Réveillez-vous ! kɛrɛnkɛrɛnnin dɔ bena yira novanburu la!
1 Mɔgɔ caaman b’u yɛrɛw ɲininga sɔbɛ la ni nafa be Bibulu la. Ni hadamadenw lo y’a sɛbɛ, cogo di a be se ka weele ko Ala ka Kuma? Mun na ne ka kan ka n’ jigi la a kan walisa a ka ne ɲɛɛ minɛ? Ni ne be wagati ta ani ka jijali kɛ ka Bibulu kalan ani k’a sɛgɛsɛgɛ, nafa juman bena sɔrɔ o la? Baara ka kan ka kɛ ni Bibulu bayɛlɛmali juman ye? Nin ye ɲiningali dɔw ye minw ka jaabili be sɔrɔ novanburu ka Réveillez-vous ! kɛrɛnkɛrɛnnin kɔnɔ. A kuun ko “Yala mɔgɔ be se k’a jigi la Bibulu kan wa?”
2 An bena an jija ka nin Réveillez-vous ! kɛrɛnkɛrɛnnin jɛnsɛn kosɔbɛ an ka kiinw kɔnɔ. N’a see b’an ye, an ka jɛn ni kafo ye ka waajuli kɛ soo ni soo samedi o samedi novanburu kalo la. An k’o Réveillez-vous ! yira an somɔgɔw la, an sigiɲɔgɔnw, baarakɛɲɔgɔnw, lakɔli karamɔgɔw, lakɔli filankuruw, ani viziti kuraw la. N’an be taga sanni kɛ yɔrɔ wala n’an be taga dugu la, an k’o dɔ mara an kun. Diinan mɔgɔkɔrɔw ye dɔ fara o Réveillez-vous ! komandi kan walisa a ka labɔri kɛ kafo kɔnɔ.
3 An ka bibulukalan daminɛ: N’an y’o Réveillez-vous ! di mɔgɔ dɔ ma, yanni an ka baro kuncɛ, an be se ka bibulukalan juu sigi. Ɲɛyirali fɛ, an be se k’a fɔ ko: “Siɲɛ wɛrɛ, a bena diya ne ye ka nin ɲiningali jaabili yira i la Bibulu kɔnɔ, ‘Ala ka laɲinita ye mun lo ye dugukolo ta fan fɛ?’” O kɔ, an ka segi ka taga ni gafe Qu’enseigne la Bible ye ani an ka ɲɛɛ 4-5 yira a tigi la, walima an ka baro kɛ sapitiri 3nan kan, dakun 1-3. Cogoya wɛrɛ ye k’a fɔ ko: “Siɲɛ wɛrɛ, a bena diya ne ye ka baro kɛ n’i ye Bibulu ka ciraya kuma dɔ kan min be dafara sisan.” N’an segira ka taga bɔ a tigi ye, an ka gafe sapitiri 9nan yira a la ani an ka baro kɛ dakun 1-3 kan. Walima an be se k’a fɔ a ye dɔrɔn ko: “Mɔgɔ caaman ko a ka gwɛlɛ ka Bibulu ka kumaw faamu. Siɲɛ wɛrɛ, a bena diya ne ye k’a yira i la cogo min na i be se k’i ka Bibulu faamu bɛrɛbɛrɛ.” Viziti kura kɛtɔ, an ka bibulukalan kɛcogo ɲɛyira ni gafe Qu’enseigne la Bible ye.
4 “Kitabu senumaw” minw be se ka ‘hakilitigiya di an ma walisa an ka kisi’, u be sɔrɔ Bibulu dɔrɔn lo kɔnɔ (2 Tim. 3:15). O la, an bɛɛ bena an jija k’o Réveillez-vous ! kɛrɛnkɛrɛnnin jɛnsɛn ni kisɛya ye walisa ka mɔgɔw dɛmɛ u k’u jigi la Bibulu kan.