“Dyma Fi! Anfon Fi”

1. Ble heddiw gwelir parch at Dduw?

Ar drai mae ffydd y ddynolryw.

‘Duw, nid yw’n bod!’ a fynna rhai;

D’wed eraill, ‘Arno Fo mae’r bai!’

I’r afael â hyn oll, pwy â?

Amddiffyn enw Duw, pwy wna?

“Iôr, dyma fi! O anfon fi.

Cyhoeddi wnaf dy glod a’th fri.

2. Ar gynnydd mae’r di-ofn, di-Dduw;

Eu cwyn di-baid, ‘Un araf yw!’

Addola eraill ddelwau pren,

A gosod Cesar byd yn ben.

Am ryfel Duw, O codwch lais.

Pwy â i dystio yn y maes?

“Iôr, dyma fi! O anfon fi.

Rhybuddio wnaf ddilornus lu.

3. Dwysáu mae trais a drygau’r dydd,

Gofidiau wna galonnau’n brudd.

Dyhead sydd am gyfiawn ddae’r,

Preswylfa’r hedd ffrwyth sanctaidd Air.

Pwy atynt â â’r Gair di-ffael:

‘Cyfiawnder fydd i’r ddae’r yn sail.’

“Iôr, dyma fi! O anfon fi.

Yr addfwyn rai a ddysgaf i.