Aw Ka Ɲiningaliw Jaabiliw

◼ Wagati juman lo a bɛnnen be ka kɔngeregasiyɔn ka Kitabukalan jɛkulu wɛrɛ sigi seen kan?

Jateminɛ ka kan ka kɛ jɛkulu kura sigini kama ni waajibi lo ka Kitabukalan jɛkulu kelen kelen bɛɛ ka kafodenw ni Masaya Boon ta hakɛ daan sigi mɔgɔ 15 ɲɔgɔn ma. Mun na o koo ɲininen be?

Ni daan sigira Kitabukalan jɛkulu hakɛ la, kalan ɲɛminɛbaga be se k’i janto kafoden kelen kelen bɛɛ la. Ka fara o kan, bɛɛ be se ka lakalita kɛ tuma caaman o yɔrɔ la, yɔrɔ min b’u dɛmɛ k’u ka lanaya kofɔ bɛɛ ɲɛ na (Heb. 10:23; 13:15). Jɛkuluninw mana sigi yɔrɔ caaman na kɔngeregasiyɔn ka kiinw kɔnɔ, a be nɔgɔya mɔgɔw ma ka na Kitabukalan na ani waajuli baara lajɛnw na. Kɔngeregasiyɔn minw ye jɛkulu wɛrɛw sigi seen kan, u y’a kɔrɔsi ko dɔ farala jɛkuluw ka kafodenw kan.

Koo dɔw cogoya kosɔn, kɔngeregasiyɔn be se k’a ɲini ka jɛkulu wɛrɛ sigi seen kan hali n’o jɛkulu ka dɔgɔ dɔɔni. O be se ka kɛ yɔrɔ dɔw la, minw yɔrɔ ka jan kɔngeregasiyɔn na. Walima ni mɔgɔw degunnen be yɔrɔ dɔ la, wala ni sigiyɔrɔ caaman tɛ yen. Yɔrɔ dɔw la, jɛkulu dɔ be se ka sigi seen kan tile fɛ mɔgɔ kɔrɔw kama, ani minw be baara kɛ suu fɛ, balimamuso dɔw fana kama minw ka furucɛ tɛ Seere ye.

Kitabukalan kelen kelen bɛɛ kɔnɔ, weleweledala kisɛman caaman ka kan ka sɔrɔ, minw ka hakilimaya barika ka bon. Kalan ɲɛminɛbaga ni kalangwɛ kɛbaga setigiw fana ka kan ka sɔrɔ yen. Balimaw ka kan k’a ɲini k’u ka kɔngeregasiyɔn mako wasa ka taga o fan fɛ.

Diinan mɔgɔkɔrɔw be se ka kɛ sababu ye kɔngeregasiyɔn ka ɲɛtaga sɔrɔ ni u b’u janto a la: Ko Kitabukalan jɛkuluw bonya kɛɲɛnen be, ko kafodenw ka hakilimaya be wasa koɲuman, ani ko lajɛnw be kɛ yɔrɔ bɛnnenw na. Ni koow cogoya ka nɔgɔ tuma o tuma, jɛkulu kuraw ka kan ka sigi seen kan walisa bɛɛ ka tɔnɔ dafalen sɔrɔ o labɛn na, min ɲɔgɔn tɛ yen hakilimaya ta fan fɛ. Yala i be se k’i ka soo labila Kitabukalan dɔ kama wa? Mɔgɔ minw y’o kɛ, u caaman ye dugaw sɔrɔ ka bɔ Ala yɔrɔ.