Hogi Ein Sgiliau Yn Y Weinidogaeth—Tystiolaethu Dros y Ffôn

PAM MAE’N BWYSIG? Mae tystiolaethu dros y ffôn yn ffordd bwysig i dystiolaethu’n drylwyr am “y newyddion da.” (Act 20:24)a Mae’n ein galluogi ni i dystiolaethu i rywun pan fydd amgylchiadau’n ein rhwystro ni rhag galw arno yn ei gartref.

SUT I FYND ATI:

• 

  Paratoi. Dewisa bwnc addas. Yna, cynllunia amlinelliad o beth rwyt ti’n dymuno ei ddweud. Gelli di hefyd baratoi neges fer i esbonio pam rwyt ti’n galw rhag ofn iti gyrraedd peiriant ateb. Mae’n helpu i eistedd wrth fwrdd gyda’r amlinelliad ac unrhyw beth arall rwyt ti ei angen, fel dyfais electronig gyda JW Library^® neu jw.org^® yn agored arni

• 

  Ymlacio. Siarada’n naturiol. Gwena a symuda fel petai’r person yn gallu dy weld di. Paid â seibio’n ddi-angen. Mae cydweithio ag eraill yn helpu. Ailadrodda yn uchel unrhyw gwestiwn mae’r deiliad yn ei godi er mwyn i dy bartner dy helpu di i gael hyd i’r  ateb

• 

  Paratoi’r ffordd am yr alwad nesaf. Os ydy’r person eisiau gwybod mwy, gelli di osod cwestiwn i’w ateb ar yr alwad nesaf. Hefyd, gelli di gynnig anfon un o’n cyhoeddiadau mewn e-bost, yn y post, neu ei gymryd yno dy hun. Gelli di hefyd gynnig tecstio neu e-bostio fideo neu erthygl o’n gwefan. Pan fydd hi’n  addas, dyweda wrth y person am erthygl arall ar ein gwefan