Baebu ccaw hynh nang pawtemou na tua?

BAEBU NYNH

‘Baebu ccaw balyng tuh Pachia thyamuisaw liate zeipaw nynh thua.’—2 Timote 3:16.

BAEBU CCAW LIATE NA MUE LANGPAW HYTHUANAW HAE

Ahing lungkhu hanglang azicipaw bakhianaw balyng lungccing phe unglang aphi.—Phungtangbya 2:1-5.

Nintakyh ahingnaw hanglang ccungkiapaw hopyapaw bya.—Sam 119:105.

Malang hanglang ame paw ngaehoinaw.—Rom 15:4.

BAEBU HYNH ZYNNGANG UNG CIH TOU?

Zynngangnaw akong azyahua ccangthung a ung:

• Nuhlang malang e bya aloku keiccuze ngaeangnaw. Baebu hynh akum 1,600 lae rote ccungccaw 40 hangte lazei hae. Alunghuatu lukheih te lukheih muihkuh boi khyh hae. Thuasalazema Pachia a min te accozah ccangkheih kong khah lazei hae keiccuze nuhlang malang e bya phe lo kuh!

• Merarih lang Baebu zei hae paw. Phungpaw lazeitu hae paw hynh aci kho hae paw kongrou nynh lazei hae. Thuasalazema Baebu zeitu hae paw nynhtuh aci kho lei hae paw te asung hae paw kongmah pheileite lazei hae.—2 Sherianaw 36:15, 16; Sam 51:1-4.

• Zynlang ungpaw bya hotoupaw. Langmawlya e Babulon kholapi ynrohcih cite Baebu nynh akum 200 hangte lahotou vae. (Isaiah 13:17-22) Pawcihte nynh aro ngaw cipaw laelang ze arohtu langpaw ccungccah min balyng phe lahotou!—Isaiah 45:1-3.

  Hotoupaw Baebu hynh adihpaw te alepaw kyacia phe alahccing kou. Tuhkiaccuze Baebu ccaw tuh Pachia thyamuisaw te zeipaw ccah-uh cite zyn kho thua tou?—2 Piter 1:21.