A ɲini k’i ka waajuli kɛcogo fisaya: Viziti kura juu sigicogo

MUN NA A KƆRƆTANIN LO:

An ye tiɲɛn kisɛ minw dan, an ka ɲi k’u sɔn jii la (1 Kor. 3:6). Ni mɔgɔ dɔ y’a mako don, a ka ɲi an ka ɲiningali dɔ kɛ an bena min jaabi siɲɛ wɛrɛ. O bena baro nege don a tigi la ani a tɛna gwɛlɛya an ma k’an yɛrɛ labɛn viziti kura kama. N’an tagara viziti kura kɛ, an be se k’a fɔ lamɛnnikɛla ye ko an nana o loon na ka ɲiningali lo jaabi.

A KƐCOGO:

• I bena min fɔ mɔgɔw ye soo ni soo, n’i b’o labɛnna, i ka ɲiningali dɔ labɛn fana i bena min jaabi viziti kura tuma na. I be gafe min yirala mɔgɔw la, i be se k’i ka ɲiningali basigi o kɔnɔko kan. I be se fana k’i ka ɲiningali basigi an ka kalankɛ gafe dɔ kɔnɔko kan i bena min yira a tigi la siɲɛ wɛrɛ.

• Ni mɔgɔ dɔ y’a mako don ani i be baro kuncɛra, i k’a fɔ a tigi ye ko i b’a fɛ ka segi ka na baro kɛ n’a ye. I tun ye ɲiningali min labɛn, i k’o kɛ a tigi ye fana. N’a be se ka kɛ, a tigi ka ladɛrɛsi ani a ka telefɔni nimɔrɔ minɛ.

• N’i ye i daa di ko i bena segi ka na wagati tigitigi dɔ la, i ka kɛ kantigi ye.—Mat. 5:37.