Pachia Penaw Cipaw Tuh Pawmou?

BAEBU NYNH

‘Vawlangkhua ung paw Pachia nynh mazii aroh lei langpaw accozah ccangkheih kha solei ynthahdang sah cih.’—Danial 2:44, New World Translation.

‘Aening hanglang ccahpaw lukheih ynpya. Amaw tuh uhnaw kaw aanaa solei yn mue cih.’—Isaiah 9:6, New World Translation.

BAEBU CCAW LIATE NA MUE LANGPAW HYTHUANAW HAE

• ‘Adingpaw uhkunaw liate hythuanaw na mue kho.’—Isaiah 48:17, 18.

• Ynthua cihpaw Laephithaw paw kya tuh accingpaw ngedangnaw te lungpawnaw kha solei mue lang vae.—Byaphy 21:3, 4.

BAEBU HYNH ZYNNGANG UNG CIH TOU?

Zynngang naw akong azyahua ccangnin a ung:

• Pachia Penaw nynh ynrae pya langpaw hae kha Zisu nynh alah lang sah. Zisu nynh azuitu hae kha Pachia Penaw ynthuanaw langpaw te arynaw laephivaw ynccingnaw lang saw lah sang oh cite alah ccang pya hae. (Matthai 6:9, 10) Tuh-e sawsangnaw kha paw te nynh ynccingngaw cipaw khamah alah lang sah.

  Zisu laevaw ung lyaze a vuelawpaw looh adang hae, adangleipaw adangsah, michi athosathui. (Matthai 15: 29-38; Johan 11:38-44) Pachia Penaw kya siapharang lang yntangcihpaw Zisu nynh ynci pya langpaw hae kha zyn kho nawlang ynci pyalo paw nynh thua.—Byaphy 11:15.

• Laephi ungtu zia nynh aromawze Pachia Penaw ynthua vae cih cipaw alang sah. Pachia Penaw ynthua dyngtuh rawtuh kunaw, ccahkangnaw, innry suekunaw yn ung ty cih cite ala hoty vae.—Matthai 24:3, 7.

  Atuccyh lya ahoty paw bya kha phe a muih vae oh.Tuhkeiccuze, aromawze Pachia Penaw nynh laevaw piahccanaa miakaw balyng hynh ynropah vae cih cite azynngang kho oh.