«Сиплев ӗҫне вӑраха ямасӑр пуҫӑнмалли лару-тӑру пулса тухсан эсир хатӗр-и?»
Сиплев ӗҫне вӑраха ямасӑр пуҫӑнмалли лару-тӑру ытларах чухне кӗтмен ҫӗртен, систермесӗр килсе тухать (Иак. 4:14). Анчах та ӑслӑ-тӑнлӑ пулни пире хӑш-пӗр тӗлӗшрен ӑна хатӗрленме пулӑшать (Ытар. 22:3). Эсӗ мӗнле сиплев меслечӗсемпе тата процедурисемпе сипленипе килӗшесси пирки шутласа хутӑн-и, ҫакна документра палӑртрӑн-и? Пире пулӑшмашкӑн «Медицина без переливания крови: как помочь больному, не нарушая его прав» видеофильм кӑларнӑ («Альтернативы переливанию крови. Серия научно-документальных фильмов» ятлӑ ярӑмри иккӗмӗш фильм). Ҫак фильма пӑхнӑ чухне аяларах илсе панӑ ыйтусем ҫине хуравлама тӑрӑшӑр. Фильмра операцие мӗнле тунине кӑтартакан кадрсем пулнӑран ашшӗ-амӑшӗн шухӑшламалла: ӑна ачасемпе пӗрле пӑхма кирлӗ-и е ҫук.
1) Юн ярасси ҫине хӑш-пӗр тухтӑрсем мӗншӗн урӑхларах пӑхма пуҫланӑ? 2) Юн ямасӑр тунӑ виҫӗ кӑткӑс операци пирки каласа парӑр. 3) Пӗтӗм тӗнчипе пин-пин тухтӑр чирлӗ ҫынсене мӗншӗн юн ямасӑр сиплеме хатӗр? 4) Юнпа медицинӑра усӑ курасси пирки нумаях пулмасть тунӑ тӗпчевсем мӗн кӑтартса панӑ? 5) Юн яни мӗнле хӑрушлӑхсемпе ҫыхӑннӑ? 6) Юн ямасӑр сиплемелли майсем лайӑхрах пулни тӗлӗшӗнчен нумай специалист мӗнле пӗтӗмлетӳ тунӑ? 7) Анеми мӗне пула пулать? Анемипе аптӑракан ҫынна пулӑшас тесе мӗн тума пулать? 8) Чирлӗ ҫын организмӗнче эритроцитсен шутне ӳстермешкӗн мӗн тума пулать? 9) Операци вӑхӑтӗнче юн сахалтарах ҫухатас тесе мӗнле меслетсемпе усӑ кураҫҫӗ? 10) Ачасене сипленӗ чухне, ҫавӑн пекех тӑхтаса тӑмасӑр пулӑшу пани кирлӗ чухне юн ямасӑр сиплемелли майсемпе усӑ курма пулать-и? 11) Лайӑх сиплеме мӗнле тӗп этика принципӗсене шута илмелле?
Фильмра асӑннӑ сиплев меслечӗсенчен хӑшӗнпе усӑ курма килӗшесси, хӑшӗнпе килӗшмесси пирки кашнин хӑйӗн совеҫне шута илсе йышӑну тумалла пулнӑран, ӑна тума сиплев ӗҫне вӑраха ямасӑр пуҫӑнмалли лару-тӑру пулса тухасса кӗтмелле мар. Йышӑнӑва ӑнланса-пӗлсе тумашкӑн «Туррӑн юратӑвӗ» кӗнекери 7-мӗш сыпӑкпа тата ҫак сыпӑкри ссылкӑсенче кӑтартнӑ публикацисенчи материалпа, ҫавӑн пекех 2006 ҫулхи ноябрьти «Пирӗн сӑваплӑ ӗҫри» вкладышпа (выр.) усӑ курма пулать. Ун хыҫҫӑн, эсӗ шыва кӗнӗ Иегова Свидетелӗ пулсан, хӑв мӗнле йышӑну тунине «Волеизъявление» документра палӑрт та ӑна яланах хӑвпа пӗрле илсе ҫӳре.
[3-мӗш страницӑри ҫырса хуни]
Эсӗ мӗнле сиплев меслечӗсемпе тата процедурисемпе сипленипе килӗшесси пирки шутласа хутӑн-и, ҫакна документра палӑртрӑн-и?