Michii hae hynh ynthothui ung cih hae tou?

BAEBU NYNH

‘Ynthothui cih hae.’—Locceihtu 24:15.

BAEBU CCAW LIATE NA MUE LANGPAW HYTHUANAW HAE

Asungsah ohpaw ccungccaw hae kha, chih hae sala zemah lung ngaengangnaw a ung.—2 Korin 1:3, 4.

Chiinaw raw rii kyate lue naw.—Hebru 2:15.

Asungsah ohpaw michii hae ryte buatungku lang ung cipaw ngaehoinaw.—Johan 5:28, 29.

BAEBU HYNH ZYNNGANG UNG CIH TOU?

Zynngangnaw akong azyahua ccangthung a ung:

• Hingnaw raetu pawtuh Pachia nynh thua. Ccungccaw miakaw hingnaw balyng hynh Pachia nynh nynh apya hae cite Baebu nynh a ci. (Locceihtu 17:24, 25; Sam 36:9) Hingnaw raetu Pachia nynh a chih hae paw kha solei bua ynhing sathui cih hae.

• Langmaw lya e ccungccaw abang kha bua ala tho sathui hae. Athothui hae paw luhtarya hae kha Baebu kya azei kuh. Tuh-e hae tuh imua, piccang, nohpi, pise phe a ccing hae. Abang hae tuh sohsoh maw khe thothui hae za, luhkheih tuh sawlungkhu ninpali a ung vae paw kha atho sathui!—Johan 11:39-44.

• Pachia nynh michii hae kha malangze bua thothui hae sah ci a ry. Zahova Pachia tuh chiinaw kha huazah raw lukheih hawte nynh a muih. (1 Korin 15:26) Pachia nynh michii athosathui naw hae liate, chiinaw raw kha aroh vae cih. Athosathui rypaw michii abang kha e laephi vawlang bua a ung sah cih hae.—Job 14:14, 15.