E Laephi A Uh Ccahccing Paw Tuh Ahung Mou?

BAEBU NYNH

‘E laephi tuh Setan kuihkya nynh a ung.’—1 Johan 5:19.

‘Pachia Ccahpaw Zisu tuh Setan ryalaw naw rokhylang nynh yn rung.’—1 Johan 3:8.

BAEBU CCAW LIATE NA MUE LANGPAW HYTHUANAW HAE

Laephi vaw piahccahnaa kong nythya nawlang ccae sah naw.—Byaphy 12:12.

Laephi ungtu zia hynh houh houh ynhoi vae cih cite zyn kho a thua.—1 Johan 2:17.

BAEBU HYNH ZYNNGANG UNG CIH TOU?

Zynngangnaw akong azyahua ccangthung a ung:

• Setan uh naw hynh vyavya a roh vae. Zahova Pachia nynh Setan accozah hynh rolang bya a pae ku vae. Setan kha karoh cihza, Setan keiccuze alang kupaw hoileinaw miakaw marya karoh vaecih cite bya ynking pya ku.—Hebru 2:14.

• Pachia nynh laephi uhtu lang Zisu Khrih khah a po vae. Zisu tuh amaw hanglang kyalya ahtua kupaw laephi uhtu haete mazii lokuh khyh. Siapharang athua paw Zisu te a se kute, Pachia nynh hynhte aho ‘A nya haepaw te ryachi haekha thaw a ccihcih hae zah, kia reih naw kyate a khungcih hae.’—Sam 72:13, 14.

• Pachia tuh hyngboi khyh. ‘Pachia tuh a hyng kho leipaw cite’ Baebu nynh ccaete ccaelang a ho. (Hebru 6:18) Pachia nynh uhccaw hang khakheih kae ci pah cih oh ynci vae ze phe ynci pya vaepaw hawte nynh alo ku. (Isaiah 55:11) ‘E laephi uhtu Setan hynh atolang de athua vae cih.’—Johan 12:31.