A ɲini k’i ka waajuli kɛcogo fisaya: I ka kɛ dɛmɛbaga ɲuman ye i tɔɲɔgɔn fɛ

Mun na a kɔrɔtanin lo: Yezu tun b’a lɔn ko nafa b’a la ka waajuli kɛ ni mɔgɔ wɛrɛ ye. O lo kama, tuma min na a y’a ka kalanden 70 ci ko u ka bila a ɲɛ waajuli la, a y’u bila ka taga fila fila (Luka 10:1). Waajuli la, n’i ye gwɛlɛya dɔ sɔrɔ wala n’i t’a lɔn i bena i lamɛnbaga jaabi cogo min na, i tɔɲɔgɔn be se k’i dɛmɛ (Waaj. 4:9, 10). A be min lɔn, a be se k’o fɔ i ye. Tuma dɔw la, a fana be se ka ladili di i ma walisa k’i dɛmɛ k’i ka waajuli kɛcogo fisaya (Talenw 27:17). Baro kɛtɔ n’a ye soo ni soo, a fana be se k’i barika bonya n’a ka jijali kumaw ye.—Filip. 4:8.