ˈPë ˈdho ü zuʋ̈ˈˈ ˈwaannu ˗kwɛ 2024 ˈgü, ˗bhö ˗a mɛɛnˈˈ: ˈMën Biblö ˗ya pö?

Mɛn ꞊vadhɛ ˈbhaa ˈka ˈwɔn ˈˈgbɩɩ ˗nu ˈkwa dho bɔ ˗an ˈgü ˗kwɛ 2024 ˈka bhë, ˗an ˈˈɲan ˈti dho bhɔ. ˈˈKɛɛ kwa ꞊mɔɔn˗ ˗bha ˈkwa kwa ˗zoyö ˗dhɛkpaɔ dhiʋ̈ˈˈ ˗së ˗dhɛ. ˗A ˗zoyödhe ˈö ˈˈdhʋ̈, ü ˗dho ˗a ꞊slɔɔ ˈˈmɛn?

Biblö ˗yö ˗dhɛkpaɔ dhiʋ̈ˈˈ ˗së ˗wɔn ˗blɛɛ

Biblö ˗ya ˗pö ꞊dhɛ ˗Zlan ˗dho ˈwɔn ˈˈgbɩɩ˗ ˗nu ˈwo mɛnbhɩɩdhe ˗nu ˈgü ga ˗ni ˈgü ꞊dɛɛ, ˗an ˈˈɲan bhɔ. ˗A ˈˈtʋ̈ŋ ˈyaa ꞊gblɛɛn ˈzü kö ˗Zlan «ö ˗kɔ ziö [kwa] ˈˈyan ˈˈdhiʋ̈, ˈkö [˗yö kwa] ˈˈyanyi ꞊gban bho mü ˈˈpɛɛpɛdhö. Ga ˈyii ˈdho bhɔ ˈzü, ˈˈɛɛn ˗wëë ˗ya wo ˗sü ˈbha ˈyii ˈdho kë ˈzü, ˗wëëwʋ ˈkpɔ ˗sü waa˗ pë ˗ma mɛ ˈka ˗sü ꞊gbaan yën».—˗Dhɛkpaɔ dhiaˈˈ ˈsëëdhɛ 21:4.

• ˈBha˗ pö ˈü pë ˈö Biblö ˗ya ˈˈplüün bho ˈö ˗gban ˗dhɛkpaɔ dhiʋ̈ˈˈ ˗bha, ˈü˗ ˈbha ˈgüman, ˗bhö ˈwɔn ˗gɔ « Une espérance réelle pour des jours meilleurs » ˗wo pö.

Biblö ˗dho ü ˗takun ˗kɔ ˗kë ꞊dhɛ ꞊dɛɛ?

Pë ˈö Biblö ˈö˗ pö ˈö ˗gban ˗dhɛkpaɔ dhiʋ̈ˈˈ ˗bha ˗yö ꞊mɔɔn˗ ˗bha ˈö ü ˗takun ˈü ˗gban ˗zotadhe yaa ˗nu ˗gɔ, ˈö ˗zotadhe ˗së ˗yö ˗kë ü ˗gɔ. (Wlɔmö 15:13) ˗Dhioo ˗nu ˈö ˈwo Biblö ˈgü ˗wo ꞊mɔɔn˗ ˗bha ˈwo ü ˗takun kö ˈwɔn ˈˈgbɩɩ˗ ˗nu ˈü ꞊mɔɔn˗ ˗bha ˈü bɔ ˗an ˈgü ꞊dɛɛ, ˈö ˗an ˈbha ˗nu ˗kë ꞊dhɛ ˈˈflɛɛdhɛ, ˈwɔn ˗nu ˈö ˈwaa kpɛnŋdhö waa ˈˈyua ˗nu ˈdhö bhë, ˗an ˈgü.

• Pë ˈö Biblö ˗ya pö ˈö ˗gban ˗dhɛkpaɔ dhiʋ̈ˈˈ ˗bha, ˗kɔ ˈö mɛn ˈbha ˈö ˗gla ˈˈflɛɛdhɛ ˈgü ˗a ˗takun ˗a ˈka, ˗bhö ˗a ˗ga. ˗Bhö video Juan Pablo Zermeño : Jéhovah m’a donné une vie pleine de sens ˗ga.

• Ü zuʋ̈ˈˈ ˈdhö za dɔ ˗ni ˈgü ü ˗bha, ˗wëë ˗ya ˈkpɔ ü ˗ta, ü zuʋ̈ˈˈ ˈˈdhiʋ̈ ˈdhö ˈˈtɛɛ ˗ni ˈgü ɛɛnˈˈ ˈzü ü ˗bha mɛn ˈbha ˗ya ga, ˗kɔ ˈö Biblö ˈö ꞊mɔɔn˗ ˗bha ˈö ü ˗takun ˗a ˈka, ˗bhö ˗a ˗ga. ˗Bhö ˈwɔn ˗gɔ « La Bible peut-​elle m’apporter du réconfort ? » ˗wo pö.

• ˗Kɔ ˈö pë ˈö Biblö ˗ya pö ˈö ˗zoyödhe ˗së nu ˗a ˈka dhebɔnën ˈbha ˈö kun ˈˈsɔdha ˈka, ˈö˗ ˗bha ˈgü ˗be «ˈwɔn ˈbha ˈyaa ꞊mɔɔn˗ ˗bha kö ˗yö ˈmën ˗a ˈka» ˗a ˗dhɛ, ˗bhö ˗a ˗ga. ˗Bhö video J’ai déposé les armes ˗ga.

˗Bhö ˈwɔn ꞊gban kë kö ˗kwɛ 2024 ˗yö kë ˗kwɛ ˗tiaandhö ˈka kaa ü ˗bha ˈkɔdhigümɛn ˗nu ka ˗bha ˈka. ˗Kɔ ˈö Biblö ˗yö ꞊mɔɔn˗ ˗bha ˈö ü ˗takun ˗a ˈka, ˗bhö ˗a ꞊va ˈbha draanˈˈ. ˗Bhö kwa ˗bha Biblö draansü ˈö ꞊dhɛ ˈˈdoodɔ ˗sü ˈdhö ˈö ˈwëëga bho ˗wɔn ˈyaa˗ ˈgü ˗a ˈgüdan. ˗Kɔ ˈö Biblö ˈö ꞊mɔɔn˗ ˗bha ˈö ü gba «˗yadeflëëgüsü» ˈka ꞊dɛɛ, ˈö «˗dhɛkpaɔ dhiʋ̈ˈˈ˗së waa ˗zoyödhe ˗së» nu ü ˗dhɛ, ˗bhö ˗a ˗ga.—Jérémie 29:11.