KERECƐNW KA ƝƐNAMAYA

A ɲini k’i ka waajuli kɛcogo fisaya: Viziti kura kɛcogo

MUN NA A KƆRƆTANIN LO: Minw b’u mako don Masaya kibaro la, u caaman b’a ɲinina ka tiɲɛn lɔn Ala koo la (Ezayi 55:6). Walisa ka se k’u kalan o la, fɔɔ an ka kɔsegi ka taga bɔ u ye siɲɛ caaman. Bɛɛ ka gwɛlɛyaw tɛ kelen ye. O kama, an tɛ se k’u bɛɛ dɛmɛ cogo kelen na u ka ɲɛtaga kɛ. Nka, an bena sanga sɔrɔ n’an b’an yɛrɛ labɛn ka ɲɛ ani n’an b’a laɲini ka bibulukalan daminɛ n’a tigi ye viziti kura kelen kelen bɛɛ la.

Balimamuso dɔ b’a yɛrɛ labɛnna viziti kura kama

A KƐCOGO:

Balimamuso fila tagara viziti kura dɔ kɛ ani u ye videwo dɔ yira

I jija ka kɔsegi a tigi fɛ joona joona, n’a be se ka kɛ tile damanin dɔrɔn kɔ.—Mat. 13:19.
Koow kɛ ni ɲumanya ye ani bonya la a tigi kan. Kana ja kelen kan.
A daminɛ k’a tigi fo ni dusudiya ye. A weele a tɔgɔ la. A hakili jigi i nakun la: k’a ka ɲiningali jaabi, ka zurunali kura di a ma, k’an ka site web wala videwo dɔ yira a la, wala ka bibulukalan kɛcogo yira a la. N’a tigi y’a mako don koo wɛrɛ la, barokun yɛlɛma ka kɛɲɛ n’o ye.—Filip. 2:4.
Vɛrise dɔ kalan ani a ɲɛfɔ a ye wala gafe dɔ to a ye walisa k’a dɛmɛ ka dɔ lɔn tugun (1 Kor. 3:6). A ɲini ka jɛnɲɔgɔnya teriman kɛ n’a tigi ye.
Viziti kura wɛrɛ juu sigi.