Mahlangsee hynh pawtenynh yncikungaw citemou na tua

BAEBU NYNH

“Pachia nynh mihmiphi balyng kha pung ahupah vae cih hae. Chiinaw, rawnaw, siaruanaw, cciihawnaw balyng ung vae lang khyh. A ung ryng paw miakaw hae balyng kha pung a zo vae.”—Byaphy 21:3, 4.

BAEBU CCAW LIATE NA MUE LANGPAW HYTHUANAW HAE

Asuilang ungza lungccing ungpaw ryalaw.—Isaiah 65:21-23.

Cciihawnaw, ryachiccinaw miakaw pung azo vae cih.—Isaiah 25:8; 33:24.

Innbyng, mihry vaeccaw haery lungtua lungpawte unglang vae.—Sam 37:11, 29.

BAEBU HYNH ZYNNGANG UNG CIH TOU?

Zynngangnaw akong azyahua ccangnin a ung:

• Pachia tuh abaking thyhhawte accingsa kho paw Bawi nynh a thua. Zahova Pachia tuh thungzah ahuhang athang kho leipaw a thua keiccuze, amaw luhkheih kele rou nynh “Athung huapaw” cite Baebu nynh a ci. (Byaphy 15:3) Tuhkeiccuze a ung naw ohpaw e laephi hynh houh ahoihua langte kae rae pah cih oh acipaw abaking hawte ynrae pah kho. ‘Pachia tuh atyng are acih kho paw’ cite Baebu nynh a ci.—Matthai 19:26.

• Pachia tuh abaking hawte yncipah rypaw Bawi nynh a thua. Pachia tuh achih haepaw hynh hingthui haesah ci myarya a ry.—Job 14:14, 15.

  Pachia Ccapaw Zisu laevawlang a ung lyaze ngeccih miakaw balyng adang sah hae cite Baebu nynh a ci. Pawcce adang sah hae? Dangsah rynaw thinlung ahoy keiccu. (Marka 1: 40, 41) Zisu tuh a Paw hawte ngeccih dangsah rynaw lungthin a hoi.—Johan 14:9.

  Tuhkeiccuze Pachia te Zisu tuh aening kha malang ccyh kya lungtua lungpaw te yn ung sah ry haepaw cite zyn kho a thua.—Sam 72:12-14; 145:16; 2 Piter 3:9.