Cân 58 (138)

Rhodiwn Gyda Duw!

(Micha 6:8)

1. Yn ostyngedig rhodio wnawn

Yn neddfau cariad Duw.

Wrth gadw pur uniondeb cawn

Nerth ganddo i’n hadfyw.

Yn ffyddlon glynwn wrth y Gwir,

Gochelwn rhag rhai gau.

Gafaelwn yn llaw Duw geirwir

Fel un o’r bychain rai.

2. Mewn purdeb rhodiwn gyda Duw,

At eiriau pur nesáwn;

Anelwn at berffeithio’n byw

—Ysbrydol dyfiant llawn.

Beth bynnag sydd yn hawddgar, pur,

A phopeth haedda glod,

Myfyriwn beunydd ar y Gwir,

Bodloni Duw yw’n nod.

3. Yn ffyddlon rhodiwn gyda Duw,

Fe rydd ei ddeddfau sail

Duwioldeb glân, bodlonrwydd gwiw,

Trysorau teg, di-ffael.

O rhodiwn gyda Duw, a llon

Gyhoeddi wnawn ei fri.

Llawenydd mawr drwy’r ddaear gron

Ddaw drwy ei Deyrnas fry.