Aw Ka Ɲiningaliw Jaabiliw

◼ Wagati juman lo a bɛnnin lo an ka daan sigi bibulukalan dɔ la?

Ni kalanden tɛ ɲɛtaga kɛra tugun Alako ta fan fɛ, i be se k’a ka kalan lalɔ. I k’o kɛ nɛmɛnɛmɛ (Mat. 10:11). I ka miiri koo nunu na: Yala kalanden be sɔrɔ kalan wagati la wa? A be kɔn k’a ka kalan labɛn wa? A delila ka na kafo ka lajɛn dɔw la wa? A be min kalanna, yala a b’o fɔ mɔgɔw ye wa? Yala o kalan b’a lasun k’a ka ɲɛnamaya kɛcogo yɛlɛma wa? I k’i janto a tigi sanda n’a seko la ka muɲu a kɔrɔ sabu bɛɛ tɛ ɲɛtaga kɛ cogo kelen na. N’i be kalanden ka kalan lalɔra, i k’a fɔ a ye ko a bena diya i ye ka kalan kɛ n’a ye tugun n’a labɛnnin lo ka ɲɛtaga kɛ.—1 Tim. 2:4.