«Журналсен малтанхи кӑларӑмӗсене е кирек мӗнле брошюра, хӑшӗ ӑна интереслентерет, ҫавна сӗнме пулать»
Хӑш-пӗр уйӑхра эпир пӗрремӗш хут килсенех Библи вӗренӗвӗ пуҫлама тӑрӑшатпӑр. Ҫын вӗренме килӗшмест пулсан, пире «журналсен малтанхи кӑларӑмӗсене е кирек мӗнле брошюра, хӑшӗ ӑна интереслентерет», ҫавна сӗнме канаш панӑччӗ. Мӗншӗн?
Брошюрӑсенче тата кивӗ журналсенче нумай кирлӗ ыйту сӳтсе явнӑ. Пӗр-пӗр статьи ҫын чӗрине хускатма пултарать. Ҫавӑнпа та ырӑ хыпар сарма пуҫтарӑннӑ чухне сумкӑна темиҫе пӗр пек мар брошюра тата кивӗ журнал хур. Санӑн кивӗ журналсем ҫук пулсан, вӗсене литературӑшӑн яваплӑ арҫын тӑванран ыйтма пулать. Пӗрле калаҫаканӑн вӗренес кӑмӑлӗ ҫук пулсан, ӑна темиҫе брошюра тата журналсен малтанхи кӑларӑмӗсене кӑтартса хӑйне интереслисене илмешкӗн сӗнме пулать. Унтан, унӑн интересне аталантарас тесе, тепӗр хут килме калаҫса татӑл. Ҫакӑн пек, тен, Библи вӗренӗвӗ пуҫланӗ.