Ҫӳлхуҫан Каҫхи апат уявӗн тапхӑрӗнче эсӗ Иеговӑпа Иисус пекех хастарлӑх кӑтартӑн-и?
1. Мӗншӗн Иегова Свидетелӗсем Каҫхи апат уявӗ тапхӑрӗнче сӑваплӑ ӗҫе ытларах тума тӑрӑшаҫҫӗ?
1 Хӑйӗн тӗллевӗсене пурнӑҫланӑ чухне Иегова хастарлӑх кӑтартать. Турӑ Патшалӑхӗ илсе килекен хӑш-пӗр пиллӗхсем ҫинчен Исаия 9:7-мӗшӗнче ҫапла каланӑ: «Ҫӳлхуҫа тимлени, тӑрӑшни [«хастарлӑхӗ», ҪТ] тӑвать ҫакна». Ҫавӑн пекех Туррӑн Ывӑлӗ те ҫӗр ҫинче сӑваплӑ ӗҫе тунӑ чухне чӑн Турра пуҫҫапас тӗлӗшрен пысӑк хастарлӑх кӑтартнӑ (Иоанн 2:13—17; 4:34). Каҫхи апат уявне уявланӑ тапхӑрта кашни ҫул миллион-миллион хыпарҫӑ пӗтӗм тӗнчипе Иеговӑпа Иисусӑн хастарлӑхӗнчен тӗслӗх илсе сӑваплӑ ӗҫе ытларах хутшӑнма тӑрӑшаҫҫӗ. Эсӗ вӗсен хушшинче пулӑн-и?
2. Хастарлӑх пире мартӑн 7-мӗшӗнчен пуҫласа мӗн тума хавхалантарӗ?
2 Каҫхи апат уявӗ умӗнхи кампани. Кӑҫал Каҫхи апат уявне чӗнмелли кампани мартӑн 7-мӗшӗнче шӑматкун пуҫланӗ. Сӑваплӑ ӗҫре хастарлӑ хутшӑнма халех шухӑшласа хур. Пухури хыпарҫӑсем пухӑвӑн территоринче пурӑнакан ҫынсене, май пулсан, пурне те чӗнӳ хучӗсене парса тухма тӑрӑшӗҫ. Кампа Библи вӗренетӗн тата кам чӑнлӑхпа интересленет, ҫавсене, ҫавӑн пекех пӗрле ӗҫлекенсене, тӑван-хурӑнташсене, пӗрле вӗренекенсене чӗнме вӑй хурӑр. Вӗсене чӗнӳ хутне пама е jw.org сайт ҫине тимлеттерме пулать.
3. Мартпа апрель уйӑхӗсенче сӑваплӑ ӗҫе мӗнле майпа ытларах хутшӑнма пулать?
3 Пулӑшакан пионер пулса ӗҫлесси. Хастарлӑх ҫавӑн пекех пире сӑваплӑ ӗҫе ытларах хутшӑнма хавхалантарӗ. Нумайӑшӗ мартпа апрель уйӑхӗсенче пулӑшакан пионер пулса ӗҫлесси пирки эпир иккӗленместпӗр ӗнтӗ, мӗншӗн тесен ун чухне 30 сехет нормине суйласа илме пулать. Ҫемьепе пӗрле Турра пуҫҫапмалли каҫра е Библие хӑв тӗллӗн вӗреннӗ чухне ҫакӑн ҫинчен кӗлтуса шухӑшласа пӑхма пулать (Ытар. 15:22). Кампание чунтан хутшӑнас кӑмӑлу ыттисене те сӑваплӑ ӗҫе хастарлӑ хутшӑнма хавхалантарӗ. Ытларах хутшӑнас тесе улшӑнусем туса эсӗ Иисус пекех хастарлӑх кӑтартӑн (Марк 6:31—34).
4. Иеговӑпа Иисус пекех хастарлӑх кӑтартни пире мӗнле пиллӗхсем парӗ?
4 Каҫхи апат уявӗ тапхӑрӗнче Иеговӑпа Иисус пекех хастарлӑ пулсан эпир нумай пиллӗх илӗпӗр. Хамӑр пурӑнакан вырӑнта ытларах ҫын Иеговӑпа Иисус ҫинчен илтӗҫ. Иеговӑшӑн ӗҫлесе тата ыттисене пама тӑрӑшса эпир савӑнӑҫ илӗпӗр, ҫавӑн пекех кӑмӑла ҫырлахтарӑпӑр (Ап. ӗҫ. 20:35). Чи кирли вара, эпир хастарлӑ Турӑпа унӑн Ывӑлне савӑнтарӑпӑр.