Ырӑ хыпар сарас ӑсталӑха лайӑхлататпӑр. Пирӗн вырӑнта пурӑнакан пур ҫынна та ырӑ хыпар калама тӑрӑшатпӑр

ҪАКӐ МӖНШӖН ПИТӖ КИРЛӖ: Захария пророкла каланинче «тӗрлӗ чӗлхеллӗ халӑхсенчен» тухнӑ ҫынсем Патшалӑх ҫинчен калакан ырӑ хыпара йышӑнӗҫ тесе каланӑ (Зх 8:23). Анчах ҫак хыпара вӗсем мӗнле илтӗҫ? (Рм 10:13—15.) Пире питӗ чыслӑ та яваплӑ ӗҫ — пирӗн вырӑнта пурӑнакан пур ҫынна та ырӑ хыпар сарас ӗҫе — шанса панӑ (od-U 83—84 с., 10, 11 абз.).

ҪАКНА МӖНЛЕ ТУМАЛЛА:

• Хатӗрленӗр. Эсир урӑх чӗлхепе калаҫакан ҫынсене тӗл пулатӑр-и? Ҫак чӗлхепе калаҫу пуҫлама пулӑшакан сӑмахсене пӑхмасӑр калама вӗренме пултаратӑр. Е ҫын хӑйӗн чӗлхипе ытларах информаци тупма пултартӑр тесе, вӑл ҫавна мӗнле тума пултарнине хӑвӑрӑн электронлӑ хатӗр ҫинче кӑтартӑр

• Тимлӗ пулӑр. Килтен киле ырӑ хыпар сарнӑ чухне ҫул ҫинче тӗл пулакан ҫынсене те, машинӑсенче ларакансене те ырӑ хыпар калӑр. Халӑх йышлӑ ҫӳрекен вырӑнсенче ырӑ хыпар пӗлтернӗ чухне ҫынсемпе калаҫу пуҫлама тӑрӑшӑр

• Тӑрӑшуллӑ пулӑр. Килте пулман ҫынсем патне тепӗр хут кайӑр. Хӑвӑр участокри кашни ҫынпа калаҫма тӑрӑшӑр (ҫӗнӗ лару-тӑрура ҫакӑ вырӑнлӑ пулсан). Ҫакна тӑвас тесен, тен, сирӗн тӗрлӗ вӑхӑтра тата тӗрлӗ кунсенче кайса килме тивӗ. Ҫынсене килте тытма йывӑр пулсан, вӗсене ҫыру ҫырма, телефонпа шӑнкӑравлама е вӗсемпе урамра калаҫма пулать

• Ӗҫе вӗҫне ҫитерӗр. Интересленнӗ ҫынсем патне тепӗр хут каяссине вӑраха ан ярӑр. Ҫын урӑх чӗлхепе калаҫать пулсан, ҫав чӗлхепе калаҫакан хыпарҫӑна тупӑр. Ҫав хыпарҫӑ ун патне пырса кайиччен, ун патне кайса ҫӳреме ан пӑрахӑр (od-U 94 с., 39, 40 абз.)

«ЫРӐ ХЫПАРА „ҪӖРӖН ВӖҪӖ-ХӖРРИНЕ ҪИТИЧЧЕНЕХ“ ПӖЛТЕРЕТПӖР» ВИДЕОРОЛИК ПӐХӐР ТА ҪАК ЫЙТУСЕМ ҪИНЕ ХУРАВЛӐР:

• 

  Аякри территорисенче ырӑ хыпара пӗлтерме тӑвансем мӗнле хатӗрленнӗ? (1Кр 9:22, 23)

• 

  Вӗсем мӗнле йывӑрлӑхсене ҫӗнтернӗ?

• 

  Вӗсем мӗнле пиллӗхсем илнӗ?

• Хӑвӑр пурӑнакан вырӑнта май килнӗ таран нумайрах ҫынна ырӑ хыпар калас тесе эсир мӗн тума пултаратӑр?