I ta kitabukalan kɔrɔsibaga dɛmɛ

¹ An kelen kelen bɛɛ be nafa caaman sɔrɔ kafo ka kitabukalan na. Kalo tɛmɛnen, an y’a ye cogo min na kitabukalan kɔrɔsibaga b’a ka kunkanbaara dafa. An be se ka mun lo kɛ k’a dɛmɛ, janko an yɛrɛw ani mɔgɔ wɛrɛw ka nafa sɔrɔ?

² Taga kalan na lɔgɔkun o lɔgɔkun: Komi kitabukalan jɛkuluw ka dɔgɔ, a kɔrɔtalen be i ka kɛ yen. A laɲini ka taga kalan na lɔgɔkun o lɔgɔkun. I fana be se ka dɛmɛ kɛ, i kɛtɔ ka kɛ lɛri la. O be kɔrɔsibaga dɛmɛ ka kalan daminɛ cogo tilennen na.—1 Kɔr. 14:40.

³ Lakalita minw be mɔgɔ sabati: I be se ka dɛmɛ kɛ cogoya wɛrɛ la: I kɛtɔ ka kalan labɛn koɲuman, ani ka lakalitaw di, minw be mɔgɔ sabati. Tuma caaman na, lakalita fisamanw ye lakalita minw be ɲɛsin hakilinata kelen ma. Ani, o fana be mɔgɔ wɛrɛw jagwɛlɛya ka lakalita kɛ. Kana a ɲini ka lakalita kɛ dakun kɔnɔnakow bɛɛ kan. Ni kalan yɔrɔ dɔ y’i dusukun sɔrɔ, dɔ fara baro nafa kan, i kɛtɔ k’i ka miiriya tilan ni tɔɔw ye.—1 Piɛre 4:10.

⁴ Ni nɛɛma dira i ma ka dakunw kalan jɛkulu ka nafa kama, i k’o cii dafa ni sɔbɛ ye. Kalangwɛ ɲuman be dɔ fara kalan nafa n’a diya kan.—1 Tim. 4:13.

⁵ Waajuli kɛ ni jɛkulu ye: Lajɛnw be kɛ waajuli baara kama kitabukalan kɛyɔrɔw caaman na. N’i b’o labɛn kɔrɔta, o be kɔrɔsibaga dɛmɛ a ka waajulibaara ɲɛmɔgɔya la. O labɛnw jate i ko fɛɛrɛ, min b’i dɛmɛ ka magwɛrɛ i balimaw la ani k’u jagwɛlɛya.

⁶ Waajulibaara rapɔɔriw: Kɔrɔsibaga dɛmɛcogo dɔ filɛ: Kalosa o kalosa, i ka waajulibaara rapɔɔri di teliya la. I be se k’a don ale yɛrɛ bolo, wala k’a don rapɔɔriw buwati kɔnɔ Masaya Boon kɔnɔ. Kitabukalan kɔrɔsibagaw ye rapɔɔri minw minɛ, sekeretɛri be se k’u lajɛnnen sɔrɔ o buwati kɔnɔ.

⁷ N’i b’i bolo di i ta kitabukalan kɔrɔsibaga ma, a bena i waleɲuman lɔn. Ka fara o bɛɛ kan, i be miiriya min yira, i be se ka la a la ko Jehova bena ‘kɛ n’i ye.’—Filip. 4:23.