннисене ырӑ туса хӑйсен ҫуттине ҫутатма параҫҫӗ (Матфей 5:16). Апла пулсан, чӑн христиансене мӗнле пӗлме пулать? Вӗсем Турӑ Патшалӑхӗ ҫинчен ырӑ хыпар пӗлтерес тесе юнашар пурӑнакан ҫынсем патне килсе ҫӳреҫҫӗ. (Матфей 24:14; Апостолсен ӗҫӗсем 5:42; 20:20 вулӑр.)