Y Greadigaeth yn Datgan Gogoniant Jehofa

1. Ysblander nef a draetha’th foliant, Dduw;

Cadwynau’r sêr glodforant allu’n Llyw.

Dy foli wna’r pellterau gloyw, maith;

Jehofa Dduw, rhyfeddol yw dy waith!

Yr eangderau annirnadwy maith

Adroddant glod dy ogoneddus waith.

2. Penodaist derfyn ar ryferthwy môr:

‘Hyd yma’r ei, dim pellach,’ meddit Iôr.

Dy fraich sydd nerthol, estynedig yw;

‘Pa beth yw dyn, i ti i’w gofio, Dduw?’

Arswydus waith, difesur gread yw;

‘Pa beth yw dyn, i ti i’w gofio, Dduw?’

3. Dy gyfraith lân, dy dystiolaethau gwir,

Dy ddeddfau uniawn a’th orchmynion pur,

Dymunol ŷnt, tu hwnt i emau coeth;

O’u cadw, aeddfed ddown, ysbrydol ddoeth.

O werth anfeidrol uwch na gemau coeth

Yw’th Air Jehofa Dduw, a’th farnau doeth.