Ырӑ хыпар сарас ӑсталӑха лайӑхлататпӑр. Урӑх чӗлхепе калаҫакан ҫынсене ырӑ хыпар пӗлтерни

Ҫакӑ мӗншӗн питӗ кирлӗ. Иегова «кирек епле халӑх» ҫыннине те чӑнлӑха пӗлтерсе ҫитересшӗн (Ап. ӗҫ. 10:34, 35). Ҫавӑнпа та Иисус ырӑ хыпара «пур халӑха» тата «пӗтӗм тӗнчипе» пӗлтерсе тухӗҫ тенӗ (Матф. 24:14). «Тӗрлӗ чӗлхеллӗ халӑхри» ҫынсем ҫак хыпара йышӑнасси пирки Захария малтанах каласа хунӑ (Зах. 8:23). Иоанн апостола кӑтартнӑ курӑну тӑрӑх, пысӑк асап вӑхӑтӗнче пур йӑхри, пур ӑрури, пур халӑхри, тӗрлӗ чӗлхеллӗ ҫынсем ҫӑлӑнаҫҫӗ (Ӳлӗм. 7:9, 13, 14). Ҫакна шута илсе, урӑх чӗлхепе калаҫакан ҫынна тӗл пулсан пирӗн ӑна ырӑ хыпар пӗлтерме тӑрӑшмалла.