Byddin Jehofa Ydym!

1. Byddin Jehofa ydym,

Crist sydd ar y blaen.

Satan sydd yn ein herbyn—

Er hyn, camwn ymlaen.

Yn ddi-ofn, heb ildio dim,

Drwy’r holl fyd yr awn.

Â’n cyd-filwyr ffyddlon,

Yn y maes parhawn.

2. Gweision Jehofa ydym,

Yn ei waith parhawn.

Am ddefaid sy’n golledig,

Chwilio’n ddyfal a wnawn.

Bwydo wnawn y trist a’r gwan

Ag ysbrydol faeth.

Rhaid dyfalbarhau a

Galw’n ôl sawl gwaith!

3. Byddin Jehofa ydym,

Dan arweiniad Crist.

Gan Dduw y cawn arfogaeth,

Gwisgwn bob rhan o’r wisg.

Doeth a chraff yw dangos pwyll

Er mwyn dal ein tir.

Wrth wynebu peryg,

Glynwn at y gwir.