Ahoipaw innbyng hynh pawtemou mue kho lang?

BAEBU NYNH

‘Pachia bya kha thaeza azuipaw ccungccaw tuh lungpawnaw amue cih!’—Luka 11:28.

BAEBU CCAW LIATE NA MUE LANGPAW HYTHUANAW HAE

Ame paw sungsahkunaw na mue kho.—Efesa 5:28, 29.

Sawtua kunaw na mue kho.—Efesa 5:33.

Lunglo kunaw na mue kho.—Marka 10:6-9.

BAEBU HYNH ZYNNGANG UNG CIH TOU?

Zynngangnaw akong azyahua ccangnin a ung:

• Innbyng raetu tuh Pachia nynh thua. Laephi thotakaw e zuvaw luhnin hae kha Pachia nynh nynh a ung sakheih hae cite Baebu nynh a ci. (Genesis 2:18-24) Phuinccanglangte holangze innbyng hynh Pachia khohkhangnaw nynh thua. Pawccemou azici?

  E kong hynh tua tua: myarya athuapaw amia te e-hang kha na ae koute pawtemou ang ahyng hae cite na ny ryze ahung khamou na khia cih? Ang ahyngtupaw khazaw na khia cih.

  Tuhhawte nynh innbyng hoipaw kong lang hynh na ny ryze innbyng raetu Zahova Pachia kha nynh khia lang.

• Pachia nynh pe myarya aeki. Innbyng kong hynh Zahova Pachia nynh tuanaw ynpyapaw Baebu bya zuilangze hawnaw nynh thua. Pawccemou ‘amaw nynh nang kha pe aeki keiccu.’ (1 Piter 5:6, 7) Zahova Pachia nynh hoinaw kha mue sah ae ry. Tuhkeiccuze ynhopyapaw bya hynh aening hanglang myarya a thahne!—Phungtangbya 3:5, 6; Isaiah 48:17, 18.