Rhinwedd Daioni

1. O Jehofa, Duw daioni,

Sanctaidd wyt, ein nefol Dad.

Rwyt yn ffyddlon a charedig,

Dim ond ti sydd wir yn dda.

Rwyt yn dangos dy drugaredd,

Maddau inni rwyt yn hael.

Llawenhawn yn dy ddaioni,

Dy ddaioni sy’n ddi-ffael.

2. Ceisiwn ddangos dy ddaioni

Yn ein gweithred, yn ein gair.

Dysgu rydym o’th haelioni—

Yn ddiragfarn, traethwn d’Air.

Da yw popeth o dy ddwylo—

Ein bugeiliaid ac ein dysg.

Dy ddaioni di a’th ysbryd

Sydd yn dwyn ffrwyth yn ein mysg.

3. Efelychwn dy ddaioni,

Dysgu wnawn i fod yn dda

Ac i wneud beth sy’n ddaionus,

Dan ddylanwad d’ysbryd glân.

Yn ein bro, yn ein cymuned,

Yn ein teulu, gyda phawb,

Gyda’th ysbryd a dy fendith,

Dy ddaioni di fawrhawn.