Ryachiccinaw balyng hynh a thang cih tou?

BAEBU NYNH

‘Pachia nynh mih mihphi balyng kha a hupa vae cih hae. Chiinaw ung vae lang khyh. Ngaethyanaw, rawnaw, cciihawnaw balyng ung vae lang khyh a ci.’—Byaphy 21:3, 4

BAEBU CCAW LIATE NA MUE LANGPAW HYTHUANAW HAE

Hoileinaw hynh Pachia kyate ynthuapaw thua khyh.—James 1:13.

Pachia nynh ruunaw a tung ohpaw balyng hynh marya yn ny pya cipaw ny naw liate lung ngaengangnaw.—Zakharia 2:8.

Vawsaw riathaenaw hae hynh ynthang vae cih cipaw ngaehoinaw.—Sam 37:9-11.

BAEBU HYNH ZYNNGANG UNG CIH TOU?

Zynngangnaw akong azyahua ccangnin a ung:

• Pachia tuh vawsaw riathaenaw te hoileinaw miakaw khah a hua. Langmaw lya amaw beih haepaw vawsaw riathae a tungvae hae ze, Pachia pawcihmou a thinlung ccii cipaw Baebu kya ria tua.—Byapiatu 2:18.

  Vawsaw riathae apyapaw ccungccaw kha Pachia nynh myarya a hua. Tousenaw langze, seinaw a rae leite a theih tupaw ccungccaw kha Zahova nynh myarya ahua cite Baebu nynh a ho.—Phungtangbya 6:16, 17.

• Pachia nynh aening luhkheih rahveih hynh pe yn ki. Amaw ccungccaw kyalya nynh lung riathae, vawsawnaw a nyh kuh oh cipaw thualei te Zahova Pachia nynh mah karyh yn ny pya.—2 Sherianaw 6:29, 30.

  Zahova Pachia nynh amaw a Penaw liate aening luhkheih rahveih a tung ohpaw ruunaw miakaw hynh marya ynthang sah pah vae cih. (Matthai 6:9, 10) Thuasalama a Penaw yn thuamaw laezung amaw kha thinlung ccahccing te a ccung hae paw tuh ngaengangnaw a mue cih hae a ci.—Locceihtu 17:27; 2 Korin 1:3, 4.