A Fyddech Chi’n Dal ar Eich Cyfle?
Bydd y Goffadwriaeth yn Gyfle Inni Ddangos Ein Gwerthfawrogiad
1. Pa gyfle arbennig y mae’r Goffadwriaeth yn ei roi inni?
1 Bydd y Goffadwriaeth ar Ebrill 14 yn rhoi cyfle unigryw inni feithrin a dangos gwerthfawrogiad am ddaioni Jehofah. Mae’r hanes yn Luc 17:11-18 yn dangos sut mae Jehofah a Iesu yn teimlo am bwysigrwydd gwerthfawrogiad. Yn anffodus, o’r deg dyn gwahanglwyfus, cymerodd dim ond un y cyfle i ddweud diolch am gael eu hiacháu. Yn y dyfodol bydd y pridwerth, rhodd gariadus Jehofah, yn ei gwneud hi’n bosibl i bobl gael eu hiacháu o bob afiechyd. Hefyd, drwy’r pridwerth mae bywyd tragwyddol yn bosibl! Yn sicr, fe fyddwn ni’n diolch i Jehofah bob dydd am y bendithion hynny. Sut y gallwn ni ddangos ein gwerthfawrogiad yn ystod yr wythnosau nesaf?
2. Sut gallwn ni feithrin gwerthfawrogiad am y pridwerth?
2 Meithrin Gwerthfawrogiad: Mae gwerthfawrogiad yn cychwyn yn ein meddyliau. I’n helpu ni i feithrin gwerthfawrogiad am y pridwerth, mae rhaglen ddarllen arbennig ar gyfer adeg y Goffadwriaeth wedi ei pharatoi. Mae hi ar gael mewn nifer o lefydd, fel atodiad B12 yn y New World Translation diwygiedig, y calendr, ac yn Examining the Scriptures Daily. Beth am drafod y rhain fel teulu? Drwy wneud hyn bydd ein gwerthfawrogiad am y pridwerth yn cynyddu, a bydd ein hymddygiad yn gwella.—2 Cor. 5:14, 15; 1 Ioan 4:11.
3. Yn adeg y Goffadwriaeth, sut gallwn ni ddangos ein gwerthfawrogiad?
3 Dangos Gwerthfawrogiad: Mae ein gweithredoedd yn profi ein gwerthfawrogiad. (Col. 3:15) Gwnaeth y dyn gwahanglwyfus ymdrech i ddod o hyd i Iesu a diolch iddo. Mae’n debyg iddo siarad yn frwdfrydig ag eraill am ei iachâd gwyrthiol. (Luc 6:45) A fydd gwerthfawrogiad am y pridwerth yn ein hysgogi ni i gael rhan lawn yn yr ymgyrch i hysbysebu’r Goffadwriaeth? Ffordd arall o ddangos ein gwerthfawrogiad yn adeg y Goffadwriaeth yw drwy arloesi’n gynorthwyol neu ehangu ein gweinidogaeth. Ar noson y Goffadwriaeth bydd ein gwerthfawrogiad yn ein hysgogi ni i groesawu’r ymwelwyr ac i fod yn fodlon i ateb eu cwestiynau.
4. Sut gallwn ni fwynhau’r Goffadwriaeth heb ddifaru?
4 Ai hon fydd y Goffadwriaeth olaf? (1 Cor. 11:26) Dydyn ni ddim yn gwybod. Ond yn sicr, wrth iddi fynd heibio, fe fydd cyfle unigryw i ddangos ein gwerthfawrogiad yn mynd heibio hefyd. A fyddech chi’n dal ar eich cyfle? Gad inni fyfyrio ar y pridwerth a mynegi ein gwerthfawrogiad amdano. Bydd hyn yn llawenhau Rhoddwr y pridwerth, Jehofah Dduw.—Salm 19:14.