Tile fila lajɛnba nata ka kalan

Jehova ka kan ni nɔɔrɔ ye. An be nɔɔrɔ la Jehova kan cogo di? Mun lo b’a to a ka gwɛlɛ dɔw fɛ ka nɔɔrɔ la a kan? Minw be nɔɔrɔ la Ala kan sisan, olu be duga jumanw sɔrɔ o la? Waajulibaara saan 2008 kɔnɔ, tile fila lajɛnba kalan bena o ɲiningaliw jaabi ka an wasa. O lajɛnba kuun ko: “Aw bɛ fɛn o fɛn kɛ, a’ ye o bɛɛ kɛ Ala bonyali kosɔn” (1 Kɔr. 10:31). An k’a filɛ hakilimaya kalanba min marala an ye o tile fila nata kɔnɔ.

Kobe kɔrɔsibaga bena kalan ninw di: “Mun na an ka kan ka nɔɔrɔ la Ala kan?” ani “An ka kɛ ɲɛyirali ye mɔgɔw fɛ an kɛtɔ ka Ala ka saratiw dafa.” A fana bena forobakalan di min kuun ko “Jamakulu juman lo be nɔɔrɔ la Ala kan?” ani ka kalan laban di: “An ka jɛn ka nɔɔrɔ la Ala kan ni kaan kelen ye duniɲa kuru bɛɛ kɔnɔ.” Ale fana lo bena Ala ka Mara cidenyabaara lakɔli ɲɛminɛ. Kafokulu kɔrɔsibaga bena kalan ninw kɛ: “An ka ɲagali ka Ala ka nɔɔrɔ yira mɔgɔw la”, “An k’an janto Kafokulu ka makow la”, ani “‘An sinsinnen ka to tiɲɛ la’”, o min basiginen be 2 Piɛrɛ 1:12 kan. An fana bena a ye cogo min na “Piyɔniye baara be nɔɔrɔ la Ala kan.” Kalankulu fila dɔw bena mɔgɔw lasun ka miirili kɛ. A fɔlɔ kuun ko: “An ka nɔɔrɔ la Ala kan an ka ɲɛnamaya faan bɛɛ kɔnɔ.” A bena 1 Kɔr. 10:31 ka kuma senumanw kɔrɔ dunya ɲɛfɔ. A filanan kuun ko: “An ka baara senuman kɛ Jehova ye k’a tando.” O kalan bena ɲɛsin an ka batoli faanw ma. La Tour de Garde kalan bena kɛ ka surunya ani baro fana bena kɛ dimansi ka tilera kalan kan. O lajɛnba fana bena kɛ sababu ye batɛmu be kɛ.

Hadamadenw caamanba banna Ala la. Hadamadenw ka fɛɛrɛw ye mɔgɔ caaman bila ɲɛmalɔbaliya la fɔɔ u tɛ wagati ta ka miiri Jehova ka nɔɔrɔba kan (Yuh. 5:44). Nka an lanen b’a la ko nafa b’a la ka wagati ta ka miiri cogo min na ‘An bɛ fɛn o fɛn kɛ, an k’o bɛɛ kɛ Ala bonyali kosɔn.’ I k’i labɛn ka kɛ o lajɛnba la ani ka nafa sɔrɔ a kalanw bɛɛ la.