A ɲini k’i ka waajuli kɛcogo fisaya: I be deli ka zurunaliw di minw ma, u dɛmɛcogo

Mun na a kɔrɔtanin lo: An ka zurunaliw ka di minw ye, u caaman t’a fɛ ka bibulukalan kɛ n’an ye. N’a sɔrɔ u ka diinan b’u wasa, wala u b’a miiri ko wagati t’u fɛ ka kalan kɛ. Nka u kɛtɔ k’an ka zurunaliw kalan tuma o tuma, n’a sɔrɔ Ala ka Kuma bena diya u ye (1 Piyɛri 2:2). Barokun dɔ kalan be se k’u dusukun sɔrɔ wala u ka koow cogoya be se ka yɛlɛma. N’an be to ka taga bɔ u ye ka wagati dɔɔni kɛ n’u ye, u bena deli an na. O la, an bena se k’u diyanyekow n’u haminankow lɔn. A laban, n’a sɔrɔ an bena se ka bibulukalan daminɛ n’u ye.