LLYFRGELL AR-LEIN y Tŵr Gwylio
LLYFRGELL AR-LEIN
Y Tŵr Gwylio
Cymraeg
  • BEIBL
  • CYHOEDDIADAU
  • CYFARFODYDD
Cyhoeddiadau Cymraeg (1986-2025)
Allgofnodi
Mewngofnodi
LLYFRGELL AR-LEIN y Tŵr Gwylio
LLYFRGELL AR-LEIN
Y Tŵr Gwylio
Croeso.
Adnodd ymchwil ar gyfer cyhoeddiadau mewn amryw ieithoedd a gynhyrchir gan Dystion Jehofa yw hwn.
Er mwyn lawrlwytho cyhoeddiadau, dos at jw.org.
  • Heddiw

Dydd Mercher, Gorffennaf 30

Dydyn ni ddim yn gallu stopio siarad am y pethau rydyn ni wedi eu gweld a’u clywed.—Act. 4:20.

Os bydd yr awdurdodau seciwlar yn mynnu ein bod ni’n stopio pregethu, gallwn ni efelychu’r disgyblion drwy ddal ati beth bynnag. Gallwn fod yn sicr y bydd Jehofa yn ein helpu ni i wneud ein gweinidogaeth. Felly, gweddïa am ddewrder a doethineb. Gofynna i Jehofa am help i ddelio â dy broblemau. Mae llawer ohonon ni’n wynebu problemau fel salwch, colli anwylyn, sefyllfa anodd yn y teulu, erledigaeth, neu rywbeth arall. Ac mae pethau fel pandemigau neu ryfeloedd wedi gwneud y problemau hyn yn anoddach byth. Dyweda wrth Jehofa yn union sut rwyt ti’n teimlo, fel byddet ti gyda ffrind agos. A thrystia y bydd Jehofa yn “gweithredu ar dy ran.” (Salm 37:​3, 5) Bydd dal ati i weddïo yn ein helpu ni i ‘ddyfalbarhau pan fyddwn ni’n wynebu problemau.’ (Rhuf. 12:12) Mae Jehofa yn gwybod yn union beth mae ei bobl yn ei wynebu—“mae’n eu clywed nhw’n galw” am help.—Salm 145:​18, 19. w23.05 5-6 ¶12-15

Chwilio’r Ysgrythurau Bob Dydd—2025

Dydd Iau, Gorffennaf 31

Parhewch i wneud yn siŵr o’r hyn sy’n dderbyniol i’r Arglwydd.—Eff. 5:10.

Pan fydd rhaid inni wneud penderfyniadau pwysig, mae’n hanfodol inni “ddeall beth ydy ewyllys Jehofa” a gweithredu’n unol â hynny. (Eff. 5:17) Wrth inni ddod o hyd i egwyddorion o’r Beibl sy’n berthnasol i’n sefyllfa ni, rydyn ni’n wir yn ceisio meddylfryd Duw ar y mater. Ac yna, wrth inni roi’r egwyddorion hyn ar waith, byddwn ni’n gallu gwneud penderfyniadau da. Mae’r “un drwg,” ein gelyn Satan, eisiau ein cadw ni’n rhy brysur i wasanaethu Duw. (1 Ioan 5:19) Byddai’n hawdd iawn i Gristion flaenoriaethu arian, addysg, neu waith. Er nad ydy’r pethau hyn yn anghywir ynddyn nhw eu hunain, byddai eu ceisio nhw’n gyntaf yn arwydd fod person yn dechrau meddwl fel pobl y byd. Ddylai’r pethau hyn byth gymryd lle ein gwasanaeth i Jehofa. w24.03 24 ¶16-17

Chwilio’r Ysgrythurau Bob Dydd—2025

Dydd Gwener, Awst 1

Mae’r rhai sy’n byw yn iawn yn wynebu pob math o helyntion, ond bydd yr ARGLWYDD yn eu hachub nhw drwy’r cwbl.—Salm 34:19.

Mae ’na ddwy wers bwysig yn y salm uchod: (1) Mae pobl gyfiawn yn wynebu problemau. (2) Mae Jehofa yn ein hachub ni o’n treialon. Sut mae Jehofa yn ein hachub? Un ffordd yw drwy ein helpu ni i gael agwedd realistig tuag at fywyd yn y system hon. Er bod Jehofa yn addo y cawn ni lawenydd yn ei wasanaeth, nid yw’n addo y bydd ein bywydau heb broblemau nawr. (Esei. 66:14) Mae’n ein hannog ni i ffocysu ar y dyfodol—yr amser pan fyddwn ni’n mwynhau’r bywyd tragwyddol mae Duw eisiau inni ei gael. (2 Cor. 4:​16-18) Yn y cyfamser mae’n ein helpu ni i ddal ati bob dydd. (Galar. 3:​22-24) Beth gallwn ni ei ddysgu o esiamplau gweision ffyddlon Jehofa, yn adeg y Beibl ac yn ein hamser ni. Mae’n bosib y byddwn ni’n wynebu problemau annisgwyl. Ond os ydyn ni’n dibynnu ar Jehofa, bydd ef wastad yn ein cynnal ni.—Salm 55:22. w23.04 14-15 ¶3-4

Chwilio’r Ysgrythurau Bob Dydd—2025
Croeso.
Adnodd ymchwil ar gyfer cyhoeddiadau mewn amryw ieithoedd a gynhyrchir gan Dystion Jehofa yw hwn.
Er mwyn lawrlwytho cyhoeddiadau, dos at jw.org.
  • Cymraeg
  • Rhannu
  • Dewisiadau
  • Copyright © 2025 Watch Tower Bible and Tract Society of Pennsylvania
  • Telerau Defnyddio
  • Polisi Preifatrwydd
  • Gosodiadau Preifatrwydd
  • JW.ORG
  • Mewngofnodi
Rhannu